Nehemia 9:14 - KITABU KITAKATIFU

¹⁴ Ivi wavigiza kulinda lisabato liilio litakatifu limanyikane kuvo; kandi nuvaha malago, imiima namigizu kuvitira mu mutumikiri.

Nehemia 9:14 Iomraidhean Croise

Litanga 2:3

Nyasaye yagasiza lidiku lia saba kandi nalikora kuva litakatifu, kigira ku lidiku yili yasosa ku miyinzi jije josi ja yaali naakori.

Nehemia 1:8

Mwaza ngusaala, yizuliza kalunu likuva lia walaga mutumikiri woovo Musa, noovoola, ‘Niiva munyi avandu va Isiraeli mulavula kuva avasuuvirifu ku inzi, ndamusalanyia hagati ha avandu vi zihiiri zindi.

Nehemia 10:32

Vuli muhiga, kulasolola sa mulala ziguramu zitano ziefeza kokoonyana kutunga uvutumiki vwi Litembeli.

Kutwula 16:23

naye yavavolera, “Yahova umali kulaga ndi, mugamba ni lidiku litakatifu liokososa, liviikiywi halovega kigira ye. Mwuminyi kalunu cha mwenya kwuminya kandi mudeeke cha mwenya kodeka. Choosi ikitigala kiviikwi halovega kuduuka mugamba.”

Kutwula 16:29

Mwizurizi ndi Inzi, Yahova mali kuhaana ku munyi lidiku liokososa, na nicho kigira ku lidiku lia sita ndamuha iviukulia vimuduuka ku madiku gaviri. Kunangwa mundu woosi alava vuzwa ahaveeye kulidiku lia saba vugira kutura hango hehe.”

Kutwula 24:12

Yahova yavolera Musa, “Hamba ku inzi ku kiguru, na lwa oveeye hano, ndakuha ivibaho viviri via magina iving'odeeywi ku amalago goosi agu kwigiza avandu.”

Ezekieli 20:11

Ndaavaha malago gange kandi mimbigiza lilago liange, agaleetaa livamwoyo ku mundu woosi vegehiza kugo.

Ezekieli 20:12

Kandi ndaavaha lidiku liange lie Lisabato live kuli kelolero hagati haavo ninzi; kunangwa vaduuki kwizuliza ndi Inzi Yahova, ndaavakora kuva avatakatifu.

Ezekieli 20:20

Mukore lidiku lie Lisabato kuva Litakatifu, kunangwa liduuki kuva kelolero cha lilagana lia ndaalomba nimunyi, kandi galamwizuliza ndi, Inzi mbeeye Yahova Nyasaye winyu.

Kyavalevi 19:3

Vuli mulala ku munyi kuduuka ahuliri mama weve na baba weve, na kandi kuduuka alindi lisabato liange kuli ngulaga. Inzi mbeeye Yahova Nyasaye winyu.

Kyavalevi 27:34

Yaga nigo malago ga Yahova yaaha Musa ku kiguru cha Sinai kigira avandu va Isiraeli.

Yohana 1:17

Nyasaye yahaana Lilaga kuvitira ku Musa, navuzwa zimbavasi na agiligali viaza kuvitira mu Yeso Kristo.

Kwidzulitsa 4:45

Yili nilio lilolekiza lieligali, malago kandi likalaga lia Musa yavolera avandu va Isiraeli, lwa vaatura mu kivala cha Egebeti,

Kwidzulitsa 4:5

“Henza, inzi mali kumwigiza amalago goosi kuli Yahova Nyasaye wange yandaga ngole. Mugalonde mu kivala cha muveeye ahimbi kwingira nokukivugula.

Kwidzulitsa 5:31

Navuzwa ivi, Musa, utigale hano harara ninzi, na Inzi ndakuha malago gange goosi, namalagano. Wigizi avandu malago yaga kunangwa vaduuki kugalonda mu kivala cha mbahezaa.’