Tito 3:1 - KITABU KITAKATIFU

¹ Wizulizi avandu vovo vegehizi ku miihi kandi ku avami, vatie kandi vetegeke kokora gaveeye amalahi munzira yoosi.

Tito 3:1 Iomraidhean Croise

Tsing'ano 24:21

Mwana wange utie Yahova kandi uhaane luyali ku mwami. Utahambana na vandu vibaara kuvo mba.

Kohelethu 10:4

Niiva mwami woovo alava nu vutima naivi, utang'oda ibarwa yokoleka miyinzi mba. Niiva ulakilingana, hawundi alakusamiiha vudamanu vuvwo vonene vwa uva nokoli.

Isaya 43:26

“Gendi kuzie mu kiyaalo; leeti makuva ginyu! Haani vivuni via makuva ginyu kumanyia ndi muveeye vulungi!

Jeremia 27:17

Mutavahuliriza mba! Mwegehizi kandi mutumikiri mwami wa Babiloni na mulamenya! Kigira ki lidaala linene yili live kuli kitumi cha mang'anye?

Matayo 22:21

Vaamutivulira, “Ni via Kaisari.” Ahene yaho Yeso yavavolera, “Muhe Kaisari ivindu via Kaisari, na Nyasaye ivindu via Nyasaye.”

1 Vakorintho 15:58

Kunangwa, avaamitu vange, vayaanze, musingiri vudinyu. Kindu kitamusuunda mba. Mwihaane aveene kazozo mu likora miyinzi ju Mwami nu vugulu, kigira munyi mumanya ndi miyinzi jamukolaa mu vutumikiri vwu Mwami sijiveeye ja vuzwa mba.

Vafeso 2:10

Nyasaye umali kokolomba kuli koveeye, kandi mu lihambanywa harara na Kristo Yeso, yalomba kunyi kigira livamwoyo lie vikolwa vilahi, viamali kwetegekizira kunyi kuduuki kokora.

Kwidzulitsa 17:12

mundu uhing'ana nukuvula kuhulira musaalisi anoho mukalagi oveeye ku miyinzi ing'inga yene yeyo, kuduuka yiitwi. Na ndio mulatuliza uvudamanu yivu mu Isiraeli.

Vafilipi 1:11

Livamwoyo lienyu liosi liliizula amakuyu goosi gu vulungi agatulaa mu Yeso Kristo kuduuka ku uvukumi ni ilizominywa lia Nyasaye.

Vakolosai 1:10

Maku mulamenya mu liiva liu Mwami yenya kandi mulakola ikiyaanzizaa umwami kazozo. Mu limenya lienyu liosi mulakola zing'ano ziosi zie vikolwa vilahi, kandi mulaviruka mu limanya Nyasaye.

Tito 1:16

Avandu kuli yava veevoola vene vamanya Nyasaye, navuzwa vu vikolwa viavo, vamwambakanaa. Vaveeye avukuvihiririza, vatahulira kandi avataduukanaa ku miyinzi josi milahi.

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.

Tito 3:14

Kuduuka avandu viitu vigi kutumikira zing'inga ziavo mu likora miyinzi milahi, kunangwa vakonye avandu vaveeye novogeheru. Vatava ni limenya liavuzwa mba.

Tito 3:8

Livoora yili liveeye lie ligali. Inzi nyenya udinyirizi ligali ivindu yivi, kunangwa yavo avamali kusuuvira mu Nyasaye vaduuki kuva nilienya kutumikira ing'inga yavo kokora vikolwa vilahi ku vandu vosi.

Vahebraina 13:21

Nyasaye wi mirembe amukole muve avadukiru mu vindu viosi vilahi via mwenya, kunangwa muduuki kokora uvulariri vwivwe; kandi kuvitira mu Yeso Kristo akole mu kunyi imbiri weve. Uvukumi vove kuye mihiga ni mihiga. Amini.

2 Petro 1:12

Kunangwa ndamwizuliza vuli kazozo vindu yivi, kali niiva mwavimanya kandi vaduukiru mu giligali ga mwanyoola.

Yudasi 1:5

Kigira kali niiva mwamanya yaga goosi, nyenya kumwizuliza kuli Mwami yahonyia avandu veve Isiraeli avaatura mu kivala cha Egebeti, navuzwa lwa inyima naadiviza yavo avavura kusuuvira.