Nehemia 9:29 - KITABU KITAKATIFU

²⁹ Ivi waviganihiza vaatia amigizu googo, navuzwa vigingira kandi nivavula kuhulira malago googo. Vakora uvwoni ku malago googo, agahana livamwoyo niva umundu alagalinda. Mu liegingira liavo nilindinya magoti gaavo vasuura.

Nehemia 9:29 Iomraidhean Croise

2 Avami 17:13

Yahova yiganihiza Ivuyuda na Isiraeli kuvitira ku vaporofeti na vatumwa navoora, “Girung'ani kutura kuzinzira zienyu zindamanu. Gumiri malago gange ni miima jange kolondekana ni Lilaga liosi lia ndalaga avaguuga vinyu vahuliri kandi lia ndaha munyi kuvitira ku vatumikiri vange avaporofeti.”

2 Avami 17:14

Navuzwa sivali vanyara kulihulira mba; vaali ava magoti madinyu kuli vaguuga vaavo, avavura kusuuvira Yahova, Nyasaye wavo.

2 Kyetsinyinga 24:19

Yahova yatuma avaporofeti kuveganihiza viirane kuye, navuzwa avandu si vamuhulira mba.

2 Kyetsinyinga 33:10

Yahova yiganihiza Manase na avandu veve, navuzwa vasuura kuhulira.

2 Kyetsinyinga 36:15

Yahova Nyasaye wa vaguuga vaavo yaazizagilira kutuma avaporofeti ukwiganihiza avandu veve kigira yenya kuvahonyia kandi kosoola Litembeli lilie.

Nehemia 13:15

Mu madiku yago, ndaalora avandu mu Ivuyuda nivamiinaa makuyu ga mazabibu ku Lidiku lie Lisabato. Avandi vaali nivaleeta uvuswage nuviika ku zibunda, harara ni iwaini, mazabibu, makuyu, nimisigo jindi josi. Na vaali nivajiletaa mu Jerusalemi ku lidiku lie Lisabato. Kunangwa ndaviganihiza vavuli kuguliza kindu choosi ku lidiku lie Lisabato.

Nehemia 9:10

Ivi wakola vilolekizu viokogenyia ku mwami wa Egebeti, ku vatumikiri veve kandi ku avandu vi kivala chiche, kigira wamanya kuli vadambiza avandu vovo. Ivi wahevwa ilieta liuluyali lia ukikiri nalio kuduuka kalunu ndi.

Nehemia 9:16

Navuzwa avaguuga viitu vigingiraa kandi vaali avamagoti madinyu ligali, kandi nivasuula kuhulira amalago googo.

Nehemia 9:26

“Navuzwa avandu vovo vibaara kandi nivavula kukuhulira vasuura kuhulira Lilaga liilio. Vita avaporofeti avaviganihiza, avavavolera viirane ku ivi vaanyega ivi vuli ing'inga.

Nehemia 9:30

Ivi wikuzira kuvo ku mihiga minyingi. Waviganihiza mu vwikuziri vunyingi. Wakola avaporofeti vovo komoloma. Navuzwa vasuura kuhuliriza, kunangwa ivi waleka vaguutwi na avandu vizihiiri zindi.

Kutwula 10:3

Kunangwa Musa na Haruni vazia ku Mwami nivavoora, “Yahova, Nyasaye wa Avaheburaina, avoora, ‘Ulasuula kwegehiza ku inzi kuduuka ng'inga ki? Leka avandu vange vazie kunangwa, vaduuki kusigamira.

Jeremia 17:23

Avaguuga vaavo siyahulira anoho si vaatia lilago liange mba, navuzwa vaali avadinyu; sivenyaa kutia anoho kwiga kutura ku inzi mba.

Jeremia 19:15

ndi, Yahova Wuvunyali, Nyasaye wavandu va Isiraeli, avoora, “Inzi nziza koleta kulidaala yili Kandi ku lidaala lindi liosi liahimbi amageri goosi agandavoola ndakakole, kigira muveeye avahindagirizi kandi simulahulira agambooraa mba.”

Jeremia 42:19

Maku ndaazizagilira kovora, “Munyi avandu vaatigara Ivuyuda, Yahova umali kovora muvuli kuzia mukivala cha Egebeti. Kunangwa mwiganihizaa kalunu

Jeremia 43:2

maku Azaria mwana wa Hoshaya na Johanani mwana wa Karea na avandu vandi vosi vikirage vambolera, “Ivi ovoraa vovehi. Yahova Nyasaye wiitu siatumi ivi okovolere kuvuli kuzia komenya mu Egebeti mba.

Jeremia 44:10

Navuzwa kuduuka kalunu, ndi, mukikiri kwegehiza aveene mba. Mukikiri kuhaana luyali ku inzi, kandi mukikiri komenya kolondekana na malago goosi ga ndaamuha kandi ga ndahaana ku avaguuga vinyu mba.

Jeremia 7:26

Navuzwa si yaliho kali mulala uwatia anoho uwahulira mba. Muvogono yivwo, mwagwa avadinyu ligali kandi avibaali kali kuvita avaguuga vinyu.

Ezekieli 20:11

Ndaavaha malago gange kandi mimbigiza lilago liange, agaleetaa livamwoyo ku mundu woosi vegehiza kugo.

Danyeli 5:20

Navuzwa kigira yaali ni liegingira, kilage kandi nava mululu, yatulizwa ku vwami kandi naagotiza luyali lwilwe.

Hosea 6:5

Kunangwa inzi mali kutuma avaporofeti vange ku munyi na makuva gange kumukalagira kandi kumudiviza. Aga inzi nyenya kutura kumunyi ni yaga:

Kyavalevi 18:5

Mulonde likora kandi malago ga Inzi muheezaa. Mulahonyia livamwoyo lienyu mu likora ndio. Inzi mbeeye Yahova.”

Matayo 19:17

Yeso yamuvolera, “Kigira ki oteeva inzi kigira kindu keveeye ikilahi? Aveeye ho mulala wenyine vuzwa oveeye umulahi; naye ni Nyasaye. Navuzwa ivi ni wenyaa kwingira mu livamwoyo ugumiri amalago.”

Luka 10:28

Yeso yamuvolera, “Utivuuyi vulahi. Kola ndio, na ulanyora livamwoyo litahera mba.”

Varumi 10:5

Musa yang'oda kigira likolwa mulungi ku lihulira Lilaga, ndi, “Mundu uhulira amalago gi Lilaga, alava mwoyo.”

Vagalatia 3:12

Navuzwa siaveeye nu vuhambani hagati hi Lilaga ni Lisuuvira mba, nitali Mang'oda Matakatifu gavoora, “Uyu okolaa goosi agi Lilaga lienyaa, alava mwoyo.”

Kwidzulitsa 31:21

kandi maduywa gukutihiza manyingi ni kivi vilavagwira. Navuzwa ulwimbu yilu lulimbwa kandi lulava kelolero change kuvo. Kali kalunu, ningikiri kuvahila mu kivala cha ndavasuuviriza ndavaha, manyi icha vaganagana.”

Kwidzulitsa 31:27

Manya kirage chavo nuvwibaali vwavo. Henza, niiva vibaara ku Yahova ing'inga ya ngikiri mwoyo harara navo, navalandi inyima wi likuva liange!

Kwidzulitsa 4:26

Nangaa ligulu ni lirova kuli valolekizi ku munyi kalunu ndi, niiva simulahulira inzi mulatulaho vwangu kutura mu kivala yicho. Simulamenya ku ing'inga indambi mu kivala keveeye engeleka wa Jorodani ichamuveeye ahimbi kuvugura mba. Muladivizwa ligali.

Vakalagi 6:10

Ndaamuvolera ndi, Inzi mbeeye Yahova Nyasaye winyu; vanyasaye va Amori, avamumenyaa hagati haavo mba. Navuzwa simwahulira agange mba.”