Ruth 2:14 - KITABU KITAKATIFU

¹⁴ Kung'inga yiliilia, Boazi yavolera Ruzi, “Hamba hano, ulagiri uvuchima, na odongere mu munyu yigu.” Kunangwa Ruzi yikala harara navagesi. Boazi yamusundira uvuswage vusaambe, na yaalia, kuduuka lwa yiguta kandi naleka vandi.

Ruth 2:14 Iomraidhean Croise

2 Samweli 17:28

Valeta vidali, zibenzeni, niviju via madohi, ingano, ishairi, nuvusie vuswage vusambiywi, amaganda kandi zimbindi,

Zaburi 23:5

Ivi onomberaa viukulia imbiri wa vasigu vange; umbaki mutwi gwange na amaguta, kisanda change chizuuyi du.

Isaya 32:8

Navuzwa mundu wuluyali akolaa vindu nu vusuuvirifu, kandi aveeye muduukiru mu vindu viu vulungi.

Isaya 58:7

Musange viukulia vienyu harara na vaveeye ninzara kandi mwiguli zinyumba ku vadaka vatali na hango. Muhaane zinguvu ku yavo avatali nikindu chukwiviika, kandi mutasuula kokoonya aviiko vinyu mba.

Matayo 14:20

Avandu vosi avaalia, kandi niviguta. Aviigi vavungiza amadonye gaatigala nigizula ivihinda likomi na viviri.

Kwidzulitsa 11:15

Alamuha kandi vunyasi mu milimi jinyu kigira mitugu jinyu. Mulava ni viukulia viosi viamwenyaa.

Kwidzulitsa 8:10

Mulava ni viukulia viosi via mwenya kulia kandi mulahaana lisandiza ku Yahova Nyasaye kigira kivala kenoru kandi kigunamu cha amali kumuha.

Ruth 2:13

Na Ruzi yavoola, “Oleke nyoore zimbavasi imbiri woovo, mwami wange, kigira oleminyi mwoyo gwange kandi kigira omboleeye inzi, mukaana mutumikiri woovo, makuva malahi, kali nindaveeye mulala ku vakana vatumikiri vovo.”

Ruth 2:15

Lwa Ruzi yasingira kuzia kodoola vuswage, Boazi yalaga avasoleri veve navoora, “Mumuleke adoole kali hagati hiviganda vivoheywi; mutamuleembi mba.

Ruth 2:18

Yidwika vuswage, nazia mu lidaala. Yamanyia navizara weve ivia yaali navungizi. Yamuha kandi ichukulia chaali nikitigaye ku cha yaali naliyaange.

1 Samweli 17:17

Lidiku lilala Jese yavolera Daudi, “Vugula zikilo likomi zia maduma masambe yaga kandi ni milaango ji migadi likomi yiji na uhiliri avamwavo vovo vwangu mu hokososa haavo.

1 Samweli 25:18

Abigaeli yakola vwangu navugura migadi 200 zimuya ziviri zie visero ni zizuuyi iwaini, inyama ya magondi 5 gasambiywi, zikilo 17 zia maduma masambe, visaganyi 100 via mazabibu, kandi zikeki 200 zia makuyu guminywa, kandi yavivika ku zibunda.