Tsing'ano 14:11 - KITABU KITAKATIFU

¹¹ Inyumba yu mudamanu iladivizwa, navuzwa lihema liu mulungi lilasingila.

Tsing'ano 14:11 Iomraidhean Croise

Ayubu 15:34

Muganda gwa vandu vatasuuviraa Nyasaye valakuza vugira visukululwi, kandi muliru gulasamba zinyumba ziumbakwa ni viambeti.

Ayubu 18:21

Ligali avandu vadamanu valanyora amageri kuli ndio, kandi galava ndio ku vandu vosi avatasuuvira Nyasaye.

Ayubu 21:28

Kigira muteeva, ‘Eveeye haliha inyumba yu mundu munene kalunu? Eveeye haliha inyumba yu mudamanu yamenya mu?’

Ayubu 8:15

Mundu uyu yesedemaa kunyumba yeeye, navuzwa siisingira mba; agidiliraa, navuzwa siyindiraa mba.

Ayubu 8:22

Navuzwa yavo avakudunyiraa valava mu zisoni. Kandi zinyumba zia vachamu ziladivizwa.”

Ayubu 8:6

niiva oveeye musereeze mu mwoyo kandi mulungi imbiri wa Nyasaye, ligali kalunu alaza kokokonya, kandi alakugasiza nu kuhaana ku ivi amadanyi go vomenyo vwu vulungi vuvwo.

Zaburi 128:3

Mukali woovo alava kuli muzabibu gwamaa ligali munyumba yooyo, na avana vovo valava kuli misaala midoto ja muzeituni ukukumbiriza emesa yooyo.

Zaburi 37:10

Ku ing'inga engekeeke, avandu vadamanu valatulizwa ho, ulavenyeleriza, navuzwa siulavanyoola mba.

Tsing'ano 11:28

Yavo avaviika zing'anagani ziavo mu vutugi vwavo valavunguluka kuli matu gi misaala mu ing'inga yiligesa, navuzwa valungi valazizagilira kuli matu gimisala mung'inga yumbasu.

Tsing'ano 12:7

Avandu avachamu vanyola lidivizwa kandi sivaleka visukululwi mba, navuzwa zinyumba zia vandu avalungi zihindilaa.

Tsing'ano 15:25

Yahova alasambula zinyumba zia vandu vaveeye avelori, navuzwa alakinga miandu ja vakunzakali.

Tsing'ano 21:12

Nyasaye aveeye mulungi, yamanya zinyumba ziavandu vachamu kandi aladiviza avandu vu vuchamu.

Tsing'ano 21:20

Avandu vovogeri vamenya mu miandu kandi muvutugi, navuzwa vandu vasiru vatumikira mabese gaavo goosi nonoho lwa vaganyoola.

Tsing'ano 3:33

Yahova kilaamo kuzinyumba zia vandu vakora vuchamu, navuzwa agasizaa zinyumba zia vandu vaveeye avalungi.

Zekaria 5:4

Yahova Wuvunyali avoora ndi, alaleeta kilaamo yiki ku vuli inyumba yu mundu woosi oveeye mwivi, kandi ku vuli inyumba yu mundu woosi ovola vovehi ku liesuuha. Kilaamo yiki kilava mu zinyumba yizi kuduuka lwazidivizwa na zitigale amang'anye.”