Tito 1:10 - KITABU KITAKATIFU

¹⁰ Vaveeye ho avandu avanyingi ligali, mbitilira aviganiri kutura mu dini ya Avayuda, avibaaraa nukugaada avandu vandi namakuva gaavo guvusiru.

Tito 1:10 Iomraidhean Croise

Matayo 23:14

O, vayaye, kilaamo keveeye ku munyi avigizi vi Lilaga na Avafarisayo! Avagaadi munyi! Mwonogonyia zinyumba zia avakunzakali nukuvanuula viosi, kandi mwekora avalahi ku lisaala masaala matambi! Kigira yaga, mulanyola amaduywa manene ligali kuvita.”

Vikolwa 11:2

Lwa Petero yirana Jerusalemi, Avayuda vandu avasuuviri, avenyaa avandu vi Zihiiri kuduuka vakevwe, vamuhangaliza ni vavoola,

Vikolwa 15:1

Avandu valala vaza Andiokia kutura Ivuyuda nivatanga kwigiza avaamitu, nivavoora ndi: “Nimutakevwa kolondekana ni miima ji Lilaga lia Musa, simunyala kohonywa mba.”

Vikolwa 15:24

Kunyi kuhuliyi ndi avandu vandi kutura mu muganda gwitu vamunyangiza na makuva gaavo, nivamuhendiza mioyo jinyu. Navuzwa vakora ndio vugira munwa kutura ku kunyi.

Vikolwa 20:29

Inzi manyi vulahi ligali ndi, inyima wu litura liange, vivwi vilulu vilamwingilira, navio si vilavererera ichayo mba.

Vagalatia 2:4

kali niiva valala venya akevwe. Amakuva yaga gaatulira kigira avalala ku avaamitu vingira mu kiduma chiitu machiriri kuli vatunyirizi vaduuki kutunyiriza ovovonolore vwitu vwa koveeye navwo kuvitira mu Kristo Yeso. Venya kokokola kove avatugwa.

Vagalatia 3:1

Munyi Avagalatia vasiru! Nivwaha wamuloga? Imbiri wi zimoni zienyu ziene mwivaalirwa havulavu kuli Yeso Kristo yakuza ku musalaba.

Vafeso 4:14

Kunangwa sikulava kandi kuli avana vadoto avahilwaa yiyi ni yiyi ni viguvuli kandi avahunzulanywa ni zimbuza zia amigizu guvugadi zing'ano ziosi ga avandu, avimiliraa avandi kuduuka mu mahiolo nuvugadi vwavo vwa vatangiza.

Tito 1:6

Mukulundu wi likanisa kuduuka ave musaza utaveeye nimbara kuye. Kuduuka ave musaza wu mukali mulala, kandi kuduuka avana veve vave avasuuviri avataveeye ni kirage anoho vatatizaa malago;

Yakobo 1:26

Niiva umundu yiganagana aveeye wi lisuuvira, naye natalinda makuva geege, yigadaa mwene, lisuuvira liu mundu uyu ni liavuzwa.

1 Yohana 2:18

Avana vange, ing'inga ye keheri eveeye himbi; kandi kuli mwahulira umusigu wa Kristo yaazaa; kali kalunu avasigu va Kristo avanyingi vamali kololeka, ku yaga kumanya ni ing'inga ye keheri eveeye himbi.

1 Yohana 2:4

Oyo ovola, “Ndamanya Nyasaye” navuzwa avula kolonda amalago geege, aveeye mugaadi, kandi agiligali sigaveeye muye mba.

1 Yohana 4:1

Avalina avayaanze vange, mutasuuvira avandu vosi avevoora avaveeye na Roho, navuzwa muhenzerizi kandi mulole niiva mundu oyo yimilirwa na Roho wa Nyasaye. Yiki ni kigira avaporofeti vovovehi vanyingi vamali kuzia mu kivala choosi.

Likunula 2:14

Navuzwa mbeeye na amakuva makekeeke madamanu ku ivi: vaveeye ho na avandu valala ku munyi avalondaa amigizu ga Balaamu, uwigiza Balaki kuli anyala kwimilira vandu Vaisiraeli muvwoni lwa yavavolera valie ichukulia kehevwa imisaambwa kandi kokora voheyi.

Likunula 2:6

Navuzwa ngwizominyaa ku likuva lilala yili: Ivi udunyiraa miyinzi ja vandu va Vanikolai ava inzi ndunyiraa.