Tito 3:7 - KITABU KITAKATIFU

⁷ Kunangwa ku zimbavasi zizie, kunyi kuduuki kokolwa avalungi na Nyasaye kandi kuduuki konyoora imiandu lisuuvirizwa lie livamwoyo litahera mba.

Tito 3:7 Iomraidhean Croise

Matayo 25:34

Ma Mwami alakavoolere avaveeye ku mukono gwigwe umulungi, ‘Hambi munyi avaagasizwa na Baba wange munyore miandu ju vwami vwa mwalomberwa kutura lwi lirova liatanga.

Marko 10:17

Lwa Yeso yaatanga logendo lwilwe, umundu mulala yanyagula nasigama imbiri weve, ma na muteeva, “Mwigizi mulahi, ngola ndi nduuki konyoora livamwoyo litahera mba?”

Varumi 11:6

Navuzwa litovola lilie liali ku zimbavasi zizie, sigaveeye kigira ku vikolwa viavo mba. Niiva litovola lia Nyasaye liakaveeye ku vikolwa via vandu, maku zimbavasi zizie si ziakaveeye zimbavasi ziagiligali mba.

Varumi 3:24

Navuzwa ku zimbavasi zia Nyasaye, avandu vosi vakolwa valungi imbiri weve kuvitira mu Kristo Yeso uvavoholoraa.

Varumi 3:28

Kunangwa kololaa ndi, mundu akolwaa kuva mulungi imbiri wa Nyasaye kuvitira mu lisuuvira lienyine; sigaveeye ku likora miyinzi ji Lilaga mba.

Varumi 4:16

Kigira yaga, lisuuvirizwa liatura ku lisuuvira; kunangwa lisuuviriza liduuki kuvikwa ku muhuri ni kihanwa cha Nyasaye yahaana vuzwa ku visukululwi vosi va Aburahamu. Sigaveeye vuzwa ku yavo vatizaa Lilaga venyine, navuzwa ku yavo kandi avasuuviraa kuli Aburahamu yakola. Aburahamu aveeye baba wiitu kunyi vosi mu Roho.

Varumi 4:4

Muyinziri atungwa mitungu; mitungu jije jiveeye kihanwa, navuzwa jiveeye amadanyi gologeli lwilwe.

Varumi 8:17

Na kigira koveeye avana va Nyasaye, kulanyoola imiandu josi ja Nyasaye yavikira avandu veve, kulasanga harara na Kristo miandu ja Nyasaye; kigira nikuva nikusanga mu vusaliri vwa Kristo, kulasanga kandi mu vukumi vwivwe harara.

1 Vakorintho 6:11

Valala ku munyi mwaali kuli ndio. Navuzwa kalunu mwanihizwa kutura muvwoni. Mwakolwa avatakatifu ku Nyasaye, mwakolwa avalungi imbiri wa Nyasaye ku lieta liu Mwami wiitu Yeso Kristo kandi ku Roho wa Nyasaye wiitu.

Vagalatia 2:16

Navuzwa kunyi kumanyi ndi mundu akolwaa mulungi na Nyasaye kuvitira mu lisuuvira mu Yeso Kristo, na sigaveeye ku likora agi Lilaga lienyaa mba. Kunyi kandi, kumali kusuuvira mu Kristo Yeso kuduuki kokolwa avalungi imbiri wa Nyasaye ku lisuuvira lietu mu Kristo, kigira mu miyinzi ji Lilaga mundu sianyala kokolwa mulungi mba.

Vagalatia 3:29

Niiva muveeye ava Kristo, ahene yaho muveeye visukululwi via Aburahamu kandi munyi mulanyola miandu ja Nyasaye yasuuviriza.

Vagalatia 4:7

Kunangwa ivi sioveeye mutugwa kandi, navuzwa oveeye mwana. Kigira oveeye mwana weve, Nyasaye alakuha miandu josi ja yavikira avana veve.

2 Vatesalonike 2:16

Mwami wiitu Yeso Kristo mwene, na Nyasaye Baba wiitu uwakuyanza kandi kuvitira mu zimbavasi zizie naakuha kelemamwoyo chi mihiga ni mihiga kandi lisuuvira lilahi,

Tito 1:2

Agiligali yaga gaveeye ku musingi gwi lisuuvirizwa lie livamwoyo litahera mba. Nyasaye utanyala koveha yakusuuviriza livamwoyo yilio mihiga minyingi ijavita,

Tito 2:11

Nyasaye umali kumanyia zimbavasi zizie zio ovohonyi ku avandu vosi.

Tito 2:13

lwa kulindiliraa lidiku liu uvugasu, lia kwasuuvirizwa liu vukumi vwa Nyasaye munene kandi Muhonyi wiitu Yeso Kristo liliduuka.

Vahebraina 1:14

Kunangwa zingelosi nivwaha? Vaveeye vatumwa vatumikira Nyasaye, kandi vatumwa na Nyasaye, kuzia kokonya avandu vaadukana vanyoore vohonyi.

Vahebraina 11:7

Kigira lisuuvira, Nyasaye yiganihiza Nuhu kumakuva gi vindu viza kwekoleka via yaali sianyala kolola mba. Yahulira Nyasaye, ma nalomba liato aduuki kwehonyia harara na vandu vinyumba yeeye; kutura ku gene yago, avilirova vakalagirwa, na Nuhu yanyoora kutura ku Nyasaye uvulungi vuzaa kolondekana ni lisuuvira.

Vahebraina 11:9

Kigira lisuuvira Aburahamu yamenya kuli mugeni mu kivala cha Nyasaye yaali niyamusuuviriza. Yamenya mu mahema kuli Isaka na Yakobo yanyoora lisuuvirizwa lilala liere kutura ku Nyasaye,

Vahebraina 6:17

Kandi, Nyasaye yatovola kutwekiza lisuuvirizwa lilie ni liesuuha. Nandio yamanyia havulavu yavo valinyoola miandu ndi amakuva geege sigaveeye niligirung'ana, maku yavika liesuuha hagati haavo.

Yakobo 2:5

Muhuliri, avaamitu vange avayaanze! Nyasaye yatovola avadaka vu mukivala vave avatugi mu lisuuvira, kandi vanyoore vwami vwa yasuuviriza yavo ava muyanzaa.

1 Petro 3:7

Munzira ndala nzere munyi avasaza gamudukira mumenye vulahi na vakali vinyu ni mu manya ndi vaveeye avadedekere. Muvalindi vulahi nu kuvaha uluyali, kigira munyi harara navo mulanyola kihanwa cha Nyasaye chi livamwoyo. Mukore ndio, kunangwa lisaala lienyu livuli kogoyaana.