Nehemia 7:2 - KITABU KITAKATIFU

² Ndaviika uvwamihi vwi lidaala linene mu vulindi vwa avasaza vaviri yava: Amwavo wange Hanani na Hanania uwaali munene wi imbinga. Hanania yaali mundu musuuvirifu kandi uwatia Nyasaye kuvita avandu vandi vanyingi.

Nehemia 7:2 Iomraidhean Croise

Litanga 42:18

Ku lidiku lia kavaga Josefu yavavolera, “Inzi mbeeye umundu watia Nyasaye, kandi ndamuhonyia ku kivuni kilala.

2 Samweli 23:3

Nyasaye wa Isiraeli umali komoloma; mukingi wa Isiraeli yambolera: “Mwami wamihaa nuvulungi, uwamiha mu liitia Nyasaye.

1 Avami 18:12

Galava ki niiva Roho wa Yahova gulakuvugula gukuhili kuduuka havundu hatamanyikani, nonoho lwa mba nindula? Maku, lwambolera Ahabu ndi oveeye hano ma avuli kukonyoola, alaanzita. Wizulizi ndi ndaasigamira Yahova kutura mu vosooleri vwange.

1 Avami 18:3

Kunangwa Ahabu yalanga Obadia yaaze, waali munene winyumba yu vwami Obadia yaali musuuviri wa Yahova,

Nehemia 1:2

Hanani, mulala ku avamwavo vange yaazaa kutura Ivuyuda harara nu muganda gwa avandu vandi, na ndavateveleriza amakuva ga Vayuda vaatigara, avahononoka kutura ku liadikizwa. Ma kandi amakuva ga Jerusalemi.

Nehemia 10:23

Hoshea, Hanania, Hashubu,

Nehemia 13:13

Kandi ndatovora avasaza yava: Shelemia, musaalisi; Zadoku, mwigizi wi Lilaga; kandi Pedaya, umulevi ukusingilira ving'oze via mavikiru: Mukonyeleri wavo yaali Hanani, muyaayi wa Zakuri na mwisukulu wa Matania. Ndamanya ndi nyara kusuuvira avasaza yava kuva avasuuvirifu mu ligavula viukulia ku avayinziri vache vaavo.

Nehemia 2:8

Kandi ndaateva mbeevwe ibarwa yindi mbiliri Asafu, mulindi wu militu ju vwami, imulagaa aduuki kumba misaala nombe vikongo vie virivwa vie imbinga ikingaa Litembeli kandi via madigi gi lidaala linene kandi vie inyumba yainze komenya mu. Mwami yamba viosi via ndateeva mbeevwe, kigira Nyasaye yaali harara niinzi.

Nehemia 5:15

Navuzwa vuli mwamihi uwaali imbiri wange waali musigo muliduhu ku avandu na vateva vahevwe vidonye arubaini viefeza ku vuli lidiku komeeda ku chukulia ni iwaini. Kali avatumikiri vaavo vadambiza avandu. Navuzwa inzi ndakora lugano kutura kuvo, kigira ndaatia Nyasaye.

Nehemia 7:3

Ndavavolera, “Mutaleka virivwa via Jerusalemi kwigulwa mba, kuduuka lwa iliuva liiva niliakatula.” Avalindi vi virivwa vaali nivakikiri ku miyinzi kuduuka viliango vihanwe kandi vivasilwi ligali. Mutovole avandu va Jerusalemi kuva avalindi vi virivwa, valala vahevwe havundu haavo havalinda hakagatana ni zinyumba ziavo aveene.

Ayubu 1:1

Yaali ho mundu mu kivala cha Uzi, uwalangwa Ayubu. Mundu uyu yaali vugira imbara kandi mulungi, mulala uwatia Nyasaye, nukweleha ku uvudamanu.

Zaburi 101:6

Ndavugilira yavo avaveeye avasuuvirifu ku Nyasaye, kandi ndaleka vamenye munyumba yange yu vwami. Yavo avaveeye avasuuvirifu valandumikira.

Kutwula 18:21

Navuzwa komeeda kugene yago, otovole ku vandu vosi avanyala kuva avuvunyali kandi avatia Nyasaye kandi avasuuvirifu, vatanyala kuvugura viambeti mba. Uvatovole kuva aviimiliri ku zielefu, ku zimia, ku amusini na ku amakomi.

Danyeli 6:4

Maku vasingiliri vandi na vamiihi vaageriza kwenyeleriza vudamanu mu liamiiha lia Danieli lwa yamiha kivala, navuzwa si vanyoola kindu mba, kigira yaali musuuvirifu kandi si yakola kindu kidamanu kandi kitaveeye chu vulungi mba.

Livalidza 12:7

Gaveeye lugano lwa inzi molomaa nu mutumikiri wange Musa. Inzi mali kumutovola ave mwimiliri wa vandu vange Visiraeli vosi.

Matayo 24:45

Yeso yavoola, “Nivwaha oveeye mutumikiri musuuvirifu kandi mugeri? Ni uyu wu mwami weve aviikaa ave munene ku avinyumba yeeye, kuvaha chukulia chavo ing'inga idukanaa?

Matayo 25:21

Mwami weve yamuvolera, ‘Okoli vulahi, umutugwa mulahi kandi umusuuvirifu. Walinda vulahi ivindu vikekeke; ndakuviika ove umulindi wi vindu ivinyingi. Hamba wingiri mu vusangali harara nu mwami woovo.’

1 Vakorintho 4:2

Kindu kilala chenyekaa ku mutumikiri kuli uyu keveeye ndi, kuduuka ave umusuuvirifu ku munene weve.