Tsing'ano 1:11 - KITABU KITAKATIFU

¹¹ Niiva valavoora, “Hamba kuzie kogoneka mundu na kumwiti! Genda kuzie kwingilira vandu vataveeye nimbala.

Tsing'ano 1:11 Iomraidhean Croise

Zaburi 17:12

Vaveeye kuli zisimba izinindiliraa, izietegeki kundandulanyia mu vidonye.

Zaburi 35:7

Vategera inzi mutego muvwivisu vugira kivuni, kandi vayavaa ovogo vaduuki kung'umira.

Zaburi 56:6

Vivungiza havundu hivisu nu kohenzeriza chiosi changolaa nivasaviraa kunziza, nivasaaviraa ukunzita.

Tsing'ano 1:16

Vaveeye vwangu mu likora uvudamanu. Vuli kazozo vetegeki kwita.

Tsing'ano 1:18

navuzwa, avandu kuli yava vetegekeraa mitego aveene, mitego jaza giviiti.

Tsing'ano 12:6

Amakuva gavandu avachamu gaveeye guvwiti, navuzwa makuva gavandu avalungi gahonyia yavo vatihizwa.

Tsing'ano 24:15

Utava kuli avandu avachamu valohiza kunuura vandu valungi mba, anaho kwingira mu zinyumba ziavo mba.

Tsing'ano 29:24

Mulina wu mundu mwivi yiviika muvuhimwa vwu vusigu, ahulira kilaamo, navuzwa si avoora kindu mba.

Tsing'ano 30:14

Vaveeye ho na vandu valala avatumikiraa vululu kolegelera vadaka kandi vandu vaveeye nilienya linene; nindio vanyoola limenya liavo.

Jeremia 11:19

Ndaali kuli kememe kehoma ikihilwa kwitwa. Navuzwa si ndaamanya ndi avasigu vange valohiza vindu vidamanu ku inzi mba. Vavoola ndi, “Koteme musaala yigu nigukikiri na amatu amavisi; kumwiti kunangwa mundu navuli kumwizuliza kali hakuzu.”

Jeremia 5:26

“Avandu vadamanu vamenyaa hagati ha avandu vange; viivisi nukulindilira kuli avasaza vategi umutego vagumiri amanyonyi, navuzwa vamali kotega mitego jaavo kugumira avandu.

Mika 7:2

Sihaveeyeho nu mundu mulungi utigaye ku lirova mba, sihaliho nu mulala oveeye musuuvirifu ku Nyasaye mba. Vosi vagoneka vaduuki kwita. Vosi vahimana nu mutego.

Yohana 15:25

Navuzwa yaga gaveeye kuduukiza likuva liang'odwa mu Lilaga liavo: ‘Vandunyiraa vuzwa vugira kivuni.’

Vikolwa 23:15

Kunangwa na munyi, harara ni kiyaalo, mutumi amakuva ku munene wa avasikari va Varumi, aleete Paolo ku munyi, nimwigadaa ndi mwenya kumanya amakuva giligali geege kutura kuye. Navuzwa kunyi kwetegeki kumwita kali nakikiri kuduuka hano.”

Vikolwa 25:3

nayanza avakolere amalahi ku lileeta Paolo Jerusalemi. Vaali nivalohizi vamugoneke kunzira vamwiti ku.