Tsing'ano 15:5 - KITABU KITAKATIFU

⁵ Voveeye vusiru koleka ga baba woovo yakwigiza; ni vulahi kuvugilira miigizu geege.

Tsing'ano 15:5 Iomraidhean Croise

1 Kyetsinyinga 28:20

Mwami Daudi yavolera muyaayi weve Solomoni, “Uve mugulu kandi muluviliri. Tanga likora miyinzi na utaleka kindu kali kilala kukusingiriza mba. Yahova Nyasaye wange, alava harara nivi. Yahova si alakoleka mba. Alava nivi kuduuka lwi miyinzi yigi josi jiu vwumbaki vwi Litembeli lilie gitweeka.

1 Kyetsinyinga 28:9

Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

Zaburi 141:5

Mundu mulahi alahaana amageri ku inzi kandi alang'ondokera mu vulahi, navuzwa si ndavugilira uluyali kutura ku vandu vadamanu mba, kigira inzi saalaa kazozo ku vikolwa viavo vidamanu.

Tsing'ano 1:23

Muhuliri lieganihiza liange. Inzi ndahaana zing'anagani zindahi ku munyi, kandi ndamuha vogeri vwange.

Tsing'ano 1:7

Liitia Yahova liveeye litanga lio vogeri, navuzwa avasiru vachaya ovogeri kandi vasuura kwiga amigizu.

Tsing'ano 10:1

Yizi ni zing'ano zia Solomoni: Mwana mugeri akolaa baba weve kuva nuvuyanzi, navuzwa mwana musiru aletaa vovereri ku mama weve.

Tsing'ano 13:1

Mwana wovogeri ahulirizaa amigizu ga baba weve, navuzwa mundu wi kirage siavugilira ndi aveeye mudamanu mba.

Tsing'ano 13:18

Mundu otenyaa kwigizwa alava mudaka kandi alachaywa, navuzwa oyo uhuliriza miigizu alizominywa.

Tsing'ano 15:4

Amakuva malahi galetaa livamwoyo, navuzwa makuva malulu gaduvulanyia mwoyo gugwo.

Tsing'ano 15:6

Avandu valungi vaviika vutugi vwavo lwu vudinyu vuduuka.

Tsing'ano 19:20

Niiva ulahuliriza miigizu ma ove ni lienya kwiga, lidiku lilala ulava mugeri.

Tsing'ano 25:12

Mundu mugeri niyiganihiza mundu oveeye ni lienya kuhulira aveeye vulahi kuvita ebede yizahabu anoho magina guvuguli galombeywi kutura kuzahabu indahi ligali.

Tsing'ano 6:23

Amalago gaavo gaveeye kuli ling'ereng'ana liu vulavu ku ivi, amigizu gaavo galakumanyia limenya.

Tito 1:13

Lilolekiza yili liveeye lieligali. Kigira yaga, gakuduukiraa uvagondokere vululu, kunangwa vaduuki kuva valungi mu lisuuvira.

Tito 2:15

Wigizi vindu yivi; utumikiri vunyali vuvwo vwosi lwa wigiza kandi lwa uvadinyirizaa. Utaleka mundu kali mulala akolege anoho kukuchaya.