Tsing'ano 13:16 - KITABU KITAKATIFU

¹⁶ Mundu wovogeri aganagana kazozo imbiri wakikiri kokora kindu, navuzwa musiru alangaminya vusiru vwivwe.

Tsing'ano 13:16 Iomraidhean Croise

Zaburi 112:5

Aveeye nuvugasu mundu uyu oveeye muhaani kandi wegobizaa kevete vugira kwenya viambeti. Okolaa miyinzi jije nu vusuuvirifu.

Tsing'ano 14:33

Ovogeri voveeye na vandu vaveeye nilimanya, navuzwa vasiru sivamanyi kindu kigira ovogeri mba.

Tsing'ano 15:2

Lwa vandu vageri vamoloma, valomba limanya kuyanzika, navuzwa vandu vasiru vamoloma vusiru.

Tsing'ano 18:2

Musiru si ahendaa mwoyo kumanya kindu mba, chayenyaa vuzwa ni kumanya kuli aveeye mugeri.

Tsing'ano 21:24

Mundu wi kehenyahenye lieta lilie nu mwelori kandi wi kirage, akolaa vindu ni kirage chu vwelori.

Kohelethu 10:13

Mundu musiru atangaa limoloma makuva gu vusiru ma maliriza na makuva machamu gu vulalu.

Kohelethu 10:3

Vusiru vwivwe vulaloleka kali ku vageni lwayaganaa navo kunzira. Yelolekizaa ku vuli mundu ndi aveeye musiru.

Isaya 52:13

Yahova avoora, “Mutumikiri wange alaguuta mu miyinzi jije midinyu. Alahevwa luyali lonene; kandi alanenehizwa ligali.

Matayo 10:16

“Mutumaa kuli amagondi hagati hi vivwi. Muve no vogeri kuli vwi zinzoka, na avahoma mu mioyo jinyu kuli amakuulu.

Varumi 16:19

Avandu vosi vaahuliyi amakuva gu vusuuvirifu vwinyu ku Ivangeri, kandi ku kivuni yiki, mbeeye nu vuyanzi ligali kigira munyi. Nyenya muve avageri mu limanya agaveeye malahi, muvuli konyooleka ni kindu ku gaveeye madamanu.

1 Vakorintho 14:20

Avaamitu vange, mutava kuli avana mu zing'anagani zienyu mba. Muve kuli avana vadoto vatamanyi kindu ku lovega lwu vudamanu, navuzwa mu zing'anagani, gaduukanaa muve kuli vahindira.

Vafeso 5:17

Kigira yaga, mutava avasiru, navuzwa mugerizi kumanyiriza uvulariri vwu Mwami.

1 Samweli 25:17

Mwaza yaanza ganagana ku makuva yaga, na ukalage cha okola. Yili linyala koleta kivi ku munene wiitu na vinyumba yeeye vosi. Aveeye kiyingwa ligali kali mundu anyala kumuvolera kindu mba.”

1 Samweli 25:25

Mwaza, nuyanza, utahuliriza amakuva ga Nabali muyingwa oyo mba. Aveeye vuzwa kuli kivuni chi ilieta lilie livoora, ‘umusiru’. Inzi sindaaliyo lwa vatumikiri vovo vaza mba.