Nehemia 8:10 - KITABU KITAKATIFU

¹⁰ Hene yaho Nehemia yavavolera, muzie yengo, mulombe lilia lilahi ligali kandi munwi iwaini indahi, na musange viukulia viavo na yavo avatali navio. Lidiku lia kalunu liveeye litakatifu ku Yahova wiitu; kandi mutaverera mba, kigira uvusangari vwa Yahova voveeye zinguru zienyu.”

Nehemia 8:10 Iomraidhean Croise

1 Avami 8:66

Ku lidiku lia munane, yaasindukiza vandu vazie. Vagaasiza mwami ma ni vazia yengo wavo nuvusangali kandi nuvuyanzi mu mioyo jaavo kigira vulahi vwosi vwa Yahova Nyasaye wavo yaakolera Daudi mutumikiri weve kandi ku vandu veve, Isiraeli.

1 Kyetsinyinga 16:27

Uvukumi nu luyali lonene vimukumbirizaa, zinguru nu vusangali vizuyi mu Litembeli lilie.

Nehemia 8:11

Kunangwa vandu va Levi vahozeriza avandu vosi, nivavoora, “Kiling'ani, kigira lidiku yili liveeye Litakatifu. Mutaverera kandi mba.”

Nehemia 8:12

Kunangwa avandu vosi vazia yengo nivalia kandi nivanwa nuvusangali kandi nivasanga ivia vaali navio na avandu vandi; kigira vaali ni vamanyi makuva ga vaali nivasomeywi.

Esther 9:19

Yiki nicho kivuni kigiranga Avayuda vamenyi mu madaala makekeeke vizuliza lidiku lia 14 mu mweli gwa Adari kuva lisosa liu vusangali. Ing'inga yiyi yaali yi lilia kandi kuhaanirana vihaanwa vie viukulia vilahi.

Esther 9:22

Yaga gaali amadiku ga Avayuda vanyoola ovovoholore kutura ku avasigu vaavo. Yigu gwaali umweli gwagirung'anywa kutura kung'inga yo vovereri kuduuka mung'inga yu vusangali nu vuyanzi. Vavolerwa vizulizi amadiku yaga kuva agi lilia kandi agu vusangali; agu kuhaanirana vihaanwa vie viukulia ku aveene na aveene kandi ku avadaka.

Zaburi 149:2

Musangare O, Isiraeli kigira uyu wamulomba. Musangare munyi avandu va Ziyoni kigira mwami winyu!

Zaburi 89:17

Ivi okohezaa liguuta linene; kandi mu vuyanzi vuvwo, okoheeza uvuguuti.

Tsing'ano 17:22

Kuva nu vuyanzi kolomba mundu kuva nu vulamu. Kuduunya ing'inga yoosi ni likuza liagalaha.

Kohelethu 11:2

Ugavuli via oveeye navio ku vandu saba anoho munane, kigira siunyala kumanya kindu kidamanu kizizaa kwekoleka mu kivala yiki mba!

Kohelethu 2:24

Kindu kilahi ligali chu mundu anyala kokora mu kivala nukulia kandi kunwa, nukusangalira viosi viamali konyoora mu liyinzira vudinyu. Navuzwa ndaalora ndi vindu yivi viosi vituraa ku Nyasaye.

Kohelethu 3:13

Gakuduukiraa kunyi kwosi kulie, kunwi kandi kusangaliri miyinzi jietu. Yiki ni kihanwa cha Nyasaye.

Kohelethu 5:18

Yaga nigo gandakumanyiliza; kindu kilahi kidukanaa mundu kokora ni kulia, nu kunwa nu kusangalira vindu viayayinzilira mu madiku makekeeke ga Nyasaye yamuha mu kivala. Yiki ni kidieli chu mundu.

Kohelethu 9:7

Uzizagiliri kulia chukulia chicho kandi usangale; Unwi iwaini yooyo kandi ove nu vusangali. Goosi gaveeye malahi ku Nyasaye.

Lwimbu lwa Solomoni 5:1

Inzi mali kwingira mu mulimi gwange, muyanze wange, kandi muselerwa wange, mbungizaa mudalasini gwange kandi vifunya mwayu, ndiza vwuki na mana gene; Nwezaa iwaini yange kandi maveere gange. Vayanze vange, mulie kandi munwi kuduuka lwa muhaambika vuyanzi!

Isaya 49:5

Inzi ningikiri kwivulwa, Yahova yandovola, yangola kuva mutumikiri weve, kwilanyia kuye avandu veve Isiraeli harara navaari ni vasalanywa. Kunangwa Yahova ahaanaa uluyali ku inzi, kandi aveeye zinguru ziange.

Isaya 61:10

Avandu va Jerusalemi vasangala kigira aga Yahova amali kokora. vaveeye kuli mwiha yiviiki kigira keserero chiche. Nyasaye yamukunika novohonyi kandi nuvuguuti.

Joeli 2:23

“Muyanze, avandu va Jerusalemi musangare ku aga Yahova Nyasaye winyu amali kumukolera. Umuheeye imbura induukiru mu ing'inga yi litaga; amukubiziiyi imbura yu vukindu kandi imbura yi limera kuli zing'inga ziavita.

Zekaria 14:21

Vuli inyingu yo kodekera mu, mu lidaala lia Jerusalemi kandi Ivuyuda woosi ilakatakaswe nu kugitumikira mu lisigamira Yahova Wuvunyali. Avandu vahaana visiuviliru valakadekere mu inyama yi visiuviliru. Lwi ing'inga yeyo ilakaduuki avakiranyi sinavaveho kandi mu Litembeli lia Yahova Wuvunyali mba.

Luka 11:41

Navuzwa, muhaane vindu eveeye mugati mwi vikombe kandi mu zisahani ku ni ivindi viosi vilava vilahi ku munyi.

2 Vakorintho 8:2

Vaveeye ni ligerizwa linene liu vudinyu vunyingi vwa vavitira mu; navuzwa vudinyu vwavo vwali vonene kuvita ligali kigira kali niiva vaali vadaka ligali, vaali vahaani kuvita kegero mu lihaana liavo.

Vafilipi 3:4

Kali nzi nyara kuviika lisuuvira liange mu vindu viu muviri kuli yivi. Niiva koveeye nu umundu uganaganaa ndi anyala kusuuvira mu vindu vie chova, inzi nyara kuva ni kivuni ekenene kuganagana ndio kuvita umwene oyo.

Likunula 11:10

Avandu vamenya mu lirova, valayanzizwa nu kusangara ku likuza liavo kandi valahaanilana vihaanwa kigira avaporofeti vaviri yavo avaleeta uvusaliri ovonene ligali ku avandu vamenya ku lirova.

1 Samweli 25:8

Teeva vuzwa avayaayi vovo navo valakovolera. Kunangwa leka vayaayi vange vanyoore livugilirwa mu zimoni zizio, kigira kunyi kuzaa ku ivi ku lidiku lie lilia. Kukusaala mwaza yaanza haana choosi cha unyala ku kunyi avatumikiri vovo kandi ku Daudi, mwana muyanze woovo.”