Nehemia 9:33 - KITABU KITAKATIFU

³³ Ivi wakola vulahi nu hana mageri ku kunyi, ivi waali musuuvirifu, kali niiva kunyi kwakora uvwoni,

Nehemia 9:33 Iomraidhean Croise

Litanga 18:25

Nagiligali ivi siulita avandu vataveeye nimbara harara navandu vamahiolo mba. Yago ganyalika mba! Ivi siunyala kokora ndio mba. Niiva wakakoli ndio, umundu utaveeye nimbara alahevwa mageri harara nu mundu wamahiolo. Yago ganyalika mba. Mukalagi wi kivala choosi kuduuka ahaane likalaga liveeye lirungi.”

Ezara 9:15

O, Yahova Nyasaye wa Isiraeli, ivi oveeye wi likalaga lirungi, kigira umali kuvugilira komenya. Kwiyama uvwoni vwitu ku ivi na sikoveeye nuvulungi kusingira imbiri woovo mba.”

Nehemia 9:34

Avaguuga viitu, avami viitu, aviimiliri viitu, avasaalisi viitu sivalinda Lilaga liilio mba. Sivahuliriza ku malago googo na amiganihizu googo mba.

Nehemia 9:8

Ivi wanyoola mwoyo gwigwe gwaali musuuvirifu ku ivi, na ivi walomba lilagana naye. Ivi wamusuuviriza kumuha kivala cha Avakanaani; ikivala cha Avahiti na Avaamori, ikivala cha Avaperezi, Avajebusi na Avagirigashi, kuva ikivala ichi visukululwi vivie vilakamenye mu. Ivi walinda lilagana liilio, kigira oveeye musuuvirifu.

Ayubu 33:27

Alavoora imbiri wa vandu vosi, “Ndamala kwona, na sindakola malungi mba, navuzwa Nyasaye siyamba amageri mba.

Ayubu 34:23

Nyasaye siyaviika ho ing'inga, iya vandu vazia nukukalagirwa harara naye mba.

Zaburi 106:6

Kunyi kumali kokora uvwoni kuli avaguuga viitu vaakora; kokoli uvudamanu kandi uvuchamu.

Zaburi 119:137

O, Yahova, ivi oveeye mulungi, kandi likalaga lia malago googo liveeye lirungi.

Zaburi 145:17

Yahova aveeye mulungi mu zinzira zizie ziosi, kandi aveeye wi livererera mu viosi via okolaa.

Kutwula 32:31

Musa yirana ku Yahova navoora, “Avandu yava vamali kokora uvwoni vonene ligali, na velombeeye umunyasaye wizahabu.

Jeremia 12:1

“O, Yahova, ivi oveeye mukalagi mulungi kazozo lwa ndeta amakuva gange imbiri woovo. Nitali kuduuka ndeve ivi ivindu kigira uvulungi. Kigira ki avandu vachamu vagasizwa? Kigira ki avandu vataveeye vasuuvirifu vaguuta?

Jeremia 44:3

kigira avandu va madaala yaga vaakora uvudamanu kandi vaangora kuva nu vutima. Vahaana visiuviliru ku avanyasaye vandi kandi nivatumikira avanyasaye vavavula kumanya anoho avavaguuga vaavo vavura kusigamira.

Lisyoma lya Jeremia 1:18

Avandu va Jerusalemi vavoola: “Yahova aveeye mulungi, kigira kumali kwibaala ku likuva lilie; navuzwa muhuliri munyi avandu vosi, muhenze kuvusaaliri vwitu. Avasoleri viitu kandi avakaana viitu vamali kuhirwa muvuhambe.

Ezekieli 11:12

Munyi mulakamanye ndi inzi mbeeye yahova kandi simwalonda malago givivala viveeye ahimbi ni munyi mba, mwavunanyia malago nukuvula kutia malagano gange.”