Nehemia 9:25 - KITABU KITAKATIFU

²⁵ Avandu vovo vagumira madaala manene gizimbinga, kivala kenoru, izinyumba zizura vutugi, nividaho viamala kuyavwa, milimi ja mizeituni, misaala ja makuyu manyingi kandi ni vizabibu. Valia viosi via venya nukwiguta, kandi nivakomera; vasangalira ivindu viosi vilahi via ivi wavaha.

Nehemia 9:25 Iomraidhean Croise

1 Avami 14:9

Umali kokora vwoni vonene ligali kuvita kegero, kandi kuvita yavo vamiiha imbiri woovo. Umali kunyambakana kandi uvuukizi vutima vwange ku lilomba misambwa kandi vifananyi vie vivia viduuki kusigamirwa.

1 Avami 8:66

Ku lidiku lia munane, yaasindukiza vandu vazie. Vagaasiza mwami ma ni vazia yengo wavo nuvusangali kandi nuvuyanzi mu mioyo jaavo kigira vulahi vwosi vwa Yahova Nyasaye wavo yaakolera Daudi mutumikiri weve kandi ku vandu veve, Isiraeli.

Nehemia 9:35

Kigira vugaswa vuvwo Avami vamiiha avandu, lwa vamenya mu kivala kenene ni ekenoru cha ivi wavaha; navuzwa vasuura kugirung'ana kutura muvwoni vwavo nu kukutumikira.

Zaburi 105:44

Yavaha vivala via vandu vandi, kandi naleka nivavugura milimi jaavo.

Zaburi 65:11

Kigira ivi oveeye mulahi, ohezaa kunyi ligesa lilahi ligali hoosi ahuvitiraa, uvunyingi vwi vindu vilahi vomedeka.

Tsing'ano 30:9

Niimba ni chukulia kinyingi, nyara kuvoola ndi si ngwenyaa mba. Navuzwa nimbeeye mudaka nyara kwiva ma mbane izisoni ku Nyasaye wange.

Isaya 6:10

Maku yambolera, “Lomba zing'anagani zia vandu yava kuluha, hanyia amatu gaavo, kandi vakuliza zimoni ziavo, kunangwa vavuli kolola, anoho kuhulira kinga kumanyiriza. Niiva vakakoli ndio, vakagirungani kuuza ku inzi ma vahonywe.”

Isaya 63:7

Ndavolera avandu amakuva gu vuyanzi vwa Yahova uvutali ne kegero. Ndamwizominya kolondekana ku goosi aga Yahova amali kokolera kunyi. Yee, umali kokora ivindu vinyingi ku vandu va Isiraeli; kolondekana ni livererera lilie kandi kuli zimbavasi zizie zitahera.

Jeremia 2:7

Ndaavaleta mukivala kigunamu, kusangalira ligesa lia cho kandi vindu via cho vilahi. Navuzwa lwa vaza mukivala yiki, ni vakekola kuva hazwa, kandi ni vachononyia, kivala chandaali ndahana kuvo.

Jeremia 31:14

Inzi ndaha avasaalisi viukulia vinolu, kandi ndigutiza avandu kolondekana ni lienya liavo liosi. Inzi, Yahova mali kovora.”

Jeremia 32:23

Lwa vaduuka mukivala yiki, vaavugura miandu josi jaali mucho, navuzwa si vaatia amalago googo anoho si vamenya kolondekana na amagizu googo mba. Si vaakora kindu ku viosi via waali ni wavalaga mba. Kulwayago, ivi waleeta lidiviza yili liosi kuvo.

Ezekieli 20:6

Ku lidiku yilio lwa ndaavalaga ndi ndavatuliza mu kivala cha Egebeti nu kuvahila mu kivala cha ndaali nimbatovoleye, kivala kenoru kandi kigunamu ligali, kivala chaali kilahi ligali kuvita vivala vindi viosi.

Danyeli 11:24

Alakingiliri kivala chu vutugi vugira kuviganihiza, kandi alakakole vindu viokogenyia via vaguuga veve vukutanga vavura kokora mba, maku alakagavulanyile valondi veve vilaanye via yavugula mu liihi. Alakave ni lilohiza liokwingilira zimbinga, navuzwa ing'inga yeye iladuuka ku keheri vwangu.

Hosea 13:6

Navuzwa lwa mwaduuka mu kivala kilahi yiki, mwalia kuduuka ni mwiguta. Maku mwatanga liegingira kandi ni munzivilira.

Hosea 3:5

Navuzwa ing'inga yiza lwa avandu va Isiraeli valakagirung'ane nukuzia ku Yahova Nyasaye wavo, kandi ku kisukururwi cha Daudi mwami wavo. Maku valatie Yahova kandi valakanyore vihaanwa vivie vilahi.

Varumi 2:4

Anoho hawundi uchayaa zimbavasi zizie, uvwikuzihizi kandi uvwikuziri vwivwe. Ivi siumanyi ndi Nyasaye nuwizimbavasi kigira yivu vwenya koleta kuivi ligerizaa kukwimilira onyoore lieganira.

Kwidzulitsa 3:5

Amadara yaga goosi gakumbirizwa nulugaga lwa madigi matambi ligali, ni virivwa, nivivohero viukuhana virivwa zana, kandi gaali ho kandi madaala manene manyingi gavula kukumbirizwa na madigi gumbakwa.

Kwidzulitsa 32:13

“Yavaleka vamiihi vivala vievigulu, kandi valia iviamo viu mu milimi. Vanyoola uvwuki vwu mbulimu kutura hagati hi zinyanda; kandi misaala ja mizeituni jakola vulahi mu malova gamagina.

Kwidzulitsa 32:14

Yavaha isiagi, maguta namaveere kutura ku mitugu jaavo; zing'ombe ni zimburi ziavo ziahaana maveere manyingi. Vaali na magondi mamigu zimburi, nizing'ombe zindahi ligali kandi, viayo vie mitugu ja Bashani. Ingano indahi ligali kandi vanwa iwaini imbia.

Kwidzulitsa 32:15

“Avandu va Yahova vaagwa avatugi, navuzwa avibaali. Vakomera kandi vaali ni viukulia vinyingi. Valeka Nyasaye wavo uwavalomba, kandi nivasuula muhonyi wavo wi zinguru.