Tito 2:10 - KITABU KITAKATIFU

¹⁰ vatiiva kutura kuvo, navuzwa vamanyie uvusuuvirifu, kunangwa vaduuki kuhaana luyali ku amigizu ga Nyasaye Muhonyi wiitu ku vindu viosi.

Tito 2:10 Iomraidhean Croise

Zaburi 101:6

Ndavugilira yavo avaveeye avasuuvirifu ku Nyasaye, kandi ndaleka vamenye munyumba yange yu vwami. Yavo avaveeye avasuuvirifu valandumikira.

Isaya 12:2

Nyasaye aveeye muhonyi wange; ndamusuuvira, kandi sindatia mba. Yahova Nyasaye aveeye zinguru ziange kandi lwimbu lwange; aveeye muhonyi wange.

Matayo 24:45

Yeso yavoola, “Nivwaha oveeye mutumikiri musuuvirifu kandi mugeri? Ni uyu wu mwami weve aviikaa ave munene ku avinyumba yeeye, kuvaha chukulia chavo ing'inga idukanaa?

Matayo 5:16

Munzira ndala nzere, kuduuka uvulavu vwinyu vumuliki imbiri wa avandu kunangwa vaduuki kolola miyinzi jinyu milahi, ma vizominyi Baba winyu oveeye mwigulu.

Luka 1:47

Kandi mwoyo gwange gusangali kigira nu Nyasaye, Muhonyi wange.

Luka 1:80

Mwana yaviruka, nanyoora zinguru mu Roho. Yamenya mwigendanyama kuduuka ing'inga ya yaloleka ku avandu va Isiraeli.

Luka 16:10

Ku vosi oveeye musuuvirifu ku vindu vikekeke, anyala kuva musuuvirifu kandi ku vindu vinene, kandi utaveeye musuuvirifu ku vindu vikekeke sianyala kusuuvirwa ku vindu vinene mba.

Yohana 12:6

Si yavoola yaga kigira yahendera nokovelera avadaka, navuzwa kigira yaali umbiki wa mabese, na kuli yaali mwivi, vuli ing'inga yivaa kutura mu livikiru yilio.

1 Vakorintho 4:2

Kindu kilala chenyekaa ku mutumikiri kuli uyu keveeye ndi, kuduuka ave umusuuvirifu ku munene weve.

Vafeso 4:1

Kunangwa, inzi oveeye muhambe kigira ndumikiraa Mwami, mugoonyaa mumenye kolondekana ni liiva lia Nyasaye yaviikaho lwa yamulanga.

Vafilipi 1:27

Kindu kenene keveeye ndi, liiva lie limenya lienyu lidukanaa live kuli Ivangeri ya Kristo yenya, kunangwa, kali niiva ndaza, anoho niimbura kuuza ndakahuliri ndi munyi mwasingira vudinyu harara kandi muveeye ni kivuni kilala. Nandio, mulava ni mulwaniraa uvulala vwi Ivangeri mu lisuuvira.

Vafilipi 4:8

Mu limaliriza avaamitu vange mukore zing'anagani zienyu ziizuli ni vindu viveeye vilahi kandi ividukanaa vinyoole lizominywa; vindu viveeye vie ligali, viu vulungi, ivisereze, viu kuyaanziza kandi viu luyali.

Tito 1:3

na mu zing'inga izindahi zia yatovola, yalolekiza likuva lilie havulavu. Likuva yili liahevwa inzi nzilwaze kolondekana ni lilaga lia Nyasaye, Muhonyi wiitu.

Tito 3:4

Navuzwa lwu uvulahi nuvuyanzi vwa Nyasaye Muhonyi wiitu vwalolekizwa,

1 Petro 2:12

Ligenda lienyu live lilahi ligali hagati ha vandu vatamanyi Nyasaye kunangwa kali lwa vamuginaa kuli muveeye avadamanu, gave kuvo aveene, navuzwa kigira ivikolwa vienyu vilahi via valora, vaduuki kwizominya Nyasaye ku lidiku lia aliiza.

1 Petro 3:16

navuzwa mukore yaga no vohoma kandi luyali. Muve ni zing'anagani zindahi kunangwa lwa munyegwa, yavo vamoloma nu kumunyega kigira miima jinyu milahi mu Kristo, vaduuki kuva mu zisoni.

2 Yohana 1:9

Umundu uvula komenya mu miigizu ga Kristo, navuzwa naavitilira mu liiva yilio, siaveeye na Nyasaye mba. Mundu uvugilira miigizu yaga aveeye na Baba kandi nu Mwana.

1 Samweli 22:14

Ahimeleki yativura, “Daudi niyie aveeye mutumikiri musuuvirifu ligali kuvita ava oveeye navo vosi. Aveeye navizara woovo, munene wa vasikari valindaa ivi, kandi wahevwa luyali na vandu vosi munyumba yu vwami.

1 Samweli 26:23

Yahova ahaanaa madanyi ku yavo avaveeye avasuuvirifu kandi avalungi. Lero Yahova aviiki ivi mu zinguru ziange, navuzwa inzi singokoli kindu kidamanu ukusaliriza ivi mutovole wa Nyasaye yakola Mwami Munene mba.