Tsing'ano 12:11 - KITABU KITAKATIFU

¹¹ Umulimi mugulu aveeye ni viukulia vinyingi, navuzwa nuvusiru kogotiza vwiyangu ku miyinzi jitaveeye ni kivuni.

Tsing'ano 12:11 Iomraidhean Croise

Litanga 3:19

Ivi ulayinzira vudinyu nukutura ologeri kunangwa uduuki konyoora chulia. Ivi walombwa kutura kumalova kandi ulakilane kumalova.”

Zaburi 128:2

Ulalia makuyu go logeli lulwo, ulasangala nokonyoora uvugasu.

Zaburi 26:4

Inzi si nzikalaa na vandu vu vugadi mba, kandi si mbambanaa na vagadi mba.

Tsing'ano 13:20

Mundu ogendaa harara na vandu vageri, agerihaa, navuzwa niiva ahambana nu muganda gwa valina vasiru, aladivizwa.

Tsing'ano 13:23

Milimi ja vadaka jagehera jiveeye niviamo vinyingi, navuzwa vandu vataveeye valungi vavagaya vavuli kulima.

Tsing'ano 14:23

Nokora miyinzi vudinyu ulanyora uvukala, navuzwa nu wikala vuzwa no komoloma ulangwa mudaka.

Tsing'ano 14:4

Vugira zigiriki ziukulima, chage chicho kilava vuzwa, navuzwa noveeye nazio chage chicho kilizula vuswage.

Tsing'ano 20:13

Niiva ulatumikira vwiyangu vuvwo vunyingi kugona, ulava mudaka. Okole miyinzi vuli ing'inga na ulava ni viukulia vinyingi.

Tsing'ano 27:27

Zimburi zitigaye zilakuha maveere harara na vinyumba yooyo kandi ku vatumikiri vovo vi kikali.

Tsing'ano 28:19

Mulimi uyinziraa ni zigulu alanyoola viukulia vinyingi, navuzwa mundu ogotiza vuzwa vwiyangu zing'inga ziosi, alava nuvudaka zing'inga ziosi.

Tsing'ano 6:32

Mundu okolaa ovoheyi siaveeye novogeri mba. Oyo okolaa yaga yidivizaa mwene.

Tsing'ano 7:7

ndaalora vayaayi vasoleri avakikiri kuva ni limanya, navuzwa muvo ndaalora mundu musiru ligali.

Tsing'ano 9:13

Mukali musiru akubaa vuzwa liyoga kandi siaveeye ni zisoni mba.

Tsing'ano 9:16

Avoora ku vandu vasiru “Mundu woosi oveeye musiru yingiri hano.

Tsing'ano 9:6

Muleke muganda gwa vandu avasiru, na mulamenya. Mulonde kunzira yilimanya.”

Jona 2:8

Yavo avasigamiraa vifananyi via vuzwa vamali koleka uvusuuvirifu vwavo ku ivi.

Vafeso 4:28

Mundu wivaa atiiva kandi mba, navuzwa nivulahi adidikane, ayinziri na makono geege, akole kindu keveeye chuvusuuvirifu, kandi aduuki kuva mundu unyala kokonya mudaka.

2 Vatesalonike 3:8

Kunyi sikwaalia chukulia chu mundu kali mulala vugira kutuunga mba. Navuzwa muvogono yivwo kwanyangana kandi nikuyinzira vudinyu. Kwazizagilira kuyinzira vudiku nu mbasu kunangwa kuvuli kumina mundu kali mulala ku munyi.

Vakalagi 9:4

Vamuha ividonye sabwini viefeza kutura mu litembeli lia Baali wi lilagana lia yaagula avandu avibaali na vikirage vaduuki kumwunga umukono.