Nehemia 6:14 - KITABU KITAKATIFU

¹⁴ Ndaasaara, “O, Nyasaye wange, yizuliza aga Tobia na Sanibalati vamali kokora na uvahe amageri. Wizulizi mukali oyo Nodia kandi navaporofeti vandi vosi avagerizaa kundihiza.”

Nehemia 6:14 Iomraidhean Croise

Nehemia 13:29

Wizulizi, O, Nyasaye wange, kuli avandu yavo vamali kwononyia miyinzi juvusaalisi ni lilagana lia walomba na vasaalisi kandi na vandu va Levi.

Nehemia 5:19

Ngusaala, O, Nyasaye wange, unzizulizi ku goosi aga mali kokolera avandu yava.

Zaburi 137:7

O, Yahova, wizulizi aga vandu va Edomu vaakora ku lidiku lia Jerusalemi liagumirwa. Wizulizi kuli vavoola, “Mu livululi lidaala linene lia Jerusalemi yilio! Muyavugululi kali mise jalio!”

Zaburi 22:1

Nyasaye wange, Nyasaye wange, kigira ki ondeki? Inzi mali kukulilira ongonye, navuzwa sinyoolaa ovokonyi zana mba.

Zaburi 63:1

O, Nyasaye, ivi oveeye Nyasaye wange. Na inzi ngwenyererizaa nu mwoyo gwosi. Mwoyo gwange goveeye nuvuluhu vonene ku ivi. Liiva liange liosi liegombanga ivi kuli kivala ichumu, kuli ichangalangwe chegombaa amazi.

Kutwula 15:20

Muporofeti Miriamu, mbozo Haruni, yavugula vikuli mu mukono gwigwe, na avakali vosi vaamulonda, nivakuba vikuli nivavina.

Jeremia 14:15

Inzi Yahova, ngovolera aganzizaa kokora ku avaporofeti yavo, ava inzi ndaavura kutuma navuzwa vamolomaa mu lieta liange nokovoora ndi vulwani kandi inzara si viladiviza kivala yiki mba. Inzi Yahova ndavitira mu vulwani harara ninzara enene ligali.

Jeremia 14:18

Lwandulanga kuzia mumilimi, ndolaa miviri mikuzu ja avandu viitirwa mu vulwani; lwandulaa kuzia mu madaala, ndolaa avandu ni vakuza kigira inzara. Avaporofeti na avasaalisi vakora miyinzi jaavo, navuzwa sivamanyi chavakola mba.”

Jeremia 28:1

Mu muhiga mulala mwere, mulitanga lie liamiiha liu mwami Zedekia wi Ivuyuda, mu mweli gokolaa katano ku muhiga gwa kane, Hanania mwana wa Azuri, muporofeti kutura Gibeoni, yamoloma ku inzi mu Litembeli. Yambolera imbiri wa avasaalisi kandi avandu vosi ndi,

Jeremia 28:10

Maku muporofeti Hanania yavugula iniira yu mwami nagituliza ku ligoti liange, kandi nagivunanyia mu vidonye;

Jeremia 28:15

Maku ndavolera Hanania ndi, “Huliriza, Hanania! Yahova si yatuma ivi mba, kandi okoli avandu yava kusuuvira ovovehi.

Matayo 24:11

Avaporofeti vovovehi avanyingi valaza na valagotiza avandu vanyingi.

Matayo 24:24

Kigira valatulira mesia vovovehi, na vaporofeti vovovehi. Valakola ivilolekizu vinene vaduuki kugaada kali avatovole va Nyasaye, niganyalika.

Matayo 7:15

“ Mugerihi ku avaporofeti vo vovehi. Valaza ku munyi niviviiki zinguvu zia magondi, navuzwa mu mioyo jaavo vaveeye visalang'ongo vilulu.

1 Yohana 5:16

Niiva mundu alolaa amwavo weve naakoraa uvwoni vutaveeye vumudukiza ku likuza, gamudukira amusaaliri ku Nyasaye, na Nyasaye alamuha livamwoyo litahera mba. Likuva yili mbolera yavo avakolaa uvwoni uvutavimiliraa kuduuka ku likuza. Navuzwa voveeye ho nu uvwoni vuhilaa vandu mu likuza. Simbolaa musaale Nyasaye ku vwene yivwo mba.

Likunula 19:20

Iking'ang'a zana chagumirwa harara nu umuporofeti wo vovehi waali naakori ivilolekizu imbiri weve. Yatumikira ivilolekizu yivio ukugaada avandu vaali nu muhuri gwi king'ang'a, na yavo avasigamira kifananyi chacho. Iking'ang'a nu umuporofeti wo vovehi vasuvwa munyanza yu muliru iyakaa nu kuvasaamba ni kibiriti nivaveeye mwoyo.