Tsing'ano 16:21 - KITABU KITAKATIFU

²¹ Mundu mugeri amanyikanaa ku limanyiriza lilie. Amakuva geege manyingi malahi gamukolaa kuva wokogoonya.

Tsing'ano 16:21 Iomraidhean Croise

1 Avami 3:12

ndakora kuli uteevi: Ndakuha vogeri vunyingi kandi limanyiriza kuvita vwu mundu wundi woosi yaali navwo ku maziambiri, anoho aliva navwo.

Zaburi 45:2

Ivi oveeye musaza wi ligondo lilahi kuvita avandi vosi. Kandi oveeye mumolomi mulahi ligali Nyasaye akugasizaa kazozo.

Tsing'ano 10:13

Avandu vovogeri vamoloma makuva gi kivuni, navuzwa vandu vasiru gavadukiraa vahevwe amageri.

Tsing'ano 10:23

Voveeye uvusiru kuyaanzilira kokora vudamanu navuzwa vandu vi limanya vayanzilira kokora ovogeri.

Tsing'ano 10:8

Avandu vovogeri vavugilira zigangani zindahi navuzwa vandu vasiru valadivizwa.

Tsing'ano 15:7

Limanya lilaandizwa na vandu vaveeye avageri, navuzwa sivulandizwa na vasiru mba.

Tsing'ano 16:22

Ovogeri voveeye kisinukiru chi livamwoyo ku mundu mugeri, navuzwa kogeliza kwigiza vandu vasiru nu kwononyia vwiyangu.

Tsing'ano 23:15

Mwana wange, nuva mugeri ndava nuvuyanzi.

Tsing'ano 27:9

Maguta gu mwayu ni kimuli vikoleteraa uvuyanzi mumwoyo, navuzwa uvudinyu vwononyaa elielemeliza lie zing'anagani.

Kohelethu 12:10

Mwilwazi yageriza kwenyaa makuva gu kuleminya mwoyo, navuzwa makuva ga yang'oda gaali giligali.

Isaya 50:4

Yahova Nyasaye umali kumba amakuva gokovoola, kunangwa nduuki kuhaana zinguru kandi kudinyiriza avadedekere. Yambukizaa vuli mugambazuri, kunangwa nduuki kuhulira agazizaa kunzigiza.

Hosea 14:9

Yavo avaveeye novogeri gavadukiraa vamanyirizi vindu yivi, kandi vaviviki mu zing'anagani ziavo. Kigira zinzira zia Yahova ziveeye zinungi. Avandu vaveeye avoni valikigitara kandi valagwa. Avandu vaveeye avalungi valangenda kuzio.

Matayo 11:25

Ing'inga yeyo Yeso yavoola, “Baba, Mwami wi ligulu kandi lirova! Ngusandizaa ligali kigira waavisa ivindu yivi ku avageri na avilimanya, na nuukunulira ivihanzahanza.

Luka 4:22

Avandu vosi vayanzizwa naye ni vagenya kigira makuva malahi gayavoola. Vavoola, “Uyu siaveeye muyaayi wa Josefu?”

Yohana 7:46

Avasikari vaativura, “Sihaveeye ho nu mundu uwa moloma kuli musaza uyu amolomaa mba!”

Varumi 16:19

Avandu vosi vaahuliyi amakuva gu vusuuvirifu vwinyu ku Ivangeri, kandi ku kivuni yiki, mbeeye nu vuyanzi ligali kigira munyi. Nyenya muve avageri mu limanya agaveeye malahi, muvuli konyooleka ni kindu ku gaveeye madamanu.

Yakobo 3:17

Navuzwa ovogeri vuturaa igulu, voveeye vulahi mulitanga ku viosi; voveeye vwi mirembe kandi, vwovohocha, kandi vwu vulina; vwokoleeta avandi ahimbi, vwizuyi zimbavasi na kandi vwama amakuyu gi vikolwa vilahi; uvutaveeye ni lieriza kandi uvugadi.