Tito 1:15 - KITABU KITAKATIFU

¹⁵ Ku yavo valungi, vindu viosi viveeye vilungi, navuzwa ku yavo vadamanu na ava vula kusuuvira, sihaveeyeho ni kindu kinifu kuvo mba. Kali ndio ovogeri vwavo ni zing'anagani zie mioyo jaavo, viombi vigwiyi vidamanu.

Tito 1:15 Iomraidhean Croise

Tsing'ano 21:4

Avandu vachamu vamifwa ni liegingira kandi lielola, yaga nuvwoni.

Tsing'ano 30:12

Vaveeye ho na vandu valala avaganaganaa ndi vaveeye valahi lwavafunyaa vugundu.

Haggai 2:13

Maku Hagai yateeva, “Niiva mundu alonogonywa kigira adiiyi ku mukuzu, niiva aladiira ku viukulia yivi alakola viukulia yivi vive vidamanu kandi?” Avasaalisi vaativura, “Yee”.

Matayo 15:18

Navuzwa ivitulaa mu munwa vituraa mu mwoyo, na iviene yivi nivio ivikolaa umundu kuva mudamanu.

Vikolwa 10:15

Mwoyo yigwo gwahulirika kandi haali kaviri ni gumuvooleraa, “Vindu via Nyasaye yatakasa, ivi utavilanga vidamanu mba!”

Varumi 14:14

Manya kandi mbeeye nagiligali mu Mwami Yeso ndi, sihaveeyeho ni chukulia ku choosi ikitaveeye kilahi ku vwacho mba; navuzwa niiva mundu asuviraa ndi chukulia yiki sikeveeye kilahi kulia, maku sikeveeye kilahi kuye mba.

Varumi 14:20

Kunangwa utononyia miyinzi ja Nyasaye amali kolomba kigira viukulia mba. Viukulia viosi ni vilahi kulia, navuzwa ni vudamanu kolomba mundu wundi akole vwoni kigira cha ivi uliizaa.

Varumi 14:23

Navuzwa umundu uhayahayiza ku chukulia cha alizaa, Nyasaye amukalagiraa lwa ava nalizaa ichukulia zana, kigira likora lilie sililondekanaa ni lisuuvira mba. Niiva kokora kindu ku choosi ikitalondekanaa ni lisuuvira, keveeye uvwoni.

1 Vakorintho 10:23

“Kuvugilirwaa kokora vindu viosi,” yago gaveeye agiligali. Navuzwa siviveeye ni viosi viveeye novokoonyi mba. “Kuvugilirwa kokora vindu viosi,” navuzwa siviveeye ni viosi vikwumbaka mba.

1 Vakorintho 10:25

Mulie choosi kigulizwa mu chiitu chi zinyama vugira koteveleriza amateeva kigira zing'anagani zie mioyo jinyu.

1 Vakorintho 10:31

Kunangwa, ni muva ni mulia, anoho nimunwa anoho choosi cha mukora, mukore vindu yivi viosi ku likuminya Nyasaye.

1 Vakorintho 8:7

Navuzwa, sivaveeye vosi avamanya giligali yaga. Vaveeye ho avandu valala vaanala misambwa, kigira kuduuka kalunu lwa valizaa viukulia kuli yivi valora vikikiri vuzwa viukulia visalisirangwa misaambwa. Na kigira zing'anagani zie mioyo jaavo ziveeye zindedekere, kandi valora ndi zimali kwononywa ni viukulia.

Vahebraina 10:22

Kulwayago, gendi kwisundi ahimbi ku Nyasaye numwoyo gwiligali ni lisuuvira liu vuduukiru, nikoveeye ni zing'anagani zie mioyo jitakasiywi kutuliza mu zing'anagani zindamanu, kandi miviri ni jogiziiywi na mazi malahi.

Vahebraina 12:15

Mwilindi ku lirana inyima kutura ku zimbavasi zia Nyasaye. Mutaleka mulala ku munyi ave kuli kitagwa kilulu ichakaviruka ma chaleeta uvudinyu, ni sumu yacho mba.

Vahebraina 9:14

Kigira yaga gaveeye agiligali masahi ga Kristo galakola miyinzi minene ligali. Kuvitira mu Roho wi mihiga ni mihiga, yihaana mwene kuli kihanwa kiduukiru ku Nyasaye. Amasahi geege galakatakase zing'anagani ziu mu mioyo jietu kutura ku miima jitaduukanaa kunangwa kuduuki kutumikira Nyasaye oveeye mwoyo.