Nehemia 8:9 - KITABU KITAKATIFU

⁹ Lwa avandu vosi vahulira agi Lilaga lienyaa, vaasalirizwa mu mioyo jaavo ligali, ma nivatanga kulira. Kunangwa Nehemia, uwaali mwamihi, harara na Ezira, uwaali musaalisi kandi mwigizi wi Lilaga vasomera avandu Lilaga lia Nyasaye, na vandu va Levi avaari ni vivaalaa Lilaga vaavoolera avandu ndi, “Lidiku lia kalunu liveeye litakatifu ku Yahova Nyasaye, kunangwa mutalira anaho kusioma mba.

Nehemia 8:9 Iomraidhean Croise

2 Avami 22:11

Lwu mwami yahulira amakuva gi kitabu chi Lilaga yicho, yatandula ziganza zizie nu vuveleri,

2 Avami 22:19

nu wiganira kandi nu wegehiza umwene imbiri wange, nutandula zinguvu zizio nu kulira, lwa wahulira kuli ndatihiza kuhaana mageri ku Jerusalemi kandi ku vandu valio. Ndakalikole live lio kutihiza mu zimoni ziavo, havundu ha vandu valitumikira lieta liaho kuli kilaamo. Navuzwa mali kuhulira lisaala nukwidoloka maliga (kukwo), lwa wahulira kuli ndatihiza kuhaana mageri ku Jerusalemi kandi ku vandu valio. Ndalikola live liokodegeriza kandi chukuhuga ligali ku yavo avehenza kuli havundu ha vandu vatumikira lieta lialio kuli kilaamo. Navuzwa inzi mali kuhulira lisaala liilio

2 Kyetsinyinga 15:3

Ku ing'inga indambi avandu va Isiraeli vamenya vugira Nyasaye wagiligali, kandi vugira avasaalisi kuvigiza kandi vugira amalago.

2 Kyetsinyinga 30:22

Hezekia yizominya vandu va Levi vosi kigira limanya lilahi liavo mu liemilira lisigamira Yahova. Kunangwa avandu valia viukulia vie Lisavo ku madiku saba nivahaana visiuviliru vie mirembe kandi nilihaana lisandiza ku Yahova Nyasaye wa vaguuga vaavo.

2 Kyetsinyinga 34:19

Lwu mwami yahulira makuva gi Lilaga ni gasomwa kutura mu kitabu imbiri weve, yatandula zigaanza zizie mu lihenda mwoyo.

2 Kyetsinyinga 34:21

“Muzie koteeve Yahova kulwange nu ku lwa vandu vatigara mu Isiraeli ni Ivuyuda, kigira amigizu gi kitabu yiki. Uvutima vwa Yahova voveeye vonene ligali kigira avaguuga viitu sivahulira makuva ga Yahova kandi si vakora kolondekana na makuva goosi agang'odwa mu kitabu yiki mba.”

2 Kyetsinyinga 35:3

Kandi mwami yavolera vandu va Levi avaari vigizi mu Isiraeli yoosi, kandi avaari avatakase ku Yahova; “Muviiki Lisandugu litakatifu lie lilagana lia Yahova, mu Litembeli lia Solomoni muyaayi wa Daudi mwami wa Isiraeli yumbaka. Mutaligi kandi ku mavega ginyu kutura yaaha na ahamba. Kalunu mutumikiri Yahova Nyasaye winyu, kandi avandu veve Isiraeli.

Ezara 2:63

Mwamihi wa Vayuda yavavolera ndi sivanyala kulia viukulia vihaanwa ku Nyasaye mba, kuduuka lwu musaalisi alivaho ulitumikira Urimu kandi Zumimu kuva kuli kelolekizu kumanyia niiva Nyasaye alavugilira uvutumwa vwa vasaalisi.

Ezara 7:11

Mwami Aritasakises yahaana ibarwa yiyi ku Ezara musaalisi, nu mwigizi, uwaali nilimanyiriza linyingi liamalago aga Yahova yaali niyahaana ku vandu va Isiraeli:

Nehemia 10:1

Yavo avaari vukutanga kuviika ku mihuri, vaali Nehemia uwaali munene, kandi muyayi wa Hakalia na Zedekia. Avasaalisi valonda ku yava, kandi navo vaviika ku muhuri:

Nehemia 12:26

Vasaza yava vatumika mu ing'inga ya Joiakimu mwana wa Joshua, mwisukulu wa Jehozadaki, kandi mu ing'inga yi liamiiha lia Nehemia, kandi ing'inga ya Ezira musaalisi uwaali mwigizi wi lilaga lia Nyasaye.

Nehemia 7:65

Mwamihi wa Vayuda yavavolera ndi sivanyala kulia kilala ku viukulia ivihaanwa ku Nyasaye kuduuka lwa musaalisi uva natumikira Urimu kandi Zumini ava niyaakanyoleka.

Nehemia 7:70

Valala ku aviimiliri avizinyumba vahaana vindu kokonyana ku miyinzi ju kwumbaka Litembeli vuhia. Mwamihi mwene yahaana zikilo 8 zie izahabu; Vituva 50, zinguvu ziganza zia vasaalisi 530,

Nehemia 8:2

Kunangwa musaalisi Ezira yaleeta kitabu chi Lilaga imbiri wi livugana lia vasaza, avakali na avana avaari vanyara kuhulira nukumanyiriza.

Kohelethu 3:4

Ing'inga yu kulira kandi ing'inga yo koseka, ing'inga yu kusioma kandi ing'inga yu kuyaanza,

Isaya 61:3

Yahova yanduma kuhaana uvusangari kandi uvuyanzi havogono hi lisioma, ku yavo avaveeye mu Ziyoni. Kandi kuhaana lwimbu lwu kwizominya havogono hovoveleri. Valava kuli misaala ja Yahova mwene umali kusimika, vaduuki kokora agaveeye amalungi; kandi vaduuki kwizominya Nyasaye kugoosi agaamali kuvakolera.

Hosea 4:6

Avandu vange vadiviziywi kigira sivamanyiriza inzi mba. Munyi avasaalisi mumali kusuura kumanyiriza inzi kandi mumali kusuura miigizu gange, kandi kunangwa inzi musuyi kandi sindamanyiliza avana vinyu kuli avasaalisi vange mba.

Kyavalevi 23:24

avolere avandu va Isiraeli ndi: “Ku lidiku liukutanga liu mweli gwa saba mulava ni lidiku liokososa, lie livugana litakatifu, ilizuliza mu likuba ivisiliva.

Malaki 2:13

Mwakoraa yaga kandi, mwakunika vwali vwa Yahova na maliga; muliraa kandi musiomaa kigira si yayanzilira vihaanwa anaho kuvugilira vihaanwa vienyu nuvuyanzi mba.

Varumi 3:20

Umundu siakolwa mulungi imbiri wa Nyasaye ku likora miyinzi ji Lilaga lienyaa mba; ichi Lilaga likora keveeye okokora vandu vamanye ndi vamali kokora vwoni.

Varumi 7:9

Ku ing'inga ndala, inzi ndaali mwoyo vugira Lilaga; navuzwa lwi Lilaga liaza, uvwoni vwasimuguka, na ndaakuza.

Kwidzulitsa 12:12

Musangaliri uwene yeyo imbiri wa Yahova Nyasaye, munyi harara na avana vinyu vayaayi na vakana, avatumikiri vinyu vasaza na vakali, kandi vandu vinyumba ya Levi sivalava ni milimi jaavo aveene mba.

Kwidzulitsa 12:7

Hazana yaho, Nyasaye winyu, umali kumugaasiza, munyi harara na avizinyumba zienyu, mulalira nokusangalira vindu vilahi viamumali kuyinzira aku vudinyu.

Kwidzulitsa 16:11

Musangare imbiri wa Yahova Nyasaye winyu harara na avana vinyu, vatumikiri vinyu kandi vandu vinyumba ya Levi avageni, avavisandu kandi avakunzakali vamenyi mu madaala ginyu. Mukore yaga goosi havundu harara hukusigamira ha Yahova yatovola.

Kwidzulitsa 26:14

Sikwakulia kucho lwa kusiomangi mba. Sikumali kulia kucho lwa kwaali vadamanu kolondekana ni miima ji diini mba; kandi sikuhaani ku kidieli chi likomi yicho kuli isadaka ya vakuzu mba. Kumali kuhulira ivi O, Yahova; kumali kokora kindu choosi kuli wakulaga kolondekana nikidieli chi likomi.

Yakobo 4:9

Muve no vovereri, muliri kandi musiome! Liseka lienyu ligirung'anywi kuva lilira, lisangala lienyu live liverera.