Ruth 4:13 - KITABU KITAKATIFU

¹³ Kunangwa Boazi yavugula Ruzi naava mukali weve, kandi yaali harara naye. Yahova yagasiza Ruzi ma naavereka, kandi niyiivura mwana muyaayi.

Ruth 4:13 Iomraidhean Croise

Litanga 20:17

Maku Aburahamu yasaala ku Nyasaye, na Nyasaye yahonyia Abimeleki harara mu mukali weve kandi avatugwa veve avakaana, kunangwa vaduuki kwivura avana.

Litanga 25:21

Isaka yasaalira Rabeka ku Yahova kigira yaali mugumba. Yahova yahaana mativuli ku lisaala lilie kandi Rabeka yavereka.

Litanga 29:31

Lwa Yahova yalora ndi Yakobo yayanza Raheli kuvita Lea, yakola Lea konyoora avana, na Raheli naava mugumba.

Litanga 30:2

Yakobo yasinyikira Raheli kandi navoora, “Inzi si nyara kuvugura vwiyangu vwa Nyasaye mba. Oyo niye wakola ivi kuvula konyoora avana.”

Litanga 33:5

Lwa Esau yahenza muzimbega ziosi ma nalora avakali na vana, yateva, “Ni vandiki avaveeye navo yava?” Yakobo yativura, “Yava nivo avana va Nyasaye amali kuhaana ku mutumikiri woovo mu zimbavasi zizie.”

Zaburi 113:9

Aheezaa mukali mugumba uluyali hango hehe. Amukolaa asangale ku linyola avana; Mwizominye Yahova.

Zaburi 127:3

Avana vaveeye kihanwa kutura ku Yahova; vaveeye ligasizwa lieligali.

Ruth 3:11

Na kalunu, mukaana wange, utatia mba. Ndakokolera goosi agoteeva, kigira avilidaala liosi lia vandu vange vamanya ivi oveeye mukali mulahi.

Ruth 4:12

Avana va Yahova alikuha ku mukali uyu valakole inyumba yooyo ilave kuli inyumba ya Perezi mwana wa Yuda na Tamara.”

1 Samweli 1:27

Ndasaara mbeevwe umwana uyu, na Yahova umali kumba cha ndamuteva.

1 Samweli 2:5

Avandu vaali ninziguta kalunu vayinzira ku vaduuki konyoora chukulia, navuzwa yavo avaari ninzara si vaveeye ni inzara kandi mba. Mukali mugumba wivuuyi avana saba. Navuzwa mama wa vayaayi vanyingi utigaye umwere vugira mwana.