Ruth 2:12 - KITABU KITAKATIFU

¹² Yahova akohe amadanyi gaduukanaa ni miyinzi ja wakola. Nyasaye wa Isiraeli wa waza kwikinga mu zimbaha zizie.”

Ruth 2:12 Iomraidhean Croise

Zaburi 17:8

Uniindi kuli unyala kulinda emoni yooyo mwene. Umbisi kuli engoko ivisaa ivimiinyu viayo isi wi zimbaha

Zaburi 19:11

Limbezaa limanya, inzi mutumikiri woovo. Mbeeveywi madanyi kigira ilihulira likalaga yilio.

Zaburi 36:7

O, Nyasaye, vuyanzi vuvwo vutaveeye nekeheri voveeye vulahi ligali, ukingaa mu likingwa liilio, kuli engoko ikingaa viminyu mu zimbaha ziayo.

Zaburi 57:1

O, Nyasaye, ombere zimbavasi kigira nzizanga ku ivi osoore. Nzivisaa mu ivi kuli engoko ivisaa viminyu viayo isi wi zimbaha ziayo kuduuka lwa imbuza yi chihi elekela.

Zaburi 58:11

Avandu valavoora, “Ligali avalungi valaheevwa madanyi; ligali aveeye ho Nyasaye ukalagiraa lirova.”

Zaburi 61:4

Ndeka menye mu lihema liilio litakatifu mihiga ni mihiga; leka nyoore chukwivisa mu isi wi zimbaha zizio.

Zaburi 63:7

kigira ivi oveeye mukonyi wange kazozo mu chiriri chi zimbaha zizio, nyimbaa kigira uvusangari.

Zaburi 91:4

Alakukunika ni zimbaha zizie; ulanyora mirembe mu vulindi vwivwe, uvusuuvirifu vwivwe vulakukinga kandi vulakosoola.

Tsing'ano 11:18

Avandu vachamu sivanyoola kindu mba navuzwa nokora agaveeye amalungi, ulanyora madanyi.

Tsing'ano 23:18

Gaveeye agiligali ndi Lisuuvirizwa liveeye ho kuivi, kandi lienya liilio sililatulizwaho mba.

Jeremia 31:16

Mulekere lilira kandi mweye amaliga ginyu. Goosi agamumali kokolera avana vinyu kuduuka namuhevwe amadanyi; navirane kutura mukivala chumusigu.

Matayo 23:37

“Jerusalemi, O, Jerusalemi! Ivi uwiita avaporofeti, nukulasa amagina va Nyasaye atumaa ku ivi. Ni haali kanga niingerizaa kuvuungiza avana vovo harara, kuli engoko inyavuli ivungizaa ivimiinyu viayo mu zimbaha ziayo, navuzwa siwenya mba?

Matayo 5:12

Muyanze kandi musangare ligali, kigira amadanyi ginyu gaveeye amanene mwigulu; nindio vadambiza avaporofeti avaari imbiri winyu.

Matayo 6:1

“Heenzi vulahi, mutakola vikolwa vinyu viu uvulungi imbiri wa avandu, kigira mwenya vamulole mba. Niiva mukora ndio, Baba winyu oveeye mwigulu sianyala kumuha madanyi mba.

Luka 6:35

Navuzwa muyanze avasigu vinyu kandi muvakolere amalahi mwegobize vugira kusuuvira kwiranyirwa, na madanyi ginyu galava manene, namulava avana va Nyasaye, Oveeye igulu. Kigira aveeye mulahi ku yavo avatali nilisandiza na avadamanu.

Vakolosai 2:18

Mutaleka mundu kali mulala amukalagiri mba, wekolaa kuva munene ligali kuvita avandu vandi kigira amalola maduukiru kandi udinyiriza liegehiza liu vugadi, kandi lisigamira lie zingelosi. Mundu kuli uyu siaveeye ni kivuni kigira niyigingiraa mu zing'anagani zizie ziumuviri mba;

Vahebraina 11:26

Yatovola linyegwa kigira Kristo kuva lilahi ligali kuvita vutugi vwa Egebeti; kigira yahenzerera madanyi gaaza imbiri.

Vahebraina 11:6

Vugira lisuuvira, mundu sianyala kuyaanziza Nyasaye mba. Ku vosi uzaa ku Nyasaye gamudukira ave nilisuvira ndi Nyasaye aveeye ho kandi niyie muhaani wa madanyi ku yavo avamwenyaa.

Vahebraina 6:10

Nyasaye siaveeye vugira vulungi mba! Sialivilira miyinzi jinyu ja mwakora, anoho vuyanzi vwinyu vwa mwalolekiza kuye novokoonyi vwa mwaha vandu va Nyasaye kandi mu kihaanaa ku Avakristayo vache vinyu, ma mukizizagiliraa kokoonya Avakristayo vache vinyu.

Ruth 1:16

Navuzwa Ruzi yativura, “Utaaniga ngoleke mba! Leka nzie harara nivi. Hoosi ha uzia inzi kandi ndazia ho; hoosi ha omenya, inzi ndamenya ho. Avandu vovo valava avandu vange, na Nyasaye woovo alava Nyasaye wange.

Ruth 2:11

Boazi yamutivulira, “Goosi aga wakolera navizara woovo kutura musaza woovo nakuza, gavuuliki ku inzi. Inzi manyi kuli waleka baba woovo na mama woovo, nikivala cha wivulwa mu, kandi waza komenya hagati ha avandu va wavula kumanya.

Ruth 2:13

Na Ruzi yavoola, “Oleke nyoore zimbavasi imbiri woovo, mwami wange, kigira oleminyi mwoyo gwange kandi kigira omboleeye inzi, mukaana mutumikiri woovo, makuva malahi, kali nindaveeye mulala ku vakana vatumikiri vovo.”

Ruth 4:15

Naye alava uwilanyia livamwoyo liilio kandi wukukulinda mu ovokeere vuvwo; kigira navizara woovo wakuyaanza aveeye wi kivuni ku ivi ligali kuvita avana vayaayi saba, avawivuyi.”

1 Samweli 24:19

Ni haali kanga mundu agumiraa musigu weve ma aleka azia vugira kumusaliriza? Yahova akugasize kigira ku cha ongoleeye kalunu!

1 Samweli 24:20

Kalunu mbeeye nagiligali ndi ulakave mwami wa Isiraeli, ma kandi uvwami vwa Isiraeli vulazizagilira hasi hi liamiiha liilio.