Tito 1:3 - KITABU KITAKATIFU

³ na mu zing'inga izindahi zia yatovola, yalolekiza likuva lilie havulavu. Likuva yili liahevwa inzi nzilwaze kolondekana ni lilaga lia Nyasaye, Muhonyi wiitu.

Tito 1:3 Iomraidhean Croise

Isaya 12:2

Nyasaye aveeye muhonyi wange; ndamusuuvira, kandi sindatia mba. Yahova Nyasaye aveeye zinguru ziange kandi lwimbu lwange; aveeye muhonyi wange.

Isaya 45:15

Aveeye Nyasaye wa vandu va Isiraeli kandi muhonyi wa vandu veve. Aveeye Nyasaye wivisaa umwene.

Isaya 45:21

Hambi muleete makuva ginyu mu kiyaalo, mwenye zing'anagani kutura kuvandi. Nivwaha wavula amakuva gaali ganyala kwekoleka mumadiku ga kale? Siyaali inzi, Yahova Nyasaye ohonyia avandu veve? Siaveeye ho nu munyasaye wundi mba.

Danyeli 11:27

Maku avami vaviri yava valakikale nu kulira komesa indala, navuzwa zing'anagani ziavo zilakave zindamanu, kandi mulala alakagade wache. Si valakanyore chavenyaa mba, kigira ing'inga ya cho ilakave nikikiri kuduuka.

Danyeli 8:23

“Lwe keheri chu vwamihi yivu kiliva himbi, kandi lwa navave nivaveeye avachamu ligali kali kuduuka kulinyoola mageri, halakaveho nu mwami mudamanu ligali kandi utaveeye nusuuvirifu.

Danyeli 9:24

“Mihiga 7 haali 70 niyo ing'inga ya Nyasaye amali kolohiza kovoholora vandu vovo harara ni lidaala litakatifu muvuhambe vwu vwoni kandi vudamanu. Alasamiiha uvwoni vwinyu kandi alaleeta vulungi vutaveeye nekeheri, kunangwa malola kandi voporofeti vulava vwa giligali kandi Litembeli litakatifu lilasaaliswa.

Habakuk 2:3

Ogang'ode, kigira ing'inga ikikiri kuduuka lwayaga gaava giligali. Navuzwa ing'inga yiza vwangu, kandi chanzizaa kukumanyia kilakave cha giligali. Galaloleka ndi kilaaza galaha, navuzwa ukilindiliri; gaveeye giligali yiki kilekoleka kandi sikilakalindagiliri mba.

Marko 1:15

Yavoola, “Ing'inga indahi iduuki, nu Uvwami vwa Nyasaye voveeye ahimbi! Mwiganiri kandi musuuviri Ivangeri.”

Marko 13:10

Navuzwa Ivangeri kuduuka yilwazwe kutanga ku zihiiri ziosi.

Marko 16:15

Yavavolera, “Muzie mu lirova liosi kandi mwilwaze Ivangeri ku avandu vosi.

Luka 1:47

Kandi mwoyo gwange gusangali kigira nu Nyasaye, Muhonyi wange.

Vikolwa 10:36

Yili ni likuva lia Nyasaye yaahilira avandu va Isiraeli, ni yilwaza Ivangeri yi mirembe kuvitira mu Yeso Kristo, oveeye Mwami wa vosi.

Vikolwa 17:26

Yalomba zihiiri ziosi kutura ku mundu mulala, naziviika komenya ku lirova liosi. Yatovola no kolomba kale ligali zing'inga kandi keheri chi vivala via zilimenya mu.

Varumi 15:19

kuzinguru zie vilolekizu ni viokogenyia, harara ni zinguru zia Roho Mutakatifu. Kunangwa, mu ligenda hoosi, kutura Jerusalemi kuduuka Iliriku, mali kwilwaza makuva malahi goosi ga Kristo.

Varumi 16:25

Leki kuhaane vukumi ku Nyasaye! Anyala kudinyiriza munyi mu lisuuvira lienyu, kolondekana makuva malahi ga nzilwazaa kigira na makuva ga Yeso Kristo kandi kolondekana ni livuulwa lia giligali, gimbisu agaali nigaviikwa makiriri mu zing'inga zie mihiga minyingi jaavita.

Varumi 16:26

Navuzwa kalunu agiligali yago galolekiziywi kuvitira mu Mang'oda ga vaporofeti, kandi mu Lilaga lia Nyasaye wi mihiga ni mihiga kunangwa, gamanyikane ku zihiiri ziosi, vosi vaduuki kusuuvira nu kutia.

Varumi 5:6

Lwa kwaali nikukiri avadedekere, Kristo yakuzira kunyi avadamanu ing'inga ya Nyasaye yatovola.

1 Vakorintho 9:17

Niiva ngoli miyinzi jange kuli liehaana liange, kuduuka ndungwi; ngolaa ndio kigira gandukira nyinziri, kigira Nyasaye yamala kuhaana ku inzi uvwilwazi vwi Ivangeri.

Vagalatia 4:4

Navuzwa lwa ing'inga indahi yaduuka, Nyasaye yatuma Mwana weve. Yaza kuli mwana wivulwa nu mukali, kandi namenya hasi hi Lilaga lia Avayuda,

Vafeso 1:10

Lilohiza yili, Nyasaye alakatwekiza lwi ing'inga indahi ilakaduuki. Alakavungizi vindu viosi harara, vindu viomuligulu kandi vindu viomulirova, na Kristo alakave mutwi gwavio.

Vafeso 2:17

Kunangwa, Kristo yaza, niyilwaza Ivangeri yi mirembe ku vosi, ku munyi vandu vizihiiri, avamwali ihale kutura ku Nyasaye, kandi ku Avayuda, avaari ahimbi kuye.

Vafilipi 1:13

Kuturana ku ageene yago, avasikari vosi avaveeye munyumba yu uvwami kandi avandu vandi vosi hano vamanyi vulahi ndi mbeeye muvuhambe kigira mbeeye mutumikiri wa Kristo.

Vakolosai 1:23

Gamudukira mumenye mu lisuuvira yilio nu kuvikwa ku musingi, muduuki kusingirizwa vudinyu. Mutavugilira kodengeyizwa no koleka lisuuvirizwa lie Ivangeri yeyo ya mwahulira mba. Inzi Paolo, mbeeye mutumwa wi Ivangeri yeyo imali kwilwazirwa avandu vosi vu mukivala.

Vakolosai 1:6

Ivangeri yiyi imali kuduuka ku munyi kuli wa veeye mu lirova liosi nokoleta vugasu no komeedeka, kuli eveeye ku munyi kandi, kutura lidiku lia mwa hulira nu kumanyiriza zimbavasi zia Nyasaye mu agiligali.

1 Vatesalonike 2:4

Navuzwa kuli wa Nyasaye yakuvugilira kokolwe avalindi vi Ivangeri yeeye, ku kovora ndio sikovoola kuyaanzizi avandu mba, navuzwa kuyaanzizi Nyasaye ugerizaa mioyo jietu.

Tito 2:10

vatiiva kutura kuvo, navuzwa vamanyie uvusuuvirifu, kunangwa vaduuki kuhaana luyali ku amigizu ga Nyasaye Muhonyi wiitu ku vindu viosi.

Tito 2:13

lwa kulindiliraa lidiku liu uvugasu, lia kwasuuvirizwa liu vukumi vwa Nyasaye munene kandi Muhonyi wiitu Yeso Kristo liliduuka.

Likunula 14:16

Uyu wikala ku lilesi yanuya engonono yeeye ku lirova ni lirova liageswa.