Tsing'ano 15:2 - KITABU KITAKATIFU

² Lwa vandu vageri vamoloma, valomba limanya kuyanzika, navuzwa vandu vasiru vamoloma vusiru.

Tsing'ano 15:2 Iomraidhean Croise

Zaburi 45:1

Mwoyo gwange gwizuuyi makuva malahi, ulwa ndohizaa kandi kuhandika lwimbu yilu ku mwami. Nyimbiraa umwami lwimbu yilu, lulimi lwange lwetegeki kwimba lwimbu lulahi, kuli ikalamu yu mung'odi mulahi.

Zaburi 59:7

Huliriza ku amanyego ni litihiza liavo. Amakuva gaavo gaveeye kuli vivavi viugi mu minwa jaavo, navuzwa vaganagana ndi mundu siavahuliraa mba.

Tsing'ano 12:23

Avandu vageri vakiring'ana ku gavamanyi, navuzwa vandu vasiru valandiza vusiru vwavo.

Tsing'ano 13:16

Mundu wovogeri aganagana kazozo imbiri wakikiri kokora kindu, navuzwa musiru alangaminya vusiru vwivwe.

Tsing'ano 15:23

Ni vusangali ki konyoora makuva gaduukanaa mung'inga idukanaa!

Tsing'ano 15:28

Vandu valahi vaganaganyia nivakikiri kutivula kindu; Avandu vadamanu vahaana mativuli ga vwangu, navuzwa gavaviikaa muvudinyu.

Tsing'ano 15:7

Limanya lilaandizwa na vandu vaveeye avageri, navuzwa sivulandizwa na vasiru mba.

Tsing'ano 16:23

Avandu avageri vaganagana imbiri wa vakikiri komoloma; na ga vavola gaveeye gu kuyaanziza.

Tsing'ano 5:2

Maku ulamanya kuli uva ni miima milahi, na makuva googo galamanyia ndi oveeye ni limanya.

Kohelethu 10:14

Mundu musiru amolomaa makuva manyingi ga vuzwa. Siaveeyeho nu mundu unyala kumanya kizizaa kwekoleka mba, kandi sihaveeyeho nu mundu unyala kokovoolera kindu chaza chekoleke ni kwakakuza mba.

Kohelethu 5:3

Lwa ohenderaa kindu mbitilira, ni lwo lwa unyala kuva na maloto madamanu, lwa omoloma mbitilira, ni lwo lwa unyala kovora makuva gu vusiru.

Isaya 50:4

Yahova Nyasaye umali kumba amakuva gokovoola, kunangwa nduuki kuhaana zinguru kandi kudinyiriza avadedekere. Yambukizaa vuli mugambazuri, kunangwa nduuki kuhulira agazizaa kunzigiza.