Ruth 3:7 - KITABU KITAKATIFU

⁷ Lwa Boazi yaali niyakamara kulia nokunwa, mwoyo gwigwe gwasangala ligali. Yazia kogona inyima wikituumi chu vuswage. Kunangwa, Ruzi yanyenyeka makiriri nazia, naavimbula virenge via Boazi, ma naagona ho.

Ruth 3:7 Iomraidhean Croise

Litanga 43:34

Vahevwa viukulia kutura kuemesa ya Josefu, kandi Benjamini yahevwa haali katano kuvita avandi vosi. Kunangwa avamwavo Josefu valia nivanwa harara naye muvovoholole.

2 Samweli 13:28

yalaga avatumikiri veve, “Huliri! Lwa Amunoni naave niyakanwa iwaini inyingi, kandi lwa nambane lilago, mu mwiti. Mutatia mba. Inzi ndadulwa mwene. Muve avaluviriri kandi mutalindagilira mba!”

1 Avami 21:7

Jezebeli yativura, “Ivi sioveeye mwami wa Isiraeli? Vuka, tula mu kidali, sangala kandi ulie. Inzi ndakuha kizabibu cha Nabozi Mujezereli!”

Esther 1:10

Ku lidiku lia saba, lie lilia linene lilie mwoyo gwu mwami gwaali nigoveeye nu vusangali kigira iwaini yayanweezaa. Kunangwa yalanga viziri saba, avaari vatumikiri veve, Mehumani, Biziza, Haribona, Bigiza, Abagiza, Zezari na Karikasa.

Zaburi 104:15

kandi kuhaana iwaini kolomba avandu kuva nu vuyanzi, na amaguta ga mizeituni kolomba avandu kuva nu vusangali, kandi ingano na maveere kuhaana zinguru mu miviri.

Kohelethu 10:19

Kolomba lilia linyingi likokolaa kuva nuvuyanzi, kandi iwaini ekokolaa kuva nuvusangali, navuzwa mabese gaveeye mativuli ku kindu choosi.

Kohelethu 2:24

Kindu kilahi ligali chu mundu anyala kokora mu kivala nukulia kandi kunwa, nukusangalira viosi viamali konyoora mu liyinzira vudinyu. Navuzwa ndaalora ndi vindu yivi viosi vituraa ku Nyasaye.

Kohelethu 8:15

Kunangwa suviraa ndi, mundu gakuduukiraa wiyaanzizi, kigiri lieyaanziza lia koveeye nalio mu livamwoyo lietu, nu kulia kandi kunwa nukusangara. Kunyala kokora ndio lwa kuyinziraa vudinyu ku ing'inga yi livamwoyo lia Nyasaye amali kukuha mu kivala yiki.

Kohelethu 9:7

Uzizagiliri kulia chukulia chicho kandi usangale; Unwi iwaini yooyo kandi ove nu vusangali. Goosi gaveeye malahi ku Nyasaye.

1 Vakorintho 10:31

Kunangwa, ni muva ni mulia, anoho nimunwa anoho choosi cha mukora, mukore vindu yivi viosi ku likuminya Nyasaye.

Vafeso 5:18

Mutahambika iwaini mba kigira imanya imudivizi; navuzwa mwizuli Roho du.

Vakalagi 16:25

Lwa vaali ni vakasangala ligali mu mioyo jaavo, vavoola, “Leeti Samusoni akokole kusangale.” Maku valanga Samusoni kutura muvuhambe, navavinira mulivayaanziza vaduuki kusangara. Maku vamuhira nasingira hagati hi zitiru ziviri.

Vakalagi 19:22

Lwa vaali nivisangaliza, nonoho avasaza vi kifavi cho voheyi kutura mu lidaala vakumbiriza inyumba yeyo ma nivatanga kuduyu muliango. Vavoolera umusakulu, “Tuliza umundu musaza wingiyi munyumba yooyo kuduuki kogona naye.”

Vakalagi 19:6

Avasaza vaviri yava viikara nivalia kandi nivanwa harara. Maku baba wu mukali yamuvolera, “Mwaza gona hano ma ove nuvuyanzi.”

Vakalagi 19:9

Lwu mundu uyu harara nu mukali weve, uyu nu mutumikiri weve vaatura kuzia, baba wu mukaana yamuvoola, “Henza umugolova guduuki. Gona hano uvudiku vwa kalunu vudiku vuduuki; gona hano uvuki kuva mu vusangali. Mugamba unyala kuvuuka ni vukikiri kale ma utange ologendo lwu kuzia yengo.”

Ruth 3:6

Kunangwa Ruzi yasulunguta nazia koloze, naakora goosi kuli navizara weve ya muvooleraa.

Ruth 3:8

Mu vudiku hagati, Boazi yegosa nagirung'ana mwene; kandi yaali niligenya konyoora mukali agoni havirenge vivie.