Nehemia 9:38 - KITABU KITAKATIFU

³⁸ Kigira ku goosi agaamali kwekoleka, kunyi, avandu va Isiraeli, kolombaa lilagana ling'odeywi ku chisuuhu, kandi aviimiliri viitu, avandu va Levi viitu, kandi na avasaalisi viitu nguyu vaviika mihuri jaavo kulio.

Nehemia 9:38 Iomraidhean Croise

2 Avami 23:3

Na mwami yasingira ahimbi nitiru yu vwami, nalomba lilagana ku Yahova kumuhulira nu kulinda malago geege goosi, nu mwoyo gwigwe gwosi kandi ni liiva lilie liosi, kandi kuviika mu vikolwa lienya liosi lilondekana ni lilagana, kuli gang'odwa mu kitabu yicho. Na vandu vosi valaga kugumira malago.

2 Kyetsinyinga 23:16

Musaalisi Jehoyada yalomba lilagana ndi Oyo, avandu, kandi umwami, valava avasuuvirifu ku Yahova Nyasaye.

2 Kyetsinyinga 29:10

“Na kalunu mali kotovola kolomba lilagana na Yahova, Nyasaye wa Isiraeli, kunangwa avuli kuva nu vutima nikunyi kandi mba.

2 Kyetsinyinga 34:31

Mwami yasingira ahimbi ni itiiru yu vwami, nalomba lilagana harara na Yahova, ku muhulira, nu kulinda amalago geege goosi, nu mwoyo gwigwe gwosi, kandi nokokola makuva kolondekana ni lilagana, kuli ga ng'odwa mu kitabu chi lilaga yicho.

Ezara 10:3

Kalunu, gakuduukiraa kolombe lilagana na Nyasaye wiitu ndi kulakunga avakali yava vosi harara na vana vaavo. Kulakola aga ivi kandi aga yavo avatia malago ga Nyasaye vakovolera kokole. Kulakola kolondekana ni lilaga lia Nyasaye.

Nehemia 10:1

Yavo avaari vukutanga kuviika ku mihuri, vaali Nehemia uwaali munene, kandi muyayi wa Hakalia na Zedekia. Avasaalisi valonda ku yava, kandi navo vaviika ku muhuri:

Nehemia 10:29

kuhambanaa, na aviimiliri viitu mu liesuuha kandi isi wi linyola mageri gi kilaamo niiva kulavunaga liesuuha lietu, ndi kulamenya kolondekana ni Lilaga lia Nyasaye, lia yakuha ku Mutumikiri weve Musa; ndi kulahulira goosi aga Yahova, Nyasaye wiitu, akulagaa kokole, ma kandi malago geege goosi kandi nilienya lilie liosi.

Isaya 44:5

“Mundu mulala sa mulala alavoora, ‘Inzi mbeeye wa Yahova.’ Valaza nukuhambana na vandu va Isiraeli. Vuli mulala alang'oda lieta lia Yahova ku mukono gwigwe, kandi aliigulika umwene kuva mulala ku vandu va Nyasaye.”

Matayo 27:66

Kunangwa vazia ni vasingilira ikilindwa ni vaviika umuhuri ku ligina, no koleka ho avasikari va lindi.