Tito 2:12 - KITABU KITAKATIFU

¹² Izimbavasi yizio ziegizaa kunyi kuduuki koleka liiva liu uvudamanu nilikayirwa lie vindu vie lirova; kandi komenye liiva liu kwilinda aveene, liuvulungi kandi liuvunyasaye mu lirova yili,

Tito 2:12 Iomraidhean Croise

Zaburi 105:45

Kunangwa avandu veve vaduuki kuhulira malago geege, nukolonda malago geege. Mwizominye Yahova!

Zaburi 4:3

Mwizurizi kumanya ndi Yahova umali kotovola avalungi kuva vandu veeve mwene. Yahova ahulira lwa musaala kazozo.

Ezekieli 36:27

Ndaviika Roho gwange mu munyi, kandi ndamukora mugumiri lilago liange kandi mulonde amalago gange goosi agaamali kumuha.

Matayo 12:32

Ku vosi ovola ilikuva lio konyega Umwana wa Adamu alasaamiifa, navuzwa oyo ovola ilikuva lio konyega Roho Mutakatifu, sialisaamiifwa kali mu likula lia kalunu yili, anoho mu likula iliiza mba.

Matayo 16:24

Hene yaho Yeso yavolera aviigi veve, “Mundu ku vosi ni yenya yanonde, gamudukira yigaye umwene, ma avuguli umusalaba gwigwe anonde.

Matayo 28:20

muviigizi kolonda ivindu viosi via mali kumulaga. Na ndava harara ni munyi madiku goosi; kuduuka ku keheri chi ing'inga.”

Luka 1:6

Vosi vaali avalungi imbiri wa Nyasaye, kandi vaatia ligali nokolonda malago na makuva gu Mwami vugira imbara.

Luka 1:75

kunangwa kuduuki kuva avatakatifu kandi avalungi imbiri weve, mu madiku goosi gi livamwoyo lietu.

Yohana 14:30

Sinyala komoloma ni munyi kandi ing'inga indambi mba, kigira Mwamihi wikivala yiki yaazaa.” Siaveeye nuvunyari ku inzi mba.

Yohana 6:25

Lwa avandu yavo vanyoola Yeso kolovega lundi lwi inyanza vamuteeva, “Mwigizi, uduuki hano ng'inga ki?”

Vikolwa 24:16

Ku yaga, nzidinyirizaa kazozo mbula nduuki kuva numwoyo kandi ni zing'anagani zitali nimbala imbiri wa Nyasaye kandi imbiri wa avandu.

Vikolwa 24:25

Navuzwa lwa Paolo yaatanga kwivaala ku uvulungi, uvwilindi kandi likalaga lizaa, Felikisi yizula uvuti vunyingi, kandi yativura navoora, “Tanga uzie kulwa kalunu. Lwa nanyoole vwiyangu, naangulange.”

Varumi 12:2

Mutalonda miima ji lirova yili mba, navuzwa muleke Nyasaye amugirung'anyie munyore uvuhia mu vogeri nu muziganagani zienyu. Na ndio muladuuka kumanyiriza uvulariri vwa Nyasaye, kandi agaveeye malahi kandi gavugililwa kandi madukiru.

Varumi 6:12

Ku lwa yago, mutaleki vwoni vwamihi mu miviri jinyu jikuzaa, kumulomba muduuki kuvugilira likayirwa liajo.

Varumi 6:19

Hano moloma kuli mundu wa kase kigira vodedekere vwi liiva lienyu aveene. Ku ing'inga ndala mwihaana aveene ligali kutumikira uvudamanu kandi kifwavwi kigira uvudamanu. Navuzwa kalunu kuduuka mwihaane aveene ligali muve avatugwa vu vulungi kigira kivuni kitakatifu.

Varumi 8:13

Nimuva nimumenya kolondekana ni liiva lienyu liu muviri, mulakuza; navuzwa niiva mu Roho, muliita vikolwa vienyu viu vwoni, mulava mwoyo.

2 Vakorintho 1:12

Kwekonya kigira ziganagani zie mioyo jietu zikusuuvirizaa ndi ilimenya lietu mu lirova yili, mbitilira uvuhambani vwitu ni munyi, vumali kwamiifwa nu vutakatifu, uvusuuvirifu ni zimbavasi zia Nyasaye, na sigaveeye kigira vogeri vwa vandu mba.

2 Vakorintho 7:1

Avalina vange vayaanze, lisuuvirizwa yili liosi lilomberwa kunyi. Kunangwa, gendi kwitakase kutura mu vudamanu vwosi vwu muviri, anoho vwu mu mioyo jietu, kove vatakatifu ligali, na komenye mu liitia Nyasaye.

Vagalatia 1:4

Kristo yihaana umwene kigira uvwoni vwitu kolondekana nu vulaliri vwa Nyasaye oveeye Baba wiitu, aduuki kokohonyia mu likula lidamanu lia kalunu yili.

Vagalatia 5:24

Yavo avaveeye ava Kristo Yeso vamali kuvamba muviri harara ni liegomba lidamanu liagwo likayirwa liagwo.

Vafeso 1:4

Kali lirova nilikikiri kolombwa, Nyasaye yaali niyamala kotovola kunyi kove vandu aveeve kuvitira mu vuhambani Kristo kunangwa kuduuki kuva avatakatifu kandi vugira imbara mbiri weve. Kigira vuyanzi vwivwe,

Vafeso 2:2

Ing'inga yeyo mwamenya kolondekana ni liiva lidamanu lie lirova, Kandi mwaloonda nukuhulira liiva lio mwami wa mademoni gi zinguru mu vwerefu, mademoni gamiihaa avandu avatahuliraa Nyasaye.

Vakolosai 1:22

Navuzwa kalunu umali kumuhambanyia kuvitira mu likuza liu Mwana mu muviri gwinyama ya Kristo, kigira likuza lio Mwana weve aduuki kumuleeta imbiri weve avatakatifu, avataveeye nelihiolo kandi avatali nimbara kuye.

1 Vatesalonike 4:7

Nyasaye siyakulanga komenye mu voheyi, navuzwa uvutakatifu.

1 Vatesalonike 4:9

Sihaveeyeho nikivuni chu ku mung'oderaa ku liyaanza avamwavo vinyu mba munyi aveene mumali kwigizwa na Nyasaye kuli munyala kuyaanzana aveene naveene,

Tito 3:3

Kunyi aveene kwaali avasiru; avibaali, avatugwa vi likayirwa lidamanu kandi lieyaanziza lidamanu liezing'ano ziosi. Kwamenya mu liiva lie embodoka ni likendeka. Avalala vakuvihirira kandi kunyi kwavavihirira

Vahebraina 8:11

Sivaligizana mundu sa mulala nuwache mba, anoho mundu sa mulala avolere amwavo weeve, ‘Manyia Mwami.’ Vosi valamanya inzi, kutura ku mukekeeke kuduuka ku munene wa vosi.

Yakobo 1:27

Lisuuvira lilahi litaveeye nu vudamanu imbiri wa Nyasaye Baba wiitu ni yili: kokonya avavisandu na vakunzakali mu likuba ikivi liavo, nu kwilinda ligali umwene avuli kwononywa ni ivindu vie kivala.

2 Petro 2:9

Kulwayago, Mwami amanya kuli anyala kohonyia avandu valungi kutura mu ligerizwa liavo, nu kuhaana mageri ku vandu, vachamu kuduuka Lidiku lie Likalaga,

2 Petro 3:11

Kigira vindu yivi viosi vilakadivizwi munzira ndala nzere, gamudukira kuva avandu vu lugano ki? Gamudukira komenya mu liiva litakatifu,

1 Yohana 2:27

Navuzwa ku munyi, Kristo yahaana Roho Mutakatifu weve ku munyi. Ku olohono lwa Roho weve azizagiliraa komenya mu munyi, umundu wundi sigamuduukira mundu wundi amwigizi mba. Navuzwa kuli Roho weve amwigizaa vindu viosi, kandi amigizu geege gaveeye agiligali, kandi sigaveeye gu vugadi mba. Ku mulonde aga Roho yamwigiza kandi mumenye muye mu vuhambani na Kristo.

1 Yohana 2:6

Oyo ovola amenyi mu Nyasaye gamudukira amenye kuli Kristo yamenya.

1 Yohana 5:19

Kumanya koveeye avana va Nyasaye, kali avumukivala vosi vaveeye hasi ho vunyali vwa Setani,

Yudasi 1:18

Vamuvolera, “Lwi zing'inga zie ekeheri ziduuka, avandu valakaze avalimukolera kehenyahenye avandu valonda ilikayirwa liavo lidamanu ilitaveeye liu uvunyasaye.”

Likunula 14:12

Yivu nivwo uvwikuziri vwa vandu va Nyasaye avagumira amalago geege ni lisuuvira lia Yeso,