Nehemia 8:12 - KITABU KITAKATIFU

¹² Kunangwa avandu vosi vazia yengo nivalia kandi nivanwa nuvusangali kandi nivasanga ivia vaali navio na avandu vandi; kigira vaali ni vamanyi makuva ga vaali nivasomeywi.

Nehemia 8:12 Iomraidhean Croise

1 Kyetsinyinga 29:22

Kunangwa, lidiku liene yilio, vaali nu vusangali ligali lwa valia kandi ni vanwa imbiri wa Yahova. Ku ing'inga ya kaviri, vaakora Solomoni kuva mwami. Mu lieta lia Yahova, vamuvaka amaguta kuli mwamihi wavo, na Zadoku kuli musaalisi.

Nehemia 8:10

Hene yaho Nehemia yavavolera, muzie yengo, mulombe lilia lilahi ligali kandi munwi iwaini indahi, na musange viukulia viavo na yavo avatali navio. Lidiku lia kalunu liveeye litakatifu ku Yahova wiitu; kandi mutaverera mba, kigira uvusangari vwa Yahova voveeye zinguru zienyu.”

Nehemia 8:11

Kunangwa vandu va Levi vahozeriza avandu vosi, nivavoora, “Kiling'ani, kigira lidiku yili liveeye Litakatifu. Mutaverera kandi mba.”

Nehemia 8:13

Lidiku lia kaviri liu mweli gwa saba, yavo avaari aviimiliri vi zihiiri harara na vasaalisi kandi na va Levi vazia ku Ezira mwigizi wi lilaga okosomere mu amigizu gi Lilaga.

Esther 9:22

Yaga gaali amadiku ga Avayuda vanyoola ovovoholore kutura ku avasigu vaavo. Yigu gwaali umweli gwagirung'anywa kutura kung'inga yo vovereri kuduuka mung'inga yu vusangali nu vuyanzi. Vavolerwa vizulizi amadiku yaga kuva agi lilia kandi agu vusangali; agu kuhaanirana vihaanwa vie viukulia ku aveene na aveene kandi ku avadaka.

Ayubu 23:12

Vuli kazozo inzi ngolaa aga Nyasaye yandaga, nondaa vulaliri vwivwe, navuzwa si nondaa lienya liomwoyo gwange mwene mba.

Zaburi 119:111

Amalago googo gaveeye miandu jange ji mihiga ni mihiga; gaveeye uvusangari vwu mwoyo gwange.

Zaburi 119:127

Inzi nyanza amalago googo ligali, kuvita izahabu indahi ligali.

Zaburi 119:130

Livaala lia amakuva googo lihaana uvulavu ku avandu vovo, kandi lihaana limanyiriza ku avataveeye ni limanya.

Zaburi 119:14

Inzi sangala mu lilonda malago googo kuvita kuva nuvutugi vunyingi.

Zaburi 119:16

Nyanzilira malago googo ligali; sinyala kwivilira malago googo mba.

Zaburi 119:171

Inzi ndakwizominya zing'inga ziosi, kigira unzigizaa amalago googo.

Zaburi 119:174

O, Yahova, nzegomba ovohonyi vuvwo. Amalago googo gaveeye uvusangari vwange.

Zaburi 119:72

Amalago ga wahaana gaveeye amalahi ligali ku inzi, kuvita mabesa goosi mu lirova.

Zaburi 119:97

O, inzi nyanza amalago googo ligali! Ng'anagana kugo umbasu gwosi.

Jeremia 15:16

Ivi wamoloma ninzi na ndaahuliriza vuli likuva liilio. Inzi mbeeye woovo, Yahova Nyasaye Wuvunyali, kunangwa makuva googo galeetanga vusangali kandi uvuyanzi mu mwoyo gwange.

Luka 24:32

Vateevana mulala nu wundi, “Mioyo jitu, sijali nuvusangali vonene lwa komolomangi naye nikogenda kunzira, nakwivaliraa mang'oda matakatifu?”

Varumi 7:18

Inzi manyi ndi uvulahi sivomenyaa mu inzi mba, iliveeye kovora, mbeeye mu liiva liu muviri. Kali nimba ningayilwa kokora amalahi, sinyalizaa kokora ndio mba.

Likunula 11:10

Avandu vamenya mu lirova, valayanzizwa nu kusangara ku likuza liavo kandi valahaanilana vihaanwa kigira avaporofeti vaviri yavo avaleeta uvusaliri ovonene ligali ku avandu vamenya ku lirova.