Nehemia 7:1 - KITABU KITAKATIFU

¹ Na kalunu lidigi liali niliumbakwa vuhia, virivwa nivivikiywi mu vogono vwavio, na avalindi vi Litembeli, avasangi vi kwaya indakatifu kandi vandu va Levi vandi vaali nivaheveywi miyinzi jaavo.

Nehemia 7:1 Iomraidhean Croise

2 Avami 7:10

Kunangwa vatura hokososa ha Vasiria, nivirana Samaria ha kirivwa; nivalanga avalindi, “Kunyi kuziiyi kuduuka mu hokososa ha Avasiria na sikololi anoho kuhulira mundu mba; zibarasi ni zibunda zikiri kovoholorwa, na amahema gaveeye vuzwa kuli vandu Vasiria vagaleki.”

2 Kyetsinyinga 31:2

Mwami Hezekia yalohiza avasaalisi na vandu va Levi, kolondekana nu muyinzi gwa vuli mundu. Miyinzi jaavo jaali; kuhaana vihaanwa viu kusambwa kandi vihaanwa vie mirembe, kutumika mu virivwa via ahokososa ha Yahova kandi kuhaana lisandiza ni lizominya mu Litembeli lia Yahova.

Ezara 3:8

Kunangwa mu mweli gwakaviri ku muhiga gwakaviri inyima wa avandu vaali nivakilana kutura Babiloni, vatanga kwumbaka vuhia Litembeli lia Yahova. Zerubabeli mwana wa Sheyalitieli, Joshua mwana wa Jozadaka, avasaalisi, avandu vihiiri ya Levi, kandi vuli umundu woosi uwaali niyakirana yaatanga kokora miyinzi. Vatovora vandu vinyumba ya Levi avaari ni mihiga 20 kuzia igulu kuva avanene vimiyinzi jukwumbaka vuhia Litembeli.

Nehemia 10:39

Avandu va Isiraeli harara na vandu va Levi valahila engeso yaavo yu vuswage, iwaini impia, nivia maguta ga muzeituni mu zinyumba zia mavikiru umwa iviju ivitakatifu vie Litembeli vivikwa, kandi umwa avasaalisi, avaveeye ku miyinzi, avalindi vukulinda virivwa vie Litembeli, na vasangi vi Litembeli, na avukwimba ikwaya vaveeye ni zinyumba ziavo ziokomenya mu. Kunyi sikulaleka inyumba ya Nyasaye wiitu kali hakuzu mba.

Nehemia 11:3

Mu madaala manene gandi na madaala makekeeke, avandu va Isiraeli, avasaalisi, vandu va Levi, avasaza vayinziri mu Litembeli, na visukululwi va avatumikiri va Solomoni vamenya mu miandu jiavo vene mu madaala makekeeke gaavo. Yava nivo avandu vo losoma lwi kivala chi Ivuyuda avamenyaa mu Jerusalemi:

Nehemia 12:24

Mu vwimiliri vwa Hashabia, Sherebia, Jeshua, Binui na Kadimieli, avandu vi inyumba ya vandu va Levi vaviikwa mu viduma. Ku ing'inga indala, viduma viviri viimba zinyimbu ziu kuhaana lisandiza nu kwizominya Nyasaye kolondekana na Malago gu mwami Daudi mundu wa Nyasaye.

Nehemia 6:1

Sanibalati, Tobia, Geshemu Umuarabua na vasigu viitu vandi vahulira ndi kumali kwumbaka lidigi ma kandi sihali na hasasuguka handi ahatigaye mba, kali nigava kwali nikukikiri kusingiriza viliango mu virivwa mba.

Nehemia 6:15

Inyima wa madiku 52 miyinzi, jilidigi liosi jiafa kwumbakwa vuhia ku lidiku lia 25 liu mweli gwa Eluli.

Nehemia 6:19

Avandu vaali vanyara komoloma imbiri wange amakuva givikolwa vilahi via Tobia yaali naakori kandi vaali vanyara kumuvolera amakuva goosi ga ndamoloma. Na yaazizagilira kundumira zibarwa okogeriza kundihiza.