Tito 3:3 - KITABU KITAKATIFU

³ Kunyi aveene kwaali avasiru; avibaali, avatugwa vi likayirwa lidamanu kandi lieyaanziza lidamanu liezing'ano ziosi. Kwamenya mu liiva lie embodoka ni likendeka. Avalala vakuvihirira kandi kunyi kwavavihirira

Tito 3:3 Iomraidhean Croise

Litanga 38:9

Navuzwa Onani yamanya ndi avana sivalava aveeve mba. Kunangwa lwa yaali harara numukunzakali wa amwavo weve, yakola uvusaza vwivwe vuzie hasi kunangwa mukunzakali uyu avuli kwivura mwana.

Litanga 39:16

Maku yavika inguvu ya Josefu kuduuka lwu munene weve yaza.

Zaburi 36:2

Kigira mundu uyu aganagana aveeye munene kuvita avandi vosi, aganagana ndi Nyasaye sialamanya uvudamanu vwivwe nu kumukalagira mba.

Tsing'ano 8:5

Mukikili nu lwana? Mwigi kuva vahindira. Muveeye vasiru? Mwigi kuva ni limanya.

Tsing'ano 9:6

Muleke muganda gwa vandu avasiru, na mulamenya. Mulonde kunzira yilimanya.”

Isaya 44:20

Akombaa ligoke litaveeye kindu kuye. Zing'anagani zizie ziuvusiru zimugotizi ligali kali sianyala konyoora vokonyi kali hakuzu mba. Sianyala kuvugilira umwene ndi kifananyi cha agumiyi mu mukono gwigwe sikeveeye nyasaye mba.

Obadia 1:3

Liegingira lie mioyo jinyu limali kumugaada; munyi avamenyi mu imbinga yu lwanda, vomenyo vwinyu voveeye igulu, mu vigulu. Kunangwa mwevoleraa, ‘Nivwaha unyala kukwikiza hasi?’

Matayo 21:29

Umwana oyo yamuvolera, ‘Nziza mba!’ Navuzwa inyima yagirunganyia zing'anagani zizie, nazia kuyinzira.

Luka 21:8

Yeso yaavativula, “Mugerihi mutagadwa mba. Kigira avanyingi valaza mu lieta liange, nivavoora, ‘Inzi niyie,’ kandi, ‘Ing'inga eveeye ahimbi,’ Mutavalonda mba.

Yohana 8:34

Yeso yavativulira, “Agiligali muvooleraa, mundu ku vosi okola uvwoni aveeye mutugwa wu vwoni.

Varumi 11:30

Kulwa munyi vandu vizihiiri, mwavura kutia Nyasaye maziambiri, navuzwa kalunu mumali konyoora zimbavasi zia Nyasaye kigira Avayuda sivaatia Nyasaye mba.

Varumi 6:12

Ku lwa yago, mutaleki vwoni vwamihi mu miviri jinyu jikuzaa, kumulomba muduuki kuvugilira likayirwa liajo.

Varumi 6:17

Navuzwa lisandiza liveeye ku Nyasaye! Kigira ku ing'inga ndala mwaali avatugwa vu vwoni, navuzwa kalunu mumali kutia ni mioyo jinyu josi agiligali ganyoolekaa mu amigizu maduukiru ga mwanyoola.

Varumi 6:22

Navuzwa kalunu, mumali kovoholorwa kutura muvwoni, na mugwiyi vatugwa avatumikiri va Nyasaye. Vukala vwa muveeye navwo kalunu nu vutakatifu, kandi keheri chavwo kcveeye livamwoyo lie mihiga ni mihiga.

Varumi 6:6

Kumanyi ndi mundu wiitu wa kale yitirwa ku musalaba harara na Kristo, kunangwa zinguru zie liiva lietu liu vwoni liduuki kwononywa, kunangwa kunyi kuvuli kuva kandi avatugwa vu vwoni.

2 Vakorintho 12:20

Mbeeye nu vuti ndi gase lwa ndakaaze yeyo, ndakanyoole nimuveeye lugano kutura kuli nyenya munyi muve. Na munyi hawundi mulanyola inzi nindaveeye kuli munyi muganaganaa. Mbeeye nu vuti ndi hawundi ndakanyoole ovolembani, embodoka, uvutima, iliavukana, uvwimani, limonyana, lielora kandi ikivihiri niviveeye hagati hinyu.

Vagalatia 6:3

Kigira niiva mundu ku vosi yiganagana aveeye kindu ing'inga ya ataveeye kindu, yigadaa mwene.

Vakolosai 1:21

Na munyi, ku maziambiri mwaali ihale kutura ku Nyasaye kandi mwaali avasigu veve mu zing'anagani kandi, mu vikolwa vienyu vidamanu,

Vakolosai 3:7

Munyi kandi mwamenya kolondekana ni likayirwa lie vindu yivi zing'inga ziavita, lwa mwamenya mu vindu via mwali ni mwamiifwa navio.

Tito 1:16

Avandu kuli yava veevoola vene vamanya Nyasaye, navuzwa vu vikolwa viavo, vamwambakanaa. Vaveeye avukuvihiririza, vatahulira kandi avataduukanaa ku miyinzi josi milahi.

Tito 2:12

Izimbavasi yizio ziegizaa kunyi kuduuki koleka liiva liu uvudamanu nilikayirwa lie vindu vie lirova; kandi komenye liiva liu kwilinda aveene, liuvulungi kandi liuvunyasaye mu lirova yili,

Yakobo 1:26

Niiva umundu yiganagana aveeye wi lisuuvira, naye natalinda makuva geege, yigadaa mwene, lisuuvira liu mundu uyu ni liavuzwa.

1 Petro 1:14

Kuli avana vahuliri, mutavugilira likayirwa lienyu lidamanu lia mwali nalio ing'inga ya mwamenyaa mu vusiru mba.

Likunula 12:9

Ogoyoka gonene yigwo gwagululwa hasi ku lirova harara ni zingelosi vagwo kutura mwigulu. Nagwo gulaangwa enzoka ya kale; kandi gulaangwa Ibilisi kandi Setani; uyu ugadaa vandu avu mu lirova vosi.

Likunula 13:14

Chagaada avandu vosi avamenyaa mu lirova kuvitira ku vilolekizu viachavugilirwa kokora imbiri wi king'ang'a chu kutanga. Iking'ang'a yicho chavoolera avandu vakelombere ikifananyi kuhaana luyali ku king'ang'a chaali ni zimbala zie kivavi iziali zinyala kuchita navuzwa si chaakuza mba.

Likunula 18:2

Kandi yahanzuka nu mwoyo gwi zinguru navoora, “Limali kugwa! Lidaala linene lia Babiloni limali kugwa ovomenyo vwa mademoni, kandi ugwiyi ovomenyo vwa amanyonyi madamanu na gukuvihiliriza goosi.