Tsing'ano 12:14 - KITABU KITAKATIFU

¹⁴ Amadanyi googo galondekanaa na makuva googo govoora na gokolaa; ulanyora gaduukanaa niive.

Tsing'ano 12:14 Iomraidhean Croise

Ayubu 34:11

Nyasaye ahaanaa madanyi ku vandu kugavakolaa kandi avakolera kuli gavadukiraa vakolelwe.

Zaburi 63:5

Mwoyo gwange gulalia nukwiguta kuli mulala ulizaa uvuhale nizitinya mu lilia, na ndimba zinyimbu ziu vusangali mu lizominya ivi.

Tsing'ano 1:31

Kunangwa mulakanyoole mageri kolondekana na gamuduukira kandi mulasalira kolondekana ni vikolwa vienyu.

Tsing'ano 13:2

Avandu avalahi valanyora madanyi ku gavavoraa, navuzwa avagaadi vamenya mukirage.

Tsing'ano 14:14

Vandu vadamanu valanyora agadukanaa navo, navuzwa vandu valahi valanyora madanyi gi likora lilahi.

Tsing'ano 15:23

Ni vusangali ki konyoora makuva gaduukanaa mung'inga idukanaa!

Tsing'ano 19:17

Mundu nahaana vindu vivie ku vadaka, gaveeye kuli kwegobiza Yahova, na Yahova alakwilanyira.

Tsing'ano 24:12

Unyala kovora yaga ngamanyi mba, navuzwa Nyasaye yamanya, kandi akalagira lienya liilio. Akohenzerizaa kandi yamanya. Alakuha amadanyi kolondekana ni miyinzi jijo.

Tsing'ano 5:22

Uvwoni vwu mundu muchamu voveeye mutego. Agumililwa mu muluvu gwu vwoni vwivwe.

Jeremia 17:10

Inzi Yahova nyenyerizaa zing'anagani kandi ngeriza mioyo ja vandu. Inzi ngolera mundu samulala kolondekana ni limenya lilie, kandi kolondekana ni likora lilie.”

Jeremia 21:14

Navuzwa inzi ndamuha amageri kigira agamumali kokora. Ndasaamba zinyumba zienyu ziuvwami kandi muliru gulasamba vuli kindu keveeye himbi. Inzi Yahova, mali kovora.”

Hosea 4:9

Munyi namuhevwe mageri malala mere kuli avandu! Inzi namuhe mageri kandi naamukole namutungi uvudamanu vwa mukoraa.

Matayo 16:27

Umwana wa Adamu aveeye ahimbi kuza mu vukumi vwa Baba weve harara ni zingelosi veve; kandi ahene yaho alatungaa vuli mundu kolondekana ku vikolwa vivie.

Vahebraina 11:26

Yatovola linyegwa kigira Kristo kuva lilahi ligali kuvita vutugi vwa Egebeti; kigira yahenzerera madanyi gaaza imbiri.

Vahebraina 2:2

Uvutumwa vwahaanwa ku vaguuga viitu ni zingelosi vwa loleka kuva vwi ligali kandi mundu woosi wavula kovolonda anoho kuvuhulira, yanyoora mageri agadukanaa naye.