Nehemia 9:8 - KITABU KITAKATIFU

⁸ Ivi wanyoola mwoyo gwigwe gwaali musuuvirifu ku ivi, na ivi walomba lilagana naye. Ivi wamusuuviriza kumuha kivala cha Avakanaani; ikivala cha Avahiti na Avaamori, ikivala cha Avaperezi, Avajebusi na Avagirigashi, kuva ikivala ichi visukululwi vivie vilakamenye mu. Ivi walinda lilagana liilio, kigira oveeye musuuvirifu.

Nehemia 9:8 Iomraidhean Croise

Litanga 12:7

Maku Yahova yaloleka ku Aburamu namuvolera, “Yiki nicho kivala cha nziza kuhaana ku visukululwi vivio.” Maku Aburamu yumbakira Yahova uvwali naloleki kuye ahene yaho.

Litanga 15:6

Aburamu yasuuvira Yahova, na kigira yaga, Yahova yayanzizwa naye kandi yamuvugilira kuva mundu mulungi.

Litanga 22:12

Yavoola, “Utasaliriza muyaayi anoho kokora kindu kuye mba. Kalunu inzi manya ndi ivi ohezaa Nyasaye luyali kandi utizaa Nyasaye, kigira umali kumanyia ndi uvugilira kuhaana muyaayi woovo wengine kuli kisiuviriru kuye.”

2 Samweli 22:31

Nyasaye uyu, ivikolwa vivie viveeye vidukiru ligali, amakuva geege gaveeye agiligali! Aveeye kuli inguva ku vosi avenya likingwa lilie.

1 Kyetsinyinga 1:14

Kanaani yaali kandi guuga wa Vajebusi, Vaamori, Vagirigashi,

1 Kyetsinyinga 16:16

lilagana lia yalomba na Aburahamu kandi lilagana lia yisuhira Isaka.

Ezara 9:15

O, Yahova Nyasaye wa Isiraeli, ivi oveeye wi likalaga lirungi, kigira umali kuvugilira komenya. Kwiyama uvwoni vwitu ku ivi na sikoveeye nuvulungi kusingira imbiri woovo mba.”

Nehemia 9:33

Ivi wakola vulahi nu hana mageri ku kunyi, ivi waali musuuvirifu, kali niiva kunyi kwakora uvwoni,

Zaburi 116:5

Yahova aveeye wizimbavasi kandi umulahi. Nyasaye wiitu aveeye wilivererera.

Kutwula 3:17

Mali kotovola ndi ndamuleeta kutura mu kivala cha Egebeti wavadambizirwa, nukuvahila mu kivala keveeye kitugi kandi kenoru, kivala cha vandu va Kanaani, Hiti, Hivi, Vajebusi, Amori, na Perizi.

Kutwula 3:8

Kunangwa Inzi mali kuuza kuvasoora kutura ku vandu va Egebeti, nukuvaleeta mu kivala chu vwiyangu, kitugi kandi kenoru cha vandu va Kanaani, Hiti, Amori, Perizi, Hivi, na Jebusi.

Ezekieli 33:24

Yavoola, “Mwana wu Mundu, avandu vamenya mu madaala manene mang'anye gi kivala cha Isiraeli vavoola ndi: ‘Aburahamu yaali vuzwa mundu mulala, navuzwa yahevwa kivala choosi. Kunyi koveeye avanyingi, kunangwa kalunu kivala keveeye chiitu.’

Livalidza 13:29

Avandu vihiiri ya Maleki vamenyi kolovega lwi isavaalu. Avandu vizihiiri zia Hiti, Jebusi na Amori vamenyi mu kivala chi kiguru. Ihiiri ya vandu va Kanaani vamenyi himbi ninyanza ya Meditareniani, kandi himbi nu mugera gwa Jorodani.”

Livalidza 23:19

Nyasaye siaveeye kuli avandu, unyala koveha mba; siaveeye ho nu mundu unyala kugirung'anyia zing'anagani zizie mba. Choosi chalagaa, akolaa; amolomaa, ma gekoleka.

Vikolwa 13:22

Lwa Nyasaye yamala kutuliza Saolo, yatovola Daudi ave mwami wavo. Yalolekiza livugilirwa lilie navoora: ‘Ndoli Daudi mwana wa Jese; nu mundu wu lugano lwu mwoyo gwange muyanzaa; mundu ulikola goosi agu vulaliri vwange.’

Kwidzulitsa 26:3

Zia ku musaalisi okolaa miyinzi ing'inga yene yeyo kandi umuvoolere, ‘Kalunu nzimanyia ku Yahova, Nyasaye wange, ndi mali kwingira mu kivala cha yasuuviriza avaguuga viitu kuha kunyi.’

Kwidzulitsa 32:4

“Yahova aveeye mukingi munene winyu, muduukiru kandi mulungi mu zinzira zizie ziosi. Nyasaye winyu aveeye musuuvirifu kandi wagiligali; akolaa agaveeye malungi kandi amalahi ku vandu vosi.

Kwidzulitsa 7:1

“Yahova, Nyasaye winyu alamuleta mu kivala cha muzizaa kuvugura, kandi alakunga zihiiri zinyingi kutura mucho. Alakunga ligali zihiiri saba vatuli mukivala yicho, iziveeye zinene ligali kandi zie zinguru ligali kuvita munyi, nazio ni yizi; avandu vi zihiiri zia Hiti, Girigashi, Amori, Kanaani, Perizi, na Jebusi.

Kwidzulitsa 9:5

Sigaveeye kigira muveeye avalahi kandi mukoraa agaveeye amalungi mba, nandio Yahova amuleeka mwidikiri mu kivala chavo mba. Navuzwa gaveeye kigira vaveeye avadamanu kandi kigira Yahova Nyasaye winyu yenya aduukizi lisuuvirizwa lia yisuhira avaguuga vinyu, Aburahamu, Isaka na Yakobo.

Tito 1:2

Agiligali yaga gaveeye ku musingi gwi lisuuvirizwa lie livamwoyo litahera mba. Nyasaye utanyala koveha yakusuuviriza livamwoyo yilio mihiga minyingi ijavita,

Vahebraina 11:17

Kigira lisuuvira, Nyasaye yageriza Aburahamu ahaane Isaka mwana weve muderwa, ave kuli kisiuviriru. Aburahamu niye wa Nyasaye yalombera lisuuvirizwa yilio. Kali ndio, yavugilira kuhaana mwana weve muderwa kuli kisiuviriru.

Vahebraina 6:18

Kunangwa koveeye ni vindu viviri; lisuuvirizwa ni liesuuha ivitanyala kugirung'ana, kandi Nyasaye avula kovora vovehi kulio. Kunangwa kunyi avakumali konyoora mirembe naye kuzuvwa ligali kugumiri vudinyu lisuuvirizwa liviikiywi imbiri wiitu.

Joshua 11:23

Kunangwa Joshua yagumira kivala choosi kuli Yahova yaali niyalaga Musa. Joshua yakihaana ku vandu va Isiraeli kuva imiandu jaavo; kandi yakigavula mu vidonye, kedonye kilala ku vuli ihiiri. Kunangwa avandu vasoosa kutura ku vulwani.

Joshua 11:3

Yatuma kandi ka makuva vandu va Kanaani avaveeye ku zimbega ziosi zia Jorodani kuduuka ku vandu va Amori; Hiti, Perezi kandi Jebusi mu kivala chi vigulu; kali kuduuka ku vandu va Hivi avamenyaa hasi hi kiguru cha Herimoni mu kivala cha Mizipa.

Joshua 23:14

“Kalunu mbeeye ahimbi kukuza. Vulii mulala ku munyi amanyi mu mwoyo gwigwe kandi roho gwigwe ndi Yahova Nyasaye winyu umali kuhaana ku munyi vosi vindu vilahi via yamusuuviriza. Vuli lisuuvirizwa lia yalomba limali kuduukizwa; sihaveeyeho ni iliayavula kutwekiza kali kilala mba.

Joshua 9:1

Uvuguuti vwa vandu va Isiraeli vwamanyikana ku vami vosi avaari imadioli wa Jorodani, muvivala vie vigulu, vie vireremo kandi viu kulujinga lwi inyanza ya Meditareniani kuduuka ivaale mu kivala cha Lebanoni. Yava vaali avami va vandu va Hiti, Amori, Kanaani, Perezi, Hivi kandi Jebusi.

1 Yohana 1:9

Niiva kuliyama uvwoni vwitu, Nyasaye aveeye musuuvirifu kandi mulungi, na alakusamiiha uvwoni vwitu kandi alakutakasa kutura ku vuchamu vwosi.