Nehemia 9:2 - KITABU KITAKATIFU

² Yavo avaari vi kisukururwi cha Isiraeli viiyahula aveene ku vageni vosi vasingira, nivatanga kwiganira uvwoni vwavo kandi uvwoni vwa avaguuga vaavo.

Nehemia 9:2 Iomraidhean Croise

1 Avami 8:47

huliriza ku lisaala lia vandu vovo. Niiva wene yeyo mu kivala yicho valiganira nukusaala ku ivi, niviganira vwoni vwavo kandi vudamanu vwavo, hulira lisaala liavo O, Yahova.

Ezara 10:11

Maku kalunu, mwiyame uvwoni vwinyu ku Yahova, Nyasaye wa vaguuga vinyu. Mukore kolondekana ni lienya lilie kwiyahuli aveene kutura ku vandu avageni avamenyi mu kivala chienyu, kandi muleke avakali avageni.”

Ezara 6:21

Avandu va Isiraeli vosi avaari ni virani kutura mu vuhambe, kandi vosi avaari niviyahuli kutura ku vudamanu vwa vandu vamenya mukivala, avaari nivaazi kusigamira Yahova Nyasaye wa Isiraeli, valia ligondi yili.

Ezara 9:1

Inyima wa yaga goosi gaali ni gaakoleki, aviimiliri va vandu va Isiraeli vaza ku inzi nivavoora ndi, avasaalisi kandi avandu vinyumba ya Levi si vayiyahula aveene kutura ku vandu vi vivala via Kanaani, Hiti, Perizi, Jebusi, Amoni, Moabu, Egebeti kandi Amori mba. Vakora vindu vilala viere viu kuvihiliriza via vandu yavo vaakora.

Ezara 9:15

O, Yahova Nyasaye wa Isiraeli, ivi oveeye wi likalaga lirungi, kigira umali kuvugilira komenya. Kwiyama uvwoni vwitu ku ivi na sikoveeye nuvulungi kusingira imbiri woovo mba.”

Ezara 9:2

Avasaza vaavugura vakana kutura mu zihiiri yizi kuva avakali vayaayi vaavo kandi avakali navana vaavo. Kali avandu va Nyasaye avatakatifu vazugana harara na vandu vi vivala yivi. Avanene vaavo aviimiliri kandi avamihi nivo vaakora uvudamanu vwu kumaliriza.

Nehemia 1:6

Mbenza O, Yahova na uhuliri lisaala liange lwa salira avatumikiri vovo, avandu va Isiraeli, mbasu nuvudiku. Nziyamaa ndi kunyi, avandu va Isiraeli harara na avaguuga viitu kwa kola vwoni imbiri woovo.

Nehemia 10:28

Kunyi, avandu va Isiraeli vosi, avasaalisi, avandu va Levi, valindi vi virivwa, Aviimbi vumulitembeli, avayinziri vu mu Litembeli, kandi avandi vosi aviiyahula aveene kutura ku avageni vamenya mu kivala chietu mu lihulira Lilaga lia Nyasaye, kunyi, harara na vakali viitu, na avana viitu avaaveeye novogeri kumanyiriza,

Nehemia 10:29

kuhambanaa, na aviimiliri viitu mu liesuuha kandi isi wi linyola mageri gi kilaamo niiva kulavunaga liesuuha lietu, ndi kulamenya kolondekana ni Lilaga lia Nyasaye, lia yakuha ku Mutumikiri weve Musa; ndi kulahulira goosi aga Yahova, Nyasaye wiitu, akulagaa kokole, ma kandi malago geege goosi kandi nilienya lilie liosi.

Nehemia 13:3

Lwa avandu va Isiraeli vahulira makuva gi Lilaga yili nilisomwa, vatuliza avageni vosi hagati haavo.

Nehemia 13:30

Ndatakasa avandu kutura ku vindu viosi vigeni; ndalomba malago gu vuyinziri vwa vasaalisi na va Levi kunangwa sa mulala aduuki kumanya miyinzi jije;

Zaburi 144:11

Ombonyie kutura ku vasigu vange valulu, kandi osoore kutura kuzinguru zia vasigu vange vi zihiiri zing'eni, avatavola agiligali kandi avavooraa uvugadi kali ku liesuuha.

Zaburi 144:7

Unyiire mukono gugwo kutura igulu, osoore na ombonyie kutura mu amazi amanene. Kandi kutura ku zihiiri zing'eni zie zinguru,

Tsing'ano 28:13

Mundu uvisaa vwoni vwivwe si alagasizwa mba, navuzwa oyo wiyama no koleka vwoni alanyoola zimbavasi kutura ku Nyasaye.

Isaya 2:6

O, Nyasaye, ivi umali koleka vandu vovo, ivisukulurwi via Yakobo! Kivala chizuuyi uvusigitiri kutura Ivugwi kandi kutura mu kivala cha Avafilisitia. Avandu valonda imiima javageni.

Jeremia 14:20

Kunyi kumali kokora uvwoni imbiri woovo, O, Yahova; kwiyaama uvwoni vwitu aveene, kandi uvwoni vwa avaguuga viitu.

Jeremia 3:13

Mwiyame muveeye namahiolo kandi mwayibaala ku inzi Yahova Nyasaye winyu. Mwiyame ndi hasi himisaala jia amatu mavisi mwayanza avanyasaye vageni kandi simwatia malago gange mba. Inzi Yahova mali kovora.

Danyeli 9:20

Ndaazizagilira kusaala, nukwiganira uvwoni vwange kandi vwoni vwa vandu vange Isiraeli, ning'oonya Yahova Nyasaye yumbake uvuhia Litembeli lilie Litakatifu.

Hosea 5:7

Si vaveeye avasuuvirifu ku Yahova mba. Avana vaavo sivaveeye aveeve. Kalunu ku ing'inga yi lisavo mu mweli muhia, valadivizwa harara ni milimi jaavo.