Tito 3:5 - KITABU KITAKATIFU

⁵ yakohonyia. Sigaveeye ni kumiyinzi milahi ja kwakora muvulungi, mba navuzwa vakohonyia kigira zimbavasi zizie kuvitira mu Libatiza liletaa liivulwa lihia kandi kuvitira mu Roho Mutakatifu uhaana livamwoyo lihia.

Tito 3:5 Iomraidhean Croise

Ayubu 15:14

“Mundu woosi anyala kuva mulahi ligali? Anoho mundu anyala kuva mulungi imbiri wa Nyasaye?

Ayubu 25:4

Mundu anyala kuva ndi mulungi imbiri wa Nyasaye? Mundu wumukali yivula anyala ndi kuva mulahi?

Ayubu 9:20

Kali niiva mbeeye mulungi, vugira lihiolo, navuzwa makuva gange gene galangalagira; kali niiva mbeeye vugira imbara, Nyasaye yakandolekizi ndi mbeeye muchamu ligali.

Zaburi 130:7

O, Isiraeli, musuuviri mu Yahova, kigira uvuyanzi vwivwe voveeye vwa kazozo; kandi avugiliraa kohonyia kunyi kazozo.

Zaburi 143:2

Utambika inzi mutumikiri woovo mu likalagirwa mba, kigira sihaveeye ho numundu kali mulala oveeye mulungi imbiri woovo mba.

Zaburi 51:10

O, Nyasaye, onombere mwoyo munifu, Uviiki mu inzi roho muhia kandi musuuvirifu.

Zaburi 62:12

kandi ndi uvuyanzi uvutali nekeheri voveeye uvwivwe. Ivi umwene, O, Yahova, utunganga sa mulala amadanyi kolondekana ku vikolwa vivie.

Zaburi 86:15

Navuzwa ivi, O, Yahova, oveeye Nyasaye wu vuyanzi kandi wi zimbavasi, oveeye mwikuziri, wuvuyanzi vutaveeye ne keheri kandi musuuvirifu kazozo.

Zaburi 86:5

Ivi oveeye mulahi ku kunyi, kandi usamihaa uvwoni vwitu, wayizula uvuyanzi vutaveeye ne keheri ku yavo vosi avasaalaa ku ivi.

Isaya 57:12

Muganaganaa ndi agamukolaa gaveeye malungi, navuzwa inzi ndalang'aminya ivikolwa vienyu, na ivifananyi vienyu sivilamukoonya mba.

Ezekieli 36:25

Ndasundura mazi malahi ku munyi, na ndamukora kuva avanifu kutura ku vudamanu vwosi vwi vifananyi via mwononyia.

Mika 7:18

Nivwaha oveeye Nyasaye kuli ivi, usamihaa uvwoni kandi ukunikaa amahiolo ga yavo avatigara avavandu veve avatovole? Siaviika nu vutima vwivwe mihiga ni mihiga kigira usangalaa muvuyaanzi vutaveeye nekeheri.

Matayo 3:11

Inzi mubatizaa mu mazi kumanyia ndi mumali kwiganira. Navuzwa uyu uzaa inyima wange aveeye ni zinguru kuvita inzi. Inzi sindukana kali ku mugingira vilato vivie mba. Uyu alamubatiza mu Roho Mutakatifu kandi mu muliru.

Luka 1:50

Zimbavasi zizie ziveeye ku makura namakura, ku avandu vahaana luyali kuye.

Luka 1:54

Vaduukiza lilagana lia yalagana na vaguuga; kandi umali kuza kokonya mutumikiri weve Isiraeli.

Luka 1:72

Yavoola alaveera avaguuga viitu zimbavasi nukwizuliza lilagana lilie litakatifu.

Luka 1:78

Nyasaye wiitu aveeye wi zimbavasi kandi umulahi. Alalomba vulavu vwovohonyi vwake ku kunyi kutura mwigulu.

Varumi 11:14

Suuviraa nyara kokora avandu vi ihiiri yange vakendeke, na ndio nduuki kohonyia valala kuvo.

Varumi 11:6

Navuzwa litovola lilie liali ku zimbavasi zizie, sigaveeye kigira ku vikolwa viavo mba. Niiva litovola lia Nyasaye liakaveeye ku vikolwa via vandu, maku zimbavasi zizie si ziakaveeye zimbavasi ziagiligali mba.

Varumi 12:2

Mutalonda miima ji lirova yili mba, navuzwa muleke Nyasaye amugirung'anyie munyore uvuhia mu vogeri nu muziganagani zienyu. Na ndio muladuuka kumanyiriza uvulariri vwa Nyasaye, kandi agaveeye malahi kandi gavugililwa kandi madukiru.

Varumi 3:20

Umundu siakolwa mulungi imbiri wa Nyasaye ku likora miyinzi ji Lilaga lienyaa mba; ichi Lilaga likora keveeye okokora vandu vamanye ndi vamali kokora vwoni.

Varumi 3:28

Kunangwa kololaa ndi, mundu akolwaa kuva mulungi imbiri wa Nyasaye kuvitira mu lisuuvira lienyine; sigaveeye ku likora miyinzi ji Lilaga mba.

Varumi 4:5

Mundu utakola miyinzi, navuzwa usuviraa Nyasaye okolaa vachamu kuva valungi, Lisuuvira lilie livalizwa kuva lirungi.

Varumi 9:11

Kali niiva vaali nivakikiri kwivulwa kandi nivakikiri kokora vulahi anoho vudamanu vwulugano Iwosi, na kuduuka ovotovoli vwa Nyasaye vuzizagiliri, sigaveeye kigira imiyinzi ja makono gu mundu, navuzwa kigira ililangwa lilie.

Varumi 9:16

Kunangwa vindu viosi siviveeye kigira vulaliri vwu mundu anoho vikolwa, navuzwa kigira zimbavasi zia Nyasaye.

Varumi 9:30

Kunangwa kovoole ki? Vandu vi zihiiri avaavura kwenyeleriza uvulungi vwa Nyasaye, vumali konyooleka kuvitira mu lisuuvira;

1 Vakorintho 6:11

Valala ku munyi mwaali kuli ndio. Navuzwa kalunu mwanihizwa kutura muvwoni. Mwakolwa avatakatifu ku Nyasaye, mwakolwa avalungi imbiri wa Nyasaye ku lieta liu Mwami wiitu Yeso Kristo kandi ku Roho wa Nyasaye wiitu.

Vagalatia 2:16

Navuzwa kunyi kumanyi ndi mundu akolwaa mulungi na Nyasaye kuvitira mu lisuuvira mu Yeso Kristo, na sigaveeye ku likora agi Lilaga lienyaa mba. Kunyi kandi, kumali kusuuvira mu Kristo Yeso kuduuki kokolwa avalungi imbiri wa Nyasaye ku lisuuvira lietu mu Kristo, kigira mu miyinzi ji Lilaga mundu sianyala kokolwa mulungi mba.

Vafeso 2:4

Navuzwa livelererwa lia Nyasaye, liveeye linene ligali kandi uvuyanzi vwivwe ku kunyi voveeye vonene kuvita kegero;

Vafeso 4:23

Mugirung'ane kandi mukolwe avahia mu Roho nomu zing'anagani zienyu,

Vafeso 5:26

Yakola yaga aduuki kulitakasa ku Nyasaye ni likuva lilie, lwa mali kulinihiza na amazi

Kwidzulitsa 9:5

Sigaveeye kigira muveeye avalahi kandi mukoraa agaveeye amalungi mba, nandio Yahova amuleeka mwidikiri mu kivala chavo mba. Navuzwa gaveeye kigira vaveeye avadamanu kandi kigira Yahova Nyasaye winyu yenya aduukizi lisuuvirizwa lia yisuhira avaguuga vinyu, Aburahamu, Isaka na Yakobo.

Vakolosai 3:10

Mumali kwivika kandi liiva lihia. Yili ni liiva lia Nyasaye, alikola vuli ing'inga kuva ni liiva kuli lilie mwene kuduuka mu limanya liduukiru lilie.

Tito 3:4

Navuzwa lwu uvulahi nuvuyanzi vwa Nyasaye Muhonyi wiitu vwalolekizwa,

Vahebraina 10:22

Kulwayago, gendi kwisundi ahimbi ku Nyasaye numwoyo gwiligali ni lisuuvira liu vuduukiru, nikoveeye ni zing'anagani zie mioyo jitakasiywi kutuliza mu zing'anagani zindamanu, kandi miviri ni jogiziiywi na mazi malahi.

Vahebraina 4:16

Kunangwa, gendi kuluviliri kwisunda ahimbi kondeve yu vwami vwa Nyasaye, hi zimbavasi ziveeye. Ahene yaho, kulanyoola livererwa kandi zimbavasi ziukokokoonya lwa kuzienya.

Vahebraina 6:6

Niiva valeka lisuuvira liavo, ganyala kunyalika ndi kandi kuvilanyia vahia vaduuki kwiganira? Vavambaa Mwana wa Nyasaye, kandi kumuleganyira havulavu lwa viirana kokora vwoni.

1 Petro 1:3

Yizominywi Nyasaye Baba wu Mwami wiitu Yeso Kristo! Kigira mu zimbavasi zizie zinene, yakuha livamwoyo lihia lwa yasimugukiza Yeso Kristo kutura mu likuza. Yaga goosi gakoheezaa lisuuvirizwa liveeye mwoyo,

1 Petro 2:10

Lwimbiri munyi simwali avandu va Nyasaye, navuzwa kalunu muveeye avandu veve; lwimbiri simwamanya zimbavasi zizie, navuzwa kalunu mwamala konyoora zimbavasi zizie.

1 Petro 3:21

Amazi yago gaali kifananyi chu lugano lwi libatiza, ilihonyiaa munyi kalunu. Yili siliveeye iliogiza liu kutuliza iliiko liu muviri, navuzwa liveeye lilagana lilombeywi ku Nyasaye kutura ku zing'anagani zindahi. Lihonyiaa munyi kuvitira mu lisimugukizwa lia Yeso Kristo,