Ruth 3:9 - KITABU KITAKATIFU

⁹ Yamuteeva, “Ivi nivwaha?” Yativura inzi ni Ruzi mwami wange. Kigira oveeye mwiko wange wahimbi, oveeye nuvunyari kuniinda. Nuyanza ondete inzi kuva mukali woovo.

Ruth 3:9 Iomraidhean Croise

Ezekieli 16:8

“Lwa ndaavitira ho kandi, ndaalora ndi ing'inga iduuki munyi kuyanzwa. Ndaakunika chahonyo chienyu nilikoti liange, kandi ndavasuuviriza ndi ndamuyanza. Yee, ndalomba lilagana liange ni munyi kandi mwagwa avandu vange.” Yaga nigo aga Yahova Wuvunyali avoora.

Luka 14:11

Kigira ku vosi, uwenenehizaa, alagehizwa, na uwegehizaa alanenehizwa.”

Ruth 2:20

Naomi yavoola, “Yahova agaasizi Boazi! Yahova atwekizaa lisuuvirizwa lilie kazozo ku avaveeye mwoyo, kandi ku yavo avakuzaa.” Naomi yaazizagilira kovora, “Mundu oyo aveeye mulala ku aviiko viitu vahimbi; aveeye mulala ku vandu vinyumba yitu unyala kulinda kunyi.”

Ruth 3:10

Boazi yavoola, “Yahova akugasizi mukaana wange. Ololekizi uvulahi vwu kumaliriza yivu kuva vonene kuvita vwa mbiri, kigira siuziiyi kolonda avasoleri vayaayi mba; vave vadaka inoho avatugi.

Ruth 3:12

Gaveeye agiligali ndi inzi mbeeye winyumba yinyu, navuzwa aveeyeho mulala wahimbi ligali kuvita inzi.

Ruth 3:8

Mu vudiku hagati, Boazi yegosa nagirung'ana mwene; kandi yaali niligenya konyoora mukali agoni havirenge vivie.

Ruth 4:4

Inzi ndoli ndi nivulahi ngovolere. Niiva ugwenyaa, uguli mulimi zana imbiri wizimoni zia yava aviikaye hano; kandi imbiri wa vakulundu va vandu vange. Niiva ulayaanza kugura, uguli. Niiva siwenya kugura, hene yaho ombolere nduuki kumanya, kigiri sihaveeyeho numundu wundi unyala kugugula nataveeye ivi, ninzi mbeeye inyima woovo.” Naye yavoola, “Ndagugula.”

Ruth 4:6

Navuzwa mwiko wa himbi oyo yavoola, “Inzi sinyala kuvugura mwene, gase ndononyia miandu jange. Ivi uvuguli uvwiyangu vwange kugugula, kigira inzi sinyala kugugula mba.”

1 Samweli 25:41

Abigaeli yavoola, “Inzi mbeeye mutumikiri weve wetegeki kwogiza virenge via vatumikiri vu munene wange.”