Tsing'ano 14:21 - KITABU KITAKATIFU

²¹ Mundu uchayaa mutende weve akolaa uvwoni, navuzwa aveeye nu vugasu oyo oveeye nizimbavasi ku vadaka.

Tsing'ano 14:21 Iomraidhean Croise

Zaburi 112:5

Aveeye nuvugasu mundu uyu oveeye muhaani kandi wegobizaa kevete vugira kwenya viambeti. Okolaa miyinzi jije nu vusuuvirifu.

Zaburi 112:9

Ahaanaa nuvuhaani vwosi ku avadaka, uvulungi vwivwe vuhindiraa mihiga ni mihiga. Alava ni zinguru kandi nuluyali lonene.

Zaburi 22:24

Yahova siadunyiraa kandi sialekaa avadedekere mu kivi chavo mba. Siagirung'anaa kuvaleka mba, lwa vanira kuye avakoonye, avativuliranga.”

Tsing'ano 11:12

Voveeye uvusiru komoloma nu vuchayi ku vandi. Niiva oveeye novogeri, gakuduukiraa ukiring'ane!

Tsing'ano 14:31

Mundu udambiza vadaka alegeliza Nyasaye wavalomba, navuzwa oyo oveeye ni zimbavasi ku vadaka ahaanaa luyali ku Yahova.

Tsing'ano 17:5

Mundu osekerizaa umudaka anyegaa Nyasaye wamulomba. Oyo uyaanziliraa kivi alanyoola mageri.

Tsing'ano 18:3

Vwoni ni zisoni viveeye kindu kilala. Nogotiza luyali lulwo ulakolelwa kehenyahenye.

Tsing'ano 19:17

Mundu nahaana vindu vivie ku vadaka, gaveeye kuli kwegobiza Yahova, na Yahova alakwilanyira.

Tsing'ano 21:10

Avandu vachamu vayanza kokora vudamanu kazozo sivaveeye ni zimbavasi nu mundu woosi mba.

Tsing'ano 22:9

Mundu oveeye muhaani alagasizwa kigira ahaanaa viukulia vivie ku vadaka.

Tsing'ano 28:27

Mundu uhaanira ku vadaka, sialadaka mba, navuzwa oyo wivisaa kutura ku vadaka vandu vanyingi valamulaama.

Tsing'ano 28:8

Mundu onyoora vutugi vwivwe mulimeeda vukala, avungizilaa oyo oveeye ni zimbavasi ku vadaka.

Danyeli 4:27

Kunangwa O, Mwami, olonde miigizu gange oleke kokora uvwoni, okole gaveeye malungi kandi ove nizimbavasi ku vadaka. Maku ulazizagilira kuva mu vutugi vunyingi.”

Luka 18:9

Yeso yavoola lugano yilu kandi ku avandu valala avelolaa aveene kuva nuvulungi na nivalegeliza avandi vosi

Vikolwa 20:35

Inzi mali kumumanyia mu zinzira ziosi ndi, ku liyinzira vudinyu, gakuduukiraa kokoonye avadedekere, nikwizuliza amakuva gu Mwami Yeso mwene yavoola, ‘Lihaana liveeye nu vugasu kuvita livugula.’ ”

Kwidzulitsa 15:9

Mutasuula kumwegobiza kindu kigira muhiga gwa magovi gasamifwa goveeye ahimbi mba. Mutaleka zing'anagani zindamanu kuli yizi zingili mu zing'anagani zienyu mba. Niiva musuraa kumwegobiza, alalira ku Yahova kigira munyi, na munyi mulanyoleka ni lihiolo.

Vahebraina 6:12

Kunangwa sikwenyaa munyi muve vagata, navuzwa muve kuli yavo avasuuviraa kandi vaveeye viikuziri, kandi ndio vanyoore yivio via Nyasaye amali kusuuviriza.