Nehemia 9:16 - KITABU KITAKATIFU

¹⁶ Navuzwa avaguuga viitu vigingiraa kandi vaali avamagoti madinyu ligali, kandi nivasuula kuhulira amalago googo.

Nehemia 9:16 Iomraidhean Croise

2 Avami 17:14

Navuzwa sivali vanyara kulihulira mba; vaali ava magoti madinyu kuli vaguuga vaavo, avavura kusuuvira Yahova, Nyasaye wavo.

2 Kyetsinyinga 29:6

Avaguuga viitu sivali avasuuvirifu imbiri wa Yahova Nyasaye wiitu, makandi vaakora agataali amalungi imbiri wa Yahova. Vaatura ku Yahova ma ni vazia kuzinzira ziavo aveene.

2 Kyetsinyinga 30:8

Mutava avamagoti madinyu kuli navo vaali mba, navuzwa muhuliri Yahova. Hambi mu Litembeli mu Jerusalemi, ilia Yahova Nyasaye winyu umali kulikola live litakatifu mihiga ni mihiga. Mutumikiri Yahova Nyasaye winyu, kunangwa avuli kuva nu vutima ni munyi.

2 Kyetsinyinga 36:13

Zedekia yibaala ku mwami Nebukadineza, uwaali naamunigi yisuhi mu lieta lia Nyasaye ndi alava musuuvirifu kuye. Kigira kirage chiche ya suraa kwiganira kandi kwirana ku Yahova Nyasaye wa Isiraeli.

Nehemia 9:10

Ivi wakola vilolekizu viokogenyia ku mwami wa Egebeti, ku vatumikiri veve kandi ku avandu vi kivala chiche, kigira wamanya kuli vadambiza avandu vovo. Ivi wahevwa ilieta liuluyali lia ukikiri nalio kuduuka kalunu ndi.

Nehemia 9:29

Ivi waviganihiza vaatia amigizu googo, navuzwa vigingira kandi nivavula kuhulira malago googo. Vakora uvwoni ku malago googo, agahana livamwoyo niva umundu alagalinda. Mu liegingira liavo nilindinya magoti gaavo vasuura.

Zaburi 106:6

Kunyi kumali kokora uvwoni kuli avaguuga viitu vaakora; kokoli uvudamanu kandi uvuchamu.

Zaburi 81:8

O, avandu vange Isiraeli, hulirizi ku lieganihiza liange; vwakaveeye vulahi mulambuliriza!

Kutwula 15:26

Yavoola, “Niiva mulahulira ligali mwoyo gwange, inzi Yahova Nyasaye winyu ku likora agaveeye malungi imbiri wange nukulinda amalago gange, sindamuha amageri ni zinguzu zia ndaleta ku vandu va Egebeti mba. Inzi mbeeye Yahova muhonyi winyu.”

Kutwula 32:9

Inzi manyi vulahi kirage cha avandu yava vaveeye nacho.

Tsing'ano 29:1

Mundu ugayangwa vuli kazozo navuzwa avula kuhulira, aladivizwa vwangu ligali vugira kohona.

Isaya 48:18

“Mulava ni mwahulira amalago gange, ngano uvugasu vwayituluka ku munyi kuli migera ja amazi jilivula kukama mba. Kandi ngano mwaali muve ni liguuta kuli viguvuli via mazi ku inyanza.

Isaya 48:4

Inzi ndaamanya ndi munyi mulaloreka kuva avahindagirizi, kandi avi mitwi midinyu kuli kivia kandi mugasa.

Isaya 63:10

Navuzwa vibaara nokovereriza Roho weve Mutakatifu; Kunangwa Nyasaye yaavikiruka nukugwa musigu wavo kandi nalwaana navo.

Jeremia 19:15

ndi, Yahova Wuvunyali, Nyasaye wavandu va Isiraeli, avoora, “Inzi nziza koleta kulidaala yili Kandi ku lidaala lindi liosi liahimbi amageri goosi agandavoola ndakakole, kigira muveeye avahindagirizi kandi simulahulira agambooraa mba.”

Jeremia 2:31

Munyi avandu va Isiraeli, muhulirize agambooraa. Inzi mali kugwa kuli changalangwi ku munyi, kandi kuli kisundi ligali kandi kivala chu vuhimwa? Kigira ki muvooraa ndi mulakola kuli gamuyaanzizaa, kandi simunyala kwirana ku inzi mba?

Jeremia 7:26

Navuzwa si yaliho kali mulala uwatia anoho uwahulira mba. Muvogono yivwo, mwagwa avadinyu ligali kandi avibaali kali kuvita avaguuga vinyu.

Ezekieli 5:6

Navuzwa Jerusalemi limali kwibaala ku malago gange kandi limali kumanyia ndi ni Lichamu ligali kuvita zihiiri zindi, kandi siliveeye nuvuti kuvita vivala vindi viagikumberiza. Jerusalemi yasura lilaga liange kandi vavura kolonda malago gange.

Vikolwa 7:51

Sitefano yaazizagilira kovora “Munyi ava amagoti gadinya! Mioyo jinyu na amatu ginyu gaveeye kuli aga yavo avatamanyi Nyasaye. Munyi muveeye kuli avaguuga vinyu: Munyi kandi muhingiraa Roho Mutakatifu amadiku goosi.

Varumi 2:5

Navuzwa kigira oveeye nu mwoyo mudinyu kandi gutali ni lieganira, na ndio wivungiziraa uvutima umwene ku lidiku liu vutima vwa Nyasaye kandi likalaga lilie liu vulungi lilakaloleke.

Kwidzulitsa 31:27

Manya kirage chavo nuvwibaali vwavo. Henza, niiva vibaara ku Yahova ing'inga ya ngikiri mwoyo harara navo, navalandi inyima wi likuva liange!

Kwidzulitsa 32:15

“Avandu va Yahova vaagwa avatugi, navuzwa avibaali. Vakomera kandi vaali ni viukulia vinyingi. Valeka Nyasaye wavo uwavalomba, kandi nivasuula muhonyi wavo wi zinguru.

Kwidzulitsa 5:29

Oh, vwakaveeye vulahi niiva vakaveeye nu mwoyo kuli yigu kazozo gwu kutia Inzi. Vwakaveeye vulahi niiva vakahaani ku Inzi luyali nokuhulira malago gange goosi kazozo, kunangwa vindu viosi viakaveeye vilahi kuvo kandi ku visukululwi viavo mihiga ni mihiga.

Kwidzulitsa 9:13

“Yahova yambolera kandi, ‘Inzi manya kuli avandu yava vaveeye vi kirage.

Kwidzulitsa 9:27

Wizulizi avatumikiri vovo, Aburahamu, Isaka na Yakobo. Utahenza uvuchamu vwa avandu yava anoho uvudamanu vwavo, anoho uvwoni vwavo mba.

Kwidzulitsa 9:6

Kunangwa muve nagiligali kumanya ndi Yahova Nyasaye winyu siyamuha kivala chuvutugi na kenoru yiki kuva miandu jinyu kigira uvutakatifu vwinyu mba. Awa muveeye avandu vi kirage.

Vahebraina 3:13

Navuzwa mulala ku munyi avuli kugadwa nu vwoni kandi agwi mwigingiri. Kuduuka mukonyane aveene naveene vuli lidiku, ku lohono lwi likuva “Kalunu” mu Mang'oda Matakatifu limolomaa ku kunyi.

Vahebraina 3:15

Mang'oda Matakatifu gavoora: “Niiva muhulira mwoyo gwa Nyasaye kalunu, mutadinyia mioyo jinyu, kuli avaguuga vinyu vaali, lwa vibaara ku Nyasaye mba.”