Tito 1:2 - KITABU KITAKATIFU

² Agiligali yaga gaveeye ku musingi gwi lisuuvirizwa lie livamwoyo litahera mba. Nyasaye utanyala koveha yakusuuviriza livamwoyo yilio mihiga minyingi ijavita,

Tito 1:2 Iomraidhean Croise

Isaya 1:20

Navuzwa niiva mulasuura nu kwibaala ku inzi, mulitwa nikivavi. Inzi Yahova mali kovora.”

Livalidza 23:19

Nyasaye siaveeye kuli avandu, unyala koveha mba; siaveeye ho nu mundu unyala kugirung'anyia zing'anagani zizie mba. Choosi chalagaa, akolaa; amolomaa, ma gekoleka.

Matayo 25:34

Ma Mwami alakavoolere avaveeye ku mukono gwigwe umulungi, ‘Hambi munyi avaagasizwa na Baba wange munyore miandu ju vwami vwa mwalomberwa kutura lwi lirova liatanga.

Matayo 25:46

Kulwayago, valazia konyoora ikivi na maduywa gi mihiga ni mihiga, navuzwa avalungi valanyora livamwoyo lie mihiga ni mihiga.”

Marko 10:17

Lwa Yeso yaatanga logendo lwilwe, umundu mulala yanyagula nasigama imbiri weve, ma na muteeva, “Mwigizi mulahi, ngola ndi nduuki konyoora livamwoyo litahera mba?”

Marko 10:30

alanyoola haali kanyingi ligali mu ing'inga ya kalunu yiyi. Alakanyoole haali mia izinyumba, avamwavo, avavozo, avamama, kandi avana ni milimi kandi ni lidambizwa; ma kandi mu ing'inga yiza, alakanyoole livamwoyo litahera mba.

Yohana 10:28

Inzi ngahezaa livamwoyo litahera mba, na sigalidiva kali hakuzu mba. Avula ho mundu unyala kunyaga kutura mu makono gange.

Yohana 17:2

Kigira waha Mwana woovo uvunyali ku avandu vosi aduuki kuhaana livamwoyo litahera mba ku yavo vosi vawamuha.

Yohana 17:24

“Baba! Nyenya, yava avu wamba vave harara nainzi ahambeeye, ku valore uvukumi vwange vwa wamba; ku lwukuva wanyanza imbiri wi kivala kikiri kolombwa.

Yohana 5:39

Munyi musomelera mu Mang'oda Matakatifu nimuganagana ndi mulanyola livamwoyo litahera mugo; Navuzwa Mang'oda Matakatifu gene yaga amolomaa kondolekiza!

Yohana 6:54

Uyu uliizaa muviri gwange nukunwa amasahi gange aveeye ni livamwoyo litahera mba, ninzi ndamusimugukiza ku lidiku lie keheri.

Yohana 6:68

Simoni Petero yativura, “Mwami, kuzie ku vwaha? Ivi oveeye na makuva gahaanaa livamwoyo litahera mba.

Vikolwa 15:18

Nindio Mwami, uwakola vindu yivi vimanyikane kutura kale, avoora ndio.’

Varumi 1:2

Nyasaye yalaga avandu Ivangeri kuvitira mu vaporofeti veve kuli gang'odwa kutura kale mu Mang'oda Matakatifu.

Varumi 16:25

Leki kuhaane vukumi ku Nyasaye! Anyala kudinyiriza munyi mu lisuuvira lienyu, kolondekana makuva malahi ga nzilwazaa kigira na makuva ga Yeso Kristo kandi kolondekana ni livuulwa lia giligali, gimbisu agaali nigaviikwa makiriri mu zing'inga zie mihiga minyingi jaavita.

Varumi 2:7

Avandu valala avazizagilira kokora vulahi venyelerizaa uvukumi, uluyali kandi lihindira. Nyasaye alavaha livamwoyo litahera mba.

Varumi 5:2

Kuvitira mu Kristo, kumali konyoora zimbavasi zia Nyasaye zia koveeye mu kalunu. Kusangaliraa mu lisuuvirizwa lia koveeye nalio liu kusanga mu vukumi vwa Nyasaye!

Varumi 5:21

Kuli vwoni vwamiiha ku lileeta likuza ku vandu, kandi ndio iliamiiha lie zimbavasi zia Nyasaye kuvitira mu vulungi lilakwimilira kuduuka mu livamwoyo litahera mba, kuvitira mu Yeso Kristo, Mwami wiitu.

Varumi 5:4

uvwikuziri voletaa livugilirwa na Nyasaye, na livugilirwa lilie liletaa lisuuvirizwa.

Varumi 6:23

Madanyi gu uvwoni ni likuza, navuzwa kihanwa cha Nyasaye chavuzwa keveeye livamwoyo litahera mba, mu Kristo Yeso, Mwami wiitu.

Vakolosai 1:27

Nyasaye yalohiza kuvulira vandu veve imbisu yeeye imbisu yu vutugi harara nu vukumi vwaveeye navwo ku vandu vosi imbisu eveeye ndi Kristo aveeye mu munyi, gaveeye kovora ndi mulakasange mu vukumi vwa Nyasaye.

1 Vatesalonike 2:15

aviita Mwami Yeso kandi vaporofeti kandi nivadambiza kunyi. Sivayaanziza Nyasaye mba, kandi vaveeye avasigu ku avandu vosi.

1 Vatesalonike 5:8

Navuzwa, kunyi koveeye avumbasu, gakuduukiraa kove no vogeri. Kuduuka kwiviiki lisuuvira nu vuyanzi, kuli isalamba kandi lisuuvirizwa lietu lio vuhonyi kuli igudwa siyakotovola.

Tito 2:13

lwa kulindiliraa lidiku liu uvugasu, lia kwasuuvirizwa liu vukumi vwa Nyasaye munene kandi Muhonyi wiitu Yeso Kristo liliduuka.

Tito 2:7

Mu vindu viosi ivi umwene wimanyie kuva oveeye chokololera ku miima milahi; ove musuuvirifu kandi mugulu mu liegiza liilio.

Tito 3:7

Kunangwa ku zimbavasi zizie, kunyi kuduuki kokolwa avalungi na Nyasaye kandi kuduuki konyoora imiandu lisuuvirizwa lie livamwoyo litahera mba.

1 Yohana 2:25

Yaga nigo ga Kristo yakusuuviriza alakuha, nalio ni, “Livamwoyo litahera mba.”

1 Yohana 5:20

kandi kumanyi vulahi Mwana wa Nyasaye umali kuuza kandi umali kukuha limanyiriza ku kuduuki kumanya Nyasaye wiligali. Kunyi komenyi muvuhambani na Nyasaye wiligali muvuhambani nu Mwana weve Yeso Kristo. Uyu niyie Nyasaye wiligali kandi yili nilio livamwoyo litahera mba.

Yudasi 1:21

Mumenye mu vuyanzi vwa Nyasaye, ni mulindiliraa liu Mwami wiitu Yeso Kristo muzimbavasi amuhe ilivamwoyo lie mihiga ni mihiga.

Likunula 13:8

Avandu vosi avamenyaa mu lirova valakisigamira, nivatali avamita gaavo gang'odwa mu kitabu chi livamwoyo chu Mwana wi Ligondi witwa; kutura lirova nilikikiri kolombwa.

Likunula 17:8

Iking'ang'a cha walola kila chaali mwoyo maziambiri, navuzwa sikeveeye mwoyo kalunu mba. Kandi keveeye ahimbi kutura mu gehena, navuzwa kiladuuka mu lidivizwa. Avandu vamenya ku lirova, ava amita gaavo gatang'odwa mu kitabu chi livamwoyo, lirova nilikikiri kolombwa, valagenya muno ulwa valora king'ang'a yicho chaali mwoyo lulala ulwimbiri na kalunu sikeveeye mwoyo mba. Navuzwa kilaloleka kandi.

1 Samweli 15:29

Nyasaye Wuvunyali, wa Isiraeli siaveehaa kandi siagirunganyia zing'anagani zizie mba. Siaveeye mundu kandi sianyala kugirung'anyia zing'anagani zizie mba.”