Nehemia 9:22 - KITABU KITAKATIFU

²² “Ivi waleka nivaguuta zihiiri kandi uvwami, kali vivala viali ovotende vwavo. Vaaguuta kivala cha Heshiboni, uwa mwami Sihoni yamiha kandi kivala cha Bashani uwa mwami Ogu yamiha.

Nehemia 9:22 Iomraidhean Croise

Zaburi 105:44

Yavaha vivala via vandu vandi, kandi naleka nivavugura milimi jaavo.

Zaburi 78:65

Mu limalirika Yahova yavuka kuli utulaa mu zindoolo. Yaali kuli mundu wizingulu uhanzuka kigira iwaini ya yaali nanweye.

Jeremia 27:5

“Kuvunyali vwange ovonene kandi kuzingulu ziange ndaalomba kivala, avandu kandi ni zinyama ziosi izimenyi ku lirova; kandi mbanaanga ku mundu woosi wa inzi mwene mali kotovola.

Jeremia 32:23

Lwa vaduuka mukivala yiki, vaavugura miandu josi jaali mucho, navuzwa si vaatia amalago googo anoho si vamenya kolondekana na amagizu googo mba. Si vaakora kindu ku viosi via waali ni wavalaga mba. Kulwayago, ivi waleeta lidiviza yili liosi kuvo.

Ezekieli 20:28

Ndaavaleta mu kivala cha ndaali nindaviisuhira ndavaha, valora vigulu vitambi kandi misaala ja matu mavisi, nivahaana visiuviliru kuvio viosi. Vaangora kuva nu vutima kigira visiuviliru via vasamba kandi iwaini ya valeta kuva kihanwa.

Kwidzulitsa 1:4

Yakola ndio inyima wa Yahova yaali niyakaguuta Sihoni Mwami munene wa vandu va Amori, uwamihaa mu lidaala lia Heshiboni, kandi Ogu Mwami munene wa Bashani, uwamihaa mu madaala ga Ashitarozi na Edirei.

Kwidzulitsa 32:26

Ndakavadivizi ligali, kunangwa avuli kuva ho nu uvizuliza.

Kwidzulitsa 4:46

kandi nivaveeye mu livona ahimbi ni lidaala lia Bezi-peoru, ivugwi wu mugera gwa Jorodani, mu kivala cha Sihoni, Mwami wa vandu va Amori, uwamihaa kutura mu lidaala lia Heshiboni.

Kwidzulitsa 4:47

Vavugura kivala chiche nikiva miandu jaavo, kandi kivala chu mwami Ogu wa Bashani. Avami va vandu va Amori vaviri yavo uwamenyaa kolovega lwi ivugwi wu mugera gwa Jorodani.

Joshua 10:11

Lwa vandu va Amori vaali ni virukaa kutura ku liihi lia vandu va Isiraeli kuvitira ha kivitiru cha Bezi-horoni kuduuka Azeka, Yahova yakola magina manene gimbula kukuba kuvo kutura mwigulu. Avanyingi kuvo vaakuza ligali kuvita aviitwa nivivavi via vandu va Isiraeli.

Joshua 11:23

Kunangwa Joshua yagumira kivala choosi kuli Yahova yaali niyalaga Musa. Joshua yakihaana ku vandu va Isiraeli kuva imiandu jaavo; kandi yakigavula mu vidonye, kedonye kilala ku vuli ihiiri. Kunangwa avandu vasoosa kutura ku vulwani.