Nehemia 9:6 - KITABU KITAKATIFU

⁶ Maku kandi avandu va Isiraeli vasaala lisaala yili: Ivi, Yahova, ivi oveeye Yahova weng'ine; walomba ligulu ni zing'ereng'ani ziu muvwerefu. Ivi walomba lirova nizinyanza na viosi iviveeye mu; wahaana livamwoyo ku viosi. Uvwamihi vwizingulu vwu mwigulu vuinamaa hasi nukusigamira.

Nehemia 9:6 Iomraidhean Croise

Litanga 1:1

Mu litanga, Nyasaye yalomba ligulu ni lirova.

Litanga 1:9

Maku Nyasaye yalaga, “Amazi agaveeye isi wi ligulu gavuungi havundu harara, kunangwa lirova liumu liloleke.” Gakolekaa ndio.

Litanga 2:1

Kunangwa Nyasaye yamala kolomba ligulu ni lirova kandi viosi iviveeye mu.

Litanga 32:2

Lwa yaazilola, yavoola, “Yili ni liihi lia Nyasaye.” Kunangwa yalanga havundu yaaha “Mahanaimu”.

1 Avami 22:19

Mikaya yaazizagilira kovora, “Kalunu huliri cha Yahova avola! Ndoli Yahova niyikaye koendeve yeeye yu vwami mwigulu naveeye harara nizingelosi veve vosi nivasingiyi ku zimbega zizie ziombi;

1 Avami 8:27

“Navuzwa, ukaveeye unyala O, Yahova Nyasaye, komenya ligali mu lirova? Kali ligulu liosi siliveeye linene linyala kuduuka ivi omenye mulio, kunangwa Litembeli yili lia inzi mali kwumbaka linyala kuva linene likuduuka?

2 Avami 19:15

nasaara, “O, Yahova, Nyasaye wa Isiraeli, wikaye ku endeve yu vwami igulu wi vilombe vivio vie zimbaha, Ivi weng'ine oveeye Nyasaye, wamihaa uvwami vwosi vwi lirova. Walomba ligulu ni lirova.

2 Avami 19:19

Kalunu, Yahova Nyasaye witu, ukosoole kutura ku Avasiria, kunangwa izihiiri ziosi zie lirova ziduuki kumanya ndi ivi weng'ine, O, Yahova, oveeye Nyasaye.”

Nehemia 9:5

Vandu va Levi yava vavoolera avandu vasigamiri Nyasaye: Jeshua, Kadimieli Bani, Hashabuneia, Sherebia, Hodia Shebania, na Pezahia. Vavoola, “Musingiri na mwizominyi Yahova Nyasaye winyu. Mumwizominye mihiga ni mihiga. Leki sa mulala yizominye lieta lilie lwu vukumi, kali niiva lizominya liu mundu siliveeye lidukiru mba.”

Zaburi 102:25

Ivi walomba lirova zing'inga zia kale ligali kandi walomba ligulu namakono googo umwene.

Zaburi 103:21

Mwizominyi Yahova, O, munyi avamahi geege gu mwigulu, munyi avatumikiri veve avakolaa uvulariri vwivwe.

Zaburi 115:15

Yahova walomba ligulu nilirova, amugasize ligali.

Zaburi 124:8

Ovokonyi vwitu vuturaa ku Yahova, uwalomba ligulu ni lirova.

Zaburi 146:6

walomba ligulu, lirova kandi inyanza na viosi iviveeye mu. Adukizaa lisuuviriza lilie kazozo;

Zaburi 24:10

Mwami wu vukumi uyu nivwaha? Ni Yahova oveeye muguuti mu vulwani— aveeye mwami munene ligali.

Zaburi 33:6

Yahova yalomba ligulu ku lilaga lilie: liuva, mweli kandi zing'ereng'ani ku likuva lilie lia yamoloma.

Zaburi 36:6

Uvulungi vuvwo voveeye igulu ligali kuli vigulu, likalaga liilio lirungi liveeye kuli ululiva lwi inyanza; ivi ulindaa avandu ni zinyama ziosi.

Zaburi 86:10

Ivi weng'ine oveeye wizingulu kandi okolaa vindu viokogenyia, ivi oveeye Nyasaye.

Isaya 37:16

“O, Yahova Wuvunyali, Nyasaye wa Isiraeli, uwikaye kondeve yu vwami igulu wa Vakerubi, ivi weng'ine, oveeye Nyasaye, uwamihaa uvwami vwosi vwi kivala. Ivi walomba ligulu nilirova.

Isaya 37:20

Kalunu, O, Yahova Nyasaye wiitu, okosoole kutura ku vandu va Asiria, kunangwa zihiiri ziosi zie kivala ziduuki kumanya ndi ivi weng'ine oveeye Nyasaye.”

Isaya 43:10

“Avandu va Isiraeli, muveeye avaloli vange; ndaatovora munyi muve vatumikiri vange, kunangwa muduuki kumanya inzi kandi kusuuvira mu inzi; Kandi kumanyiriza ndi inzi nzieng'ine mbeeye Nyasaye. Sihaliraho nu munyasaye wundi nataveeye inzi nzieng'ine mba; sihaveeyeho kandi sihaveeyeho nanyasaye wundi kuvita inzi.

Isaya 44:6

Yahova, uwamihaa kandi ukingaa Isiraeli, Yahova Wuvunyali avoora ndi: “Inzi mbeeye Nyasaye Weng'ine, Wukutanga nu Wekeheri; sihaveeye ho na nyasaye wundi, navuzwa inzi.

Isaya 44:8

Avandu vange, mutatia mba! Munyi mwamanya yaga kutura zing'inga zia kale kuduuka lero inzi ndaamara kuvuula goosi agazizaa kwekoleka, na munyi muveeye avaloli vange. Haveeye ho na nyasaye wundi lugano ku inzi? Haveeye ho na nyasaye wundi wizingulu wa inzi ngikiri kumuhulira kali hakuzu?”

Isaya 45:12

Kuzinguru ziange ndaalomba ligulu na viosi viveeye mu lio; liuva, mweli ni zing'ereng'ani. Ndaalomba lirova, kandi ninomba mundu komenya ku lio.

Jeremia 32:17

“Mwami munene Yahova, ivi walomba ligulu ni lirova kuzinguru zizio zinene kandi ku vunyali vuvwo. Si keveeyeho kindu kinyala kutama ivi mba.

Ezekieli 20:11

Ndaavaha malago gange kandi mimbigiza lilago liange, agaleetaa livamwoyo ku mundu woosi vegehiza kugo.

Jona 1:9

Jona yativura, “Inzi mbeeye Muheburaina. Sigamira Yahova Nyasaye wu mwigulu, uwalomba lirova kandi inyanza.”

Yohana 10:30

Inzi na Baba wange, koveeye kindu kilala.”

Vikolwa 4:24

Lwa vandu vasuuvira vahulira makuva yaga, vosi vaza harara, vasaala Nyasaye nu mwoyo mulala, ni vavoola, “ O, Mwami, kandi Mulombi wi ligulu ni lirova, inyanza ni vindu viosi iviveeye mu!

Kwidzulitsa 10:14

“Henza, Ligulu, kali ligulu liu mwigulu ligali, viveeye via Yahova; lirova ni vindu viveeyemu, viosi iviveeye vivie.

Kwidzulitsa 32:39

“ ‘Inzi, kandi Inzi wengine mbeeye Nyasaye; sihaveeyeho numunyasaye wundi oveeye wiligali mba. Nzitaa, kandi mbana livamwoyo, Nzataa ologoma kandi mbonyia, na sihaveeyeho numundu unyala kuhing'ana ku icha ngolaa mba.

Kwidzulitsa 6:4

“Muhuliri, O, avandu va Isiraeli; Yahova; Yahova yeng'ine, aveeye Nyasaye wiitu.

Vahebraina 1:3

Amanyia ovong'ereng'anu vwu vukumi vwa Nyasaye kandi liiva lieligali lia Nyasaye mwene, kulinda ligulu ni zinguru zie likuva lilie. Niyakamara konyoora uvusamiihi vwu vwoni vwa vandu, yikala mwigulu ha mukono mulungi gwa Nyasaye, oveeye Zinguru Zinene.

Vahebraina 1:6

Navuzwa lwa Nyasaye yaali ahimbi kutuma Mwana weve wukutanga mu lirova, yavoola, “Zingelosi vosi va Nyasaye kuduuka vamusigamiri.”

Likunula 14:7

Yavoola kandi nu mwoyo umunene, “Muhe Nyasaye luyali kandi mumukuminyi, kigira ing'inga yi likalaga lilie imali kuduuka. Musigamiri uyu walomba ligulu, lirova, inyanza, ni ivisinukiru via amazi.”

Likunula 4:11

“Mwami oveeye Nyasaye wiitu! Ivi uduukani konyoora uvukumi, luyali, ni izingulu. Kigira ivi walomba ivindu viosi kandi kigira uvulariri vuvwo, vialombwa, kandi viahevwa ilimenya nu uvulamu.”