Tito 3:2 - KITABU KITAKATIFU

² Uvavoolere vatavoola makuva madamanu ku mundu kali mulala mba, vatava avalembani mba, navuzwa vamenye ni mirembe mu uvulina, kandi valolekizi ovohooma ku avandu vosi.

Tito 3:2 Iomraidhean Croise

2 Samweli 22:36

Ivi ombeeye inguva yu vuguuti kandi ovokonyi vuvwo vokoli inzi munene ligali.

Zaburi 140:11

Leka yavo avaginaa avandi vavuli kugasizwa mu kivala choosi, leka ikivi kikuniki avandu vikirage nukuvadiviza ligali.

Tsing'ano 19:19

Niiva mundu aveeye nu vutima vululu muleke anyoore agadukanaa naye. Niiva ulamutuliza mu vudinyu ing'inga indala, gadukanaa umukonye kandi.

Tsing'ano 25:24

Ni vulahi komenya igulu kunyumba kuvita komenya munyumba harara nu mukali mulembani.

Tsing'ano 6:19

Muloli uhambanaa mu livoora vugadi kandi mundu utangiza makuva gu kuhangaliza kuvandi.

Isaya 40:11

Yahova alalinda avandu veve, kuli umwayi alindaa nu kwaya chayo chiche. Alavungiza vimeme via amagondi geege harara, kandi alagavugula mu makono geege, na alagaginga ku kiritu chiche. Alalinda nu kwaya amagondi geege novohooma.

Matayo 11:29

Mugiingi iniira yange, mwikutula ku inzi, kigira inzi mbeeye muhooma nu muhocha mu mwoyo; na munyi mulanyola ovososi mu mioyo jinyu.

Vikolwa 23:5

Paolo yativura, “Avaamitu vange, inzi sindaali kumanyanga ndi, aveeye Musaalisi Munene mba. Mang'oda Matakatifu gavoora, ‘Si ulavoola uvudamanu ku mwamihi wa avandu vovo mba.’ ”

1 Vakorintho 6:10

anoho avanuuri, anoho avahuvali, anoho avahambiki, anoho yavehi, anoho aviivi; yava vosi sivalinyoola Uvwami vwa Nyasaye mba.

1 Vakorintho 9:19

Kali nimbeeye umuvoholore kutura ku vandu vosi, inzi ndayekola umutugwa kunangwa nduuki konyolera Kristo avandu vanyingi kuli ganyalika.

2 Vakorintho 10:1

Inzi, Paolo, ovolwa kuva muhocha kandi umwegehizu nimbeeye harara ni munyi moni na moni, navuzwa mululu papapa lwa mbeeye ihale kutura ku munyi, ng'oonya munyi ligali nu mwoyo gwosi, ku vohocha novohooma vwa Kristo!

2 Vakorintho 12:20

Mbeeye nu vuti ndi gase lwa ndakaaze yeyo, ndakanyoole nimuveeye lugano kutura kuli nyenya munyi muve. Na munyi hawundi mulanyola inzi nindaveeye kuli munyi muganaganaa. Mbeeye nu vuti ndi hawundi ndakanyoole ovolembani, embodoka, uvutima, iliavukana, uvwimani, limonyana, lielora kandi ikivihiri niviveeye hagati hinyu.

Vagalatia 5:22

Navuzwa likuyu lia Roho liveeye uvuyanzi uvusangari; mirembe, uvwikuziri, zimbavasi, uvulungi, ovohooma, uvusuuvirifu,

Vagalatia 6:1

Avaamitu vange, niiva mundu woosi yanyooleki nakora vwoni munyi avaveeye mu Roho gavadukiraa mumukonye vulungi mu vohoma. Navuzwa mwilindi aveene gase na munyi mulagerizwa kandi.

Vagalatia 6:10

Kunangwa ing'inga yakoveeye nu vwiyangu, kuduuka kokole uvulahi ku avandu vosi, mbitilira ku yavo avaveeye avinyumba yitu mu lisuuvira.

Vafeso 4:2

Muve ni liegehiza kazozo, vahoma kandi vikuziri; Mumanyie vuyanzi vwinyu ku liekuzirana aveene na vene,

Vafeso 4:31

Muleke uvululu vwosi, nuvutima, nilivihilirwa; niliyoga, namanyego, vitulizwi mu munyi harara nembodoka yoosi.

Vafilipi 4:5

Leki ovohocha vwinyu vumanyikane ku avandu vosi. Mwami yaazaa vwangu.

1 Vatesalonike 2:7

navuzwa kwamuyaanza, nikumukolera amalahi kuli mama adendaa avana veve umwene.

Yakobo 3:17

Navuzwa ovogeri vuturaa igulu, voveeye vulahi mulitanga ku viosi; voveeye vwi mirembe kandi, vwovohocha, kandi vwu vulina; vwokoleeta avandi ahimbi, vwizuyi zimbavasi na kandi vwama amakuyu gi vikolwa vilahi; uvutaveeye ni lieriza kandi uvugadi.

Yakobo 4:11

Avaamitu vange, mutamonyana aveene na vene mba. Niiva ulamonya Mukristayo wache anoho umukalagiri omonyaa Lilaga kandi ulikalagira. Niiva ulakalagira Lilaga, sioveeye mulala ku yavo avaliloondaa mba, navuzwa oveeye mulala ku avalikalagira.

1 Petro 2:1

Kunangwa, mwerehe ku vudamanu vwosi; ovovehi uvugadi, embodoka kandi amanyego.

1 Petro 3:10

Mang'oda Matakatifu gavoora, “Uyu uyanzaa livamwoyo lilie, kandi kolola amadiku amalahi gamudukira yigaye ku limoloma uvudamanu, kandi aleke kovora ovovehi.

1 Petro 3:8

Kumaliriza; munyi mwosi gamudukira muve ni lienya lilala kandi iliiva lilala, muyaanzane kuli avamwavo nu kuva nu mwoyo mulahi kandi mwegehizi vene na vene.

1 Petro 4:4

Vaveeye ni ligenya kalunu kolola simuhambana navo mu limenya lidamanu kandi lie kivihiri mba, maku vatanga limunyega.

2 Petro 2:10

kandi kuvita ligali, yavo avalondaa likayirwa lio muviri, nukuchaya uvunyali vwa Nyasaye. Avigizi vuvugadi yava vaveeye nu vuluviliri kandi vikirage, na sivamanyia uluyali kuyavo avuvukumi mwigulu mba; navuzwa vavanyegaa.

Yudasi 1:10

Navuzwa avandu yava vanyaga kindu choosi cha vatamanyi; ivindu via vamanyaa aveene vugira kwigizwa, kuli zinyama ziu muvulimu, nivio vivadivizaa ligali.

Yudasi 1:8

Munzira ndala nzere, avandu vaazana yava valora amalola agavakolaa vone ku imiviri jaavo aveene, vambakana uvunyali vwa Nyasaye, kandi vanyega ivilombe viu mwigulu.