Tsing'ano 11:24 - KITABU KITAKATIFU

²⁴ Vandu valala vaatumikira mabese gaavo vugira lilohiza, navuzwa vameedeka kugwa vatugi. Vandi vahenzeriza ligali kuli vaatumikira mabese gaavo, navuzwa vagwiza vadaka.

Tsing'ano 11:24 Iomraidhean Croise

2 Kyetsinyinga 31:10

na Azaria musaalisi munene kutura mu kisukururwi cha Zadoku yavoola, “Kutura lwa vandu vatanga koleta vihaanwa viavo mu Litembeli lia Yahova, kwalia vinyingi, kandi viatigala vinyingi kigira Yahova yagasiza avandu veve, kulwayago, viatigala vinyingi ligali.”

Zaburi 112:9

Ahaanaa nuvuhaani vwosi ku avadaka, uvulungi vwivwe vuhindiraa mihiga ni mihiga. Alava ni zinguru kandi nuluyali lonene.

Tsing'ano 11:18

Avandu vachamu sivanyoola kindu mba navuzwa nokora agaveeye amalungi, ulanyora madanyi.

Tsing'ano 11:23

Via vandu avalahi venya vivezaa vilahi; lwa vachamu vanyoola viavenyaa, vandu vosi vavezaa nu vutima.

Tsing'ano 11:25

Ove muhaani na ulameedwa, okonye avandi, naive ulakonywa.

Tsing'ano 13:7

Avandu valala vekola kuva vatugi, navuzwa sivaveeye ni kindu mba. Avandi vekola kuva vadaka, navuzwa vaveeye avatugi.

Tsing'ano 19:17

Mundu nahaana vindu vivie ku vadaka, gaveeye kuli kwegobiza Yahova, na Yahova alakwilanyira.

Tsing'ano 28:27

Mundu uhaanira ku vadaka, sialadaka mba, navuzwa oyo wivisaa kutura ku vadaka vandu vanyingi valamulaama.

Tsing'ano 28:8

Mundu onyoora vutugi vwivwe mulimeeda vukala, avungizilaa oyo oveeye ni zimbavasi ku vadaka.

Kohelethu 11:6

Utage vuguza ing'inga ya mugamba kandi ing'inga ya mugolova, kigira siumanya niiva viosi vilamera vulahi anaho vitagwa vilala vilakola vulahi kuvita vindi mba.

Haggai 1:6

Mwamiza vuswage vunyingi, navuzwa ligesa lienyu liveeye likekeeke. Muveeye ni chukulia, navuzwa si kimuduukaa mba. Muveeye ni iwaini, navuzwa si muhambikaa mba! Muveeye ni zinguvu, navuzwa si zimuheza luya mba. Munyoolaa mitungu, navuzwa mujiviikaa mu zimuya ziafuduka.

Malaki 3:8

Inzi ndeva munyi ndi, voveeye vulahi mundu kugaada Nyasaye? Awa sigaveeye vulahi mba, navuzwa munyi mungadaa, kandi muteeva, ‘Kugaada kuli ndi?’ Mungadaa lwa muhaanaa kidieli chi likomi kandi mu vihaanwa.

Luka 6:38

Muhaane ku avandi, kunangwa munyi muhevwe na Nyasaye. Yee, ligali mulanyola kegero kilahi chi gatiywi nukusung'uswa kuduuka kulisalika kilakaviikwi mu makono ginyu. Kigira kegero cha mutumikiraa kogerera mu avandi nicho cha Nyasaye alitumikira kumugerera.”

Kwidzulitsa 15:10

Muhaane kuye nuvuhaani vwosi vugira vwimani, na Yahova alamugasiza mu vindu viosi via mukora.