Nehemia 8:16 - KITABU KITAKATIFU

¹⁶ Kunangwa avandu vaatura kuzia koleta zisia zia matu kandi nivumbaka madiri kwigulu kugalamu kwi zinyumba ziavo, mu migizi, ji Litembeli kandi mu mugizi gwa avandu vosi ahimbi ni Kirivwa cha Mazi kandi Kirivwa cha Efuraimu.

Nehemia 8:16 Iomraidhean Croise

2 Samweli 11:2

Lidiku lilala hamugorova ligali, Daudi yavuka kutura mu lisosa lilie nazia kwigulu kwi inyumba yu vwami. Lwa yaali nagenda igulu wene yeyo, yalora mukali niyisinga. Mukali oyo yaali wi ligondo lilahi ligali.

2 Avami 14:13

Jehoashi yavugula Amazia kuli muhambe, nazia naye kuduuka Jerusalemi, kandi nasambura lidigi lie lidaala linene kutura mu kirivwa cha Efuraimu kuduuka ku kirivwa cha Korine, uvutambi vwi zimita ahimbi zimia ziviri.

2 Kyetsinyinga 20:5

Mwami Jehoshafati yasingira hagati hi livugana liosi lie Ivuyuda na Jerusalemi, imbiri wu mugizi gwi Litembeli lia Yahova, naasaala vudinyu,

2 Kyetsinyinga 33:5

Mu migizi 2 ji Litembeli, Manase yumbaka uvwali vwu kusigamira zing'ereng'ani.

Nehemia 12:37

Ha kirivwa chi kisinukiru, vanina ku vika ni vazia mu lidaala linene lia Daudi, ni vazia kuvita ku inyumba yu vwami vwa Daudi, kandi nivilana ha lidigi, Kirivwa cha Mazi ku lovega lwi lidaala linene lie Ivugwi.

Nehemia 12:39

na kutura hene yaho, kwazia ni kuvitaa kirivwa cha Efuraimu, kirivwa cha Jeshana, kirivwa chi Zisuzi, munara gwa Hananeli, kandi munara gwa miamoja kuduuka ku kirivwa cha magondi. Kwalekera ligenda liitu ahimbi ni kirivwa chi Litembeli.

Nehemia 3:26

na vatumikiri vumulitembeli avamenyaa ku kagulu ka Ofeli vumbaki vuhia kuduuka havundu hahenza Kirivwa cha Mazi kuzia ivugwi kandi munara gwayeka ichova.

Nehemia 8:1

Ku lidiku liukutanga liu mweli gwa saba yigwo avandu vosi vavugana harara mu Jerusalemi, mu mugizi munene imbiri wi Kirivwa cha Mazi. Vateva Ezira, musaalisi kandi mung'odi wi Lilaga lia Yahova yaali yahaana ku Isiraeli kuvitira mu Musa, aleete kitabu chi Lilaga.

Nehemia 8:3

Yavasoomera Lilaga ha, mugizi munene ugwali imbiri wi kirivwa cha Mazi, kutura mu mavwevwe kuduuka mbasu hagati. Na avandu vosi vahuliriza vulahi ligali.

Jeremia 19:13

Zinyumba zia Jerusalemi zinyumba ziavami vi Vuyuda - zinyumba ziosi zievihanwa vie vimuli visambirwa kuvisegese viazio kuduuka umwigulu, kandi uwa isadaka yukunwa imali kusundulwa kuvanyasaye vandi, vilononywa kuli havundu ha Tofezi.”

Jeremia 32:29

Valahambiza muliru ku lidaala liene yili, nukulisamba ligali; harara ni zinyumba zia avandu vaanomba kuva nu vutima ku lisaamba vimuli ku Baali ku visegese vie zinyumba, kandi ku lisundula vihaanwa vie Iwaini ku avanyasaye vandi.

Kwidzulitsa 22:8

“Lwa wumbaka inyumba imbia, olombe lugaga lovodong'ane kwigulu kwinyumba, gase ulaleeta kisaahi kuduuka kunyumba yooyo niiva mundu alaguluka kutura ku ma akuze.