Nehemia 8:2 - KITABU KITAKATIFU

² Kunangwa musaalisi Ezira yaleeta kitabu chi Lilaga imbiri wi livugana lia vasaza, avakali na avana avaari vanyara kuhulira nukumanyiriza.

Nehemia 8:2 Iomraidhean Croise

Nehemia 10:29

kuhambanaa, na aviimiliri viitu mu liesuuha kandi isi wi linyola mageri gi kilaamo niiva kulavunaga liesuuha lietu, ndi kulamenya kolondekana ni Lilaga lia Nyasaye, lia yakuha ku Mutumikiri weve Musa; ndi kulahulira goosi aga Yahova, Nyasaye wiitu, akulagaa kokole, ma kandi malago geege goosi kandi nilienya lilie liosi.

Nehemia 13:1

Lwa Lilaga lia Musa liali ni lisomaa vudinyu vaduuka ku luvaso lovoolaa, Umuamoni kinga Umumoabu siaveeye numunwa kwingira mu livugana lia avandu va Nyasaye kali hakuzu mba.

Nehemia 8:18

Kutura ku lidiku liukutanga lie Lilia lia Madiri, kuduuka ku liukumaliriza, Ezira yasomera avandu kedonye chi Lilaga vuli lidiku. Vaali nilisavo yilio ku madiku saba, na ku lidiku lia munane, haali ho ni livugana muruka gu kumaliza livugana kolondekana na malago gi Lilaga.

Nehemia 8:9

Lwa avandu vosi vahulira agi Lilaga lienyaa, vaasalirizwa mu mioyo jaavo ligali, ma nivatanga kulira. Kunangwa Nehemia, uwaali mwamihi, harara na Ezira, uwaali musaalisi kandi mwigizi wi Lilaga vasomera avandu Lilaga lia Nyasaye, na vandu va Levi avaari ni vivaalaa Lilaga vaavoolera avandu ndi, “Lidiku lia kalunu liveeye litakatifu ku Yahova Nyasaye, kunangwa mutalira anaho kusioma mba.

Nehemia 9:1

Ku lidiku lia 24 liu mweli mulala mwere, avandu va Isiraeli vivungikiza harara okohonga lilia nukwivika zinguvu zia magunia kandi nukuviika luguchi ku mitwi jaavo kumanyia vovereri kigira uvwoni vwavo.

Isaya 28:9

Vililira kigira inzi. Vavoola, “Mundu ula aganagana yigizaa vwaha? Nivwaha wenyaa makuva geege? Gaveeye malahi vuzwa ku vana vadoto avamali kolekera kunuuna!

Kyavalevi 23:24

avolere avandu va Isiraeli ndi: “Ku lidiku liukutanga liu mweli gwa saba mulava ni lidiku liokososa, lie livugana litakatifu, ilizuliza mu likuba ivisiliva.

Malaki 2:7

Miyinzi ja vasaalisi nu kwigiza agaveeye gagiligali ga Nyasaye. Avandu gavadukiraa vazie kuvo kwiga liiva liange, kigira vaveeye vatumwa vange.

Livalidza 29:1

Ku lidiku liu kutanga lwu mweli gwa saba mulavugana nukusigamira Yahova, mutakola miyinzi josi mba. Lidiku yilio mulakuba visiriva.

Vikolwa 15:21

Kutura kale, malago ga Musa gilwazwa mu madaala goosi, nigasomwa mu masinagogi goosi madiku gi Lisabato goosi.”

Kwidzulitsa 17:18

“Lwagwa mwami, gamudukira ave ni kitabu cha Malago ga Nyasaye, kandi amigizu kutura mu kitabu chukutanga, kilindwa na vasaalisi vihiiri ya Levi.

Joshua 8:35

Vuli lilago ku malago ga Musa gasomwa na Joshua ku livugana liosi lia vandu va Isiraeli, avakali, avana harara na avageni vamenya hagati haavo.