Nehemia 5:9 - KITABU KITAKATIFU

⁹ Maku ndavoora, “Icha mukoraa keveeye kidamanu! Muduukana mutie Nyasaye na mukore agaveeye malungi. Maku simulahana ku avizihiiri kivuni choosi icha vakokolera kehenyahenye mba.

Nehemia 5:9 Iomraidhean Croise

Litanga 20:11

Aburahamu yativura, “Inzi ngoli ndio kigira ndaaganagana ndi havundu yaaha avulaho mundu watia Nyasaye, na valanzita ma vavuguli mukali wange.

Litanga 42:18

Ku lidiku lia kavaga Josefu yavavolera, “Inzi mbeeye umundu watia Nyasaye, kandi ndamuhonyia ku kivuni kilala.

2 Samweli 12:14

Navuzwa kigira wakolegeliza Yahova, Mwana woovo alakuza.”

Nehemia 4:4

Ndaasaara, “O, Nyasaye wiitu hulira kuli vakokolera kehenyahenye! Leka manyego gaavo gavagwiri ku mitwi jaavo aveene. Leka vanyagwi ivindu viosi via vaveeye navio kandi leka vahilwe kuli vahambe mu kivala chovogeni.

Nehemia 5:10

Mali koleka avandu veegobe mabesa nuvuswage kutura ku inzi, kandi avalina vange na avasaza vanyinziliraa vakoli ndio kandi. Kalunu leki koleke lidaya iviambeti. Muleke amagovi ginyu goosi ga vaveeye nago, amabese anoho uvuswage, anoho iwaini anoho maguta ga muzeituni.

Nehemia 5:15

Navuzwa vuli mwamihi uwaali imbiri wange waali musigo muliduhu ku avandu na vateva vahevwe vidonye arubaini viefeza ku vuli lidiku komeeda ku chukulia ni iwaini. Kali avatumikiri vaavo vadambiza avandu. Navuzwa inzi ndakora lugano kutura kuvo, kigira ndaatia Nyasaye.

Zaburi 90:11

Nivwaha umanya zinguru ziu vutima vuvwo vululu; Nivwaha umanya ni vutihizi ki vwu vutima vuvwo vunyala koleta?

Tsing'ano 16:29

Avandu vi kirage vagada valina vaavo kandi vavimilira kuzia mu vudinyu.

Tsing'ano 17:26

Sivoveeye vulahi mundu utaveeye nimbala kuhiola, ageligali, gagota lwa vandu valungi vanyoola mageri.

Tsing'ano 18:5

Sivoveeye vulahi kuyaanzilira mundu mudamanu nu kwigalira mundu utaveeye nimbala konyoora vulungi mba.

Tsing'ano 19:2

Vugulu vugira limanya sivoveeye vulahi mba; kandi sivoveeye vulahi kudidikana ma ogote inzira mba.

Tsing'ano 24:23

Avageri vavoola vindu yivi kandi; sivoveeye vulahi avakalagi kuva ni liyaanzilira avadamanu mba.

Ezekieli 36:20

Navuzwa havundu hoosi havazizaa hagati hi zihiiri, vononyia lieta liange litakatifu, kali kuduuka vandu nivavoora, ‘Yava vaveeye avandu va Yahova, navuzwa gavadukiraa vatuli mu kivala chiche.’

Kyavalevi 25:36

Mutavugula madanyi anoho viambeti viulugano lwosi mba; navuzwa mutie Inzi Nyasaye na muleke umundu wa Isiraeli wache amenye nimunyi.

Vikolwa 9:31

Ing'inga yeyo likanisa liali ni mirembe hoosi mu Vuyuda, Galilaya, na Samaria. Liumbakwa niliviruka mu liitia Mwami, nilimedeka koleminywa mwoyo kuvitira mu Roho Mutakatifu.

Varumi 2:24

Mang'oda Matakatifu gavoora, “Avandu vizihiiri vanyega Nyasaye kigira munyi Avayuda!”

Tito 2:5

vave avilindi, kandi valungi, avalindaa amakuva gu mu izinyumba ziavo aveene, vave avahocha kandi avegehiziraa avasaza vaavo aveene, kunangwa likuva lia Nyasaye livuli konyegwa.

1 Petro 2:12

Ligenda lienyu live lilahi ligali hagati ha vandu vatamanyi Nyasaye kunangwa kali lwa vamuginaa kuli muveeye avadamanu, gave kuvo aveene, navuzwa kigira ivikolwa vienyu vilahi via valora, vaduuki kwizominya Nyasaye ku lidiku lia aliiza.

1 Samweli 2:24

Mulekere ligali avana vange! Yiki ni kindu chukuvihiliriza ligali cha vandu va Yahova vamoloma.