Ruth 4:11 - KITABU KITAKATIFU

¹¹ Avandu vosi avaari mukirivwa, navakulundu vavoola; “Kunyi koveeye avalolekizi. Yahova akole mukali woovo ave kuli Raheli na Lea, avivulira Yakobo avana vanyingi nivumbaka Isiraeli. Na ivi ugaasizwi, ove mutugi mu ihiiri ya Efurazi kandi ove wilieta linene mu Bezelehemu.

Ruth 4:11 Iomraidhean Croise

Litanga 23:10

Efuroni yaali niyikaye harara na vandu va Hiti, havundu hu kwaganira, mu kirivwa chi lidaala, yativura imbiri wa vandu vosi,

Litanga 24:60

Maku vaagasiza Rabeka nivavoora, “Mukaana wiitu, uzie kwaganira zingavi, wivuli avandu avanyingi! Visukululwi vivio viguuti nukuvugula miandu ja amadara ga vasigu vaavo!”

Litanga 29:16

Labani yaali na vakana vaviri; mukaana wukutanga yalangwa Lea na wakaviri yalangwa Raheli.

Litanga 29:25

Lwa vwacha mugamba, Yakobo yahenza nalora ni Lea. Yazia ku Labani navoora, “Kigira ki ongoleeye yaga? Inzi ndaayinzira konyoora Raheli. Kigira ki ivi umali kungada?”

Litanga 29:32

Lea yavereka kandi niyiivura mwana muyaayi. Yavoola, “Yahova ololi vudinyu vwange kandi kalunu musaza wange alanyaanza.” Kunangwa yamugulika Rubeni.

Litanga 35:23

Avayaayi va Lea vaali; Rubeni, muyaayi wa Yakobo wu kutanga, Simioni, Levi, Yuda, Isakari, na Zabuloni.

Litanga 35:24

Avayaayi va Raheli vaali; Josefu na Benjamini.

1 Avami 21:8

Hene yaho Jezebeli yang'oda zibarwa, naviika ku mukono nilieta lia Ahabu, naduya mu muhuri gwigwe, kandi naazituma ku vatumikiri na vimiliri vamenyaa mu lidaala linene lia Jezireeli.

1 Kyetsinyinga 2:51

Muyaayi weve wa kaviri Salima yatangiza lidaala lia Bezelehemu; na muyaayi weve wa kavaga Harefu yatangiza lidaala lia Bezi-Gaderi.

Zaburi 132:6

Kwahulira amakuva gi Lisandugu lie Lilagana mu Bezelehemu, na kwalinyoola mu milimi ja Jearimu.

Tsing'ano 14:1

Mukali mugeri yumbaka inyumba yeeye, navuzwa mukali musiru asambula inyumba yeeye na makono geege mwene.

Tsing'ano 31:23

Musaza weve yamanyikana ligali, aveeye mulala ku vimiliri vi lidaala.

Jeremia 32:10

Inzi ndaviika ku mukono ku ibarwa yu mulimi yiyi, kandi nimbika ku muhuri. Ndaalanga avaloli kuva avalolekizi, kandi ndaamugelera vidonye 17 vie ifeza ku ziratiri.

Mika 5:2

Yahova avoora, “Ivi Bezelehemu Efurate, oveeye mulala ku madaala makekeeke mu Ivuyuda, navuzwa kutura ku ivi, alaza mu Isiraeli mwamihi, uwa avinyumba yeeye vaali ho kutura zing'inga zia kale.”

Matayo 2:6

‘Na ivi O, Bezelehemu, mu kivala chi Vuyuda, si oveeye ligali muke hagati ha avamihi vi Vuyuda mba kigira kutura ku ivi, alaza mwami uliva mwayi wa vandu vange, Isiraeli.’ ”

Kwidzulitsa 25:7

Navuzwa niiva amwavo musaza wakuza oyo asuraa koleta mukunzakali wa amwavo weve, mukali oyo alazia ku aviimiliri vi lidaala yilio avoole, ‘Amwavo musaza wange sialakola agamuduukira akole mba; umali kusuura kwivulira amwavo weve kisukururwi hagati ha avandu va Isiraeli!’

Kwidzulitsa 25:9

mukunzakali wa amwavo alazia kuye imbiri wa aviimiliri vi lidaala, amutulizi kilala ku vilato vivie, amutuziri amate mumoni, ma avoole, ‘Yiki nicho chekoleka ku musaza usulaa kwivulira amwavo weve kisukururwi.’

Ruth 1:2

Lieta lilie liali Elimeleki, mukali weve yalangwa Naomi, kandi vayaayi veve vaali Mahaloni na Kilioni. Vaali avihiiri ya Efurazi. Vazia mu kivala cha Moabu, nivamenya yo.