Nehemia 6:13 - KITABU KITAKATIFU

¹³ nduuki kokora uvwoni, kunangwa vaduuki kwononyia lieta liange lilahi kandi nukuumbika mu zisoni.

Nehemia 6:13 Iomraidhean Croise

Nehemia 6:12

Lwa ndaganagana ku makuva yaga, ndamanyiriza ndi Nyasaye siyaali naamolomi ku Shemaya mba, navuzwa Tobia na Sanibalati vaali ni vamuhe viambeti yanziganihizi,

Nehemia 6:6

Yaga nigo agang'odwa mu: “Geshemu amboleraa ndi ulusuma lumali kulanda hagati hi zihiiri ziveeye mu ovotende ndi ivi na avandu Vayuda musaviraa ukwiibaala ma kandi yiki nicho kijiraa nimwumbaka vuhia lidigi. Kali ndio, kolondekana namakuva yago, ivi olohizaa kwekola mwami yivi mwene.

Tsing'ano 22:1

Nivulahi kotovola lieta lilahi kuvita kotovola uvutugi ovonene, kandi nivulahi kuva ni miima milahi kuvita ifeza anoho zahabu.

Tsing'ano 29:5

Mundu ugadaa valina veve yetegeraa mutego mwene.

Kohelethu 7:1

Lieta lilahi liveeye lilahi kuvita maguta guvuguli, kandi lidiku lie likuza liveeye lilahi kuvita lidiku liu kwivulwa.

Isaya 51:7

“Mumbulirizi munyi avamanyi agaveeye malungi, munyi avaveeye na malago gange mu mioyo jinyu. Mutatia lwa vandu vamuhenyahenyaliza nukumunyega mba.

Isaya 57:11

Yahova avoora, “avanyasaye vamutiizaa nukutihizwa ligali navo ni vanga vwaha, kunangwa muduuki kombehera kandi kwivilira inzi ligali? Munyi mumali kolekera ukuha inzi uluyali kigira ngiling'ani ku ing'inga indambi?

Jeremia 1:17

Wetegeke Jeremia, uzie na ovoolere avandu va Isiraeli goosi agaamali kukulaga kovora. Utavatia mba, gase ndakokola ove umuti imbiri wavo.

Jeremia 18:18

Maku avandu vavoola, “Hambi, gendi kolohizi mu vwivisu kwingilira Jeremia; kigira liegiza lielilaga navasaalisi, anoho konyoora amigizu kutura ku vageri, anoho makuva kutura ku vaporofeti sigalagota mba. Kunangwa hambi, kumwingiliri namang'ana giitu malulu kandi kuvuli kuhuliriza ku kindu choosi cha avoora.”

Jeremia 20:10

Mbulira vuli vandu nivamonya, “Litihiza liveeye havundu hoosi! Kulwayago, kulamuvoola ku vanene!” Kali avalina vange vahimbi ligali valindilira ku ligwa liange. Avalina yava vavoola, “Hawundi anyala kugadwa, maku kunyala kumugumira kandi kuvanze kisaalia.”

Ezekieli 2:6

“Navuzwa ivi, Mwana wu Mundu, utavatia, anoho utatia gavavoraa mba. Utatia mba, kali niiva vigunzanguva kandi amafa vikukumberizi kandi kali niiva omenyi hagati hi zinzoka. Utatia vandu vibaali yavo anoho kindu choosi chavavolaa mba.

Matayo 10:28

Mutatia avenyaa kwita umuviri, navuzwa sivanyala kwita umwoyo mba. Ni vulahi mutie uyu unyala kudiviza umuviri harara nu mwoyo nukuguviika mu gehena.

Matayo 22:15

Avafarisayo vazia kovolerana kuli vanyara kogeriza Yeso na mateeva.

Matayo 26:59

Avasaalisi vanene ni kiyaalo choosi venyeleriza amakuva go vovehi kugina Yeso, vaduuki ku mwita;

Vikolwa 6:13

Maku valeta mu kiyaalo avaloli vo vovehi avavoora, “Mundu uyu sialekaa kovora amakuva go konyega Litembeli litakatifu, kandi Lilaga lia Musa mba.

2 Vakorintho 11:12

Ndazizagilira kokora aga ngolaa kalunu, nduuki kwigalira “avatumwa” vandi yavo vavuli kuva ni kivuni chu kwekonyera ku, mu livoora ndi vakora miyinzi kuli kunyi kokoraa.

Tito 2:8

Livoora liilio live lilahi vugira chokwikigitaliza, kunangwa umuhing'ani aduuki koleganywa havulavu, kigira siaveeye nichavoola ku kunyi kidamanu mba.

Yakobo 4:17

Kunangwa yavo vatakola vulahi vwa vaduukana vakole, vaveeye na mahiolo gu vwoni.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”