Tsing'ano 15:8 - KITABU KITAKATIFU

⁸ Yahova ayaanzizwa nilisaala lia vandu valahi, navuzwa adunyiraa visiuviliru viletwaa na vandu vachamu.

Tsing'ano 15:8 Iomraidhean Croise

2 Samweli 15:12

Lwa Abisolomu mu lilohiza lia Abisolomu nahaana visiuviliru, yatumana Ahizofeli kutura mu lidaala lia Gilo, uwaali mulala ku vahaani viziganagani va Daudi. Zinguru zianyooleka kigira kolohiza muvwivisu ku mwami, kandi avalondi va Abisolomu vaadasika.

1 Avami 3:10

Yahova yayanza ligali ndi, Solomoni yali nateevi kindu yiki.

1 Kyetsinyinga 29:17

Inzi manya, O, Nyasaye wange, ivi ugerizaa mwoyo gwa vuli mundu na uyanzizwa na avandu vu vulungi nu vusuuvirifu. Na mu vulungi nu vusuuvirifu vwange, mali kuhaana vindu yivi viosi ku ivi, kandi mali kolola kuli avandu vovo avamali kuvunga hano vayanzi koleta vihaanwa viavo ku ivi nu mwoyo gwosi.

Zaburi 141:2

Vugilira lisaala liange kuli kimuli kifunyaa mwayu imbiri woovo, kandi umbugiliri lwang'ingaa amakono gange ku ivi kuli kisiuviriru cha ha mugolova.

Zaburi 17:1

O, Yahova, hulira ligoonya liange kigira likalaga liuvulungi! Huliriza ku lianira liange kigira ovokonyi. Huliriza ku lisaala liange lisuuvirifu!

Tsing'ano 10:24

Avandu valungi valanyora cha venya, navuzwa avandu vachamu valanyora cha vatizaa ligali.

Tsing'ano 15:29

Lwa vandu valungi vasaala Yahova ahuliraa, navuzwa alekaa yavo avaveeye vadamanu.

Tsing'ano 15:7

Limanya lilaandizwa na vandu vaveeye avageri, navuzwa sivulandizwa na vasiru mba.

Tsing'ano 21:27

Yahova siayanzilira visiuviliru via vandu vachamu mba, siaviyanzilira ligali niiva valahaana niliiva liu vudamanu mba.

Tsing'ano 21:3

Kokora gaveeye malungi kandi gilikalaga lirungi, gayaanziza Yahova kuvita kumuletera visiuviliru.

Tsing'ano 28:9

Niiva siulatia malago ga Nyasaye, sialavugilira lisaala liilio mba.

Kohelethu 5:1

Ohenze vogeri lwa wingira mu Litembeli lia Nyasaye. Voveeye vulahi kwingira mu nu kwiga kuvita kuhaana visiuviliru kuli vandu vasiru vakora, vandu vatamanyi vulungi nu vudamanu.

Lwimbu lwa Solomoni 2:14

Ivi oveeye kuli likuulu lievisaa mu zimbangaywa zia magina. Leka ndore mumoni mumwo kandi mbuliri mwoyo gugwo; Kigira mwoyo gugwo goveeye mulahi ligali, kandi mumoni mumwo muveeye mwuvuyaanzi.

Isaya 61:8

Yahova avoora, “Inzi ndayaanza likalaga liu vulungi, kandi ndunyiraa likora uvudamanu ndahaana amadanyi ku avandu vange mu vusuuvirifu. ndaalomba lilagana liange navo lie mihiga ni mihiga.

Isaya 66:3

“Avandu vakora kuli vayaanza. Gaveeye malala meere kuvo, niiva vita igiriki kuli kisiuviriru anoho vavunanyie ligoti lie imbwa; niiva valahaana kihanwa chuvuswage anoho vahane masahi gi inguruvi; vahaana kimuli anoho vasaale ku kifananyi gaveeye malala meere kuvo. Yee, vasangalira mu zinzira ziavo ziukusigamira zielivihiliriza.

Jeremia 6:20

Simbugilira ku kimuli chamundetera kutura Sheba anoho ivindu vifunya umwayu kutura mukivala chihale mba? Sindavugilira zisadaka ziavo anoho sindayanzilira ivisiuviliru viavo mba.

Danyeli 9:23

Lwa watanga koteva Nyasaye, yakutivulira. Akuyaanzaa, kunangwa nzizi kuhaana mativuli. Kalunu huliriza lwa nzivaala malola yaga.

Kyavalevi 7:18

Niiva ku inyama yi kisiuviriru chiche ilaliivwa ku lidiku lia kavaga, Nyasaye sialavugilira kihanwa chiche mba. Kandi sikalavalizwa ku oyo ukihaani mba, kigira keveeye kidamanu. Oyo uva nalia kuinyama yeyo alava nilihiolo kandi alahevwa mageri.

Mika 6:6

Nyara koletera kindiki Yahova, Nyasaye wu mwigulu, lwa nziza imbiri weve kumusigamira? Nyara kumuletera vimoli vinetu nu kusaamba vive kuli vihaanwa kuye?

Mika 6:7

Yahova alayanzizwa niiva ndamuhaanila zielefu zia amagondi, anoho migera ja amaguta ga muzeituni agatahera? Nyara kumuhaanira mwana wange wokutanga kwivulwa kutunga kigira uvwoni vwange?

Haggai 2:14

Maku Hagai yavoola, “Yahova avoora ndi, kindu kilala chere kilakoleka ku vandu vi ihiiri yiyi, kandi ku vindu viosi via valomba; kandi ku vindu viosi via vahaana ku vwali vikolwa vidamanu.”

Malaki 1:10

Yahova Wuvunyali avoora, “Nzegomba mundu mulala ku munyi ahane viliango vie Litembeli kunangwa muvuli kuhambiza muliru gutaduukanaa ku vwali vwange. Inzi simbeeye nuvuyanzi ni munyi mba, si ndavugilira vihaanwa via muletaa ku inzi mba.

Yohana 4:24

Nyasaye ni Roho, nayavo vamusigamira gavadukiraa vamusigamiri mu Roho nu mu agiligali.”