Nehemia 3:26 - KITABU KITAKATIFU

²⁶ na vatumikiri vumulitembeli avamenyaa ku kagulu ka Ofeli vumbaki vuhia kuduuka havundu hahenza Kirivwa cha Mazi kuzia ivugwi kandi munara gwayeka ichova.

Nehemia 3:26 Iomraidhean Croise

1 Kyetsinyinga 9:2

Navuzwa avandu vaali vu kutanga kwirana komenya mu madaala gi miandu jiavo vaali: Visiraeli, Vasaalisi, ihiiri ya Levi na avatumiki vi Litembeli.

2 Kyetsinyinga 27:3

Yaali Jozamu uwumbaka kirivwa cha Ivaale chi Litembeli kandi naakora miyinzi minene ju kwumbaka ku lidigi lie lidaala linene mu losoma lwa Jerusalemi ulwaalangwa Ofeli.

2 Kyetsinyinga 33:14

Inyima wa yaga, Manase yameda kwumbaka uvutambi igulu wi lidigi lie chova ku lovega lwi Ivugwi lwi Lidaala linene lia Daudi, kutura havundu mu livona ahimbi ni kidaho cha Gihoni ivaale wi Kirivwa chi Zisuzi kandi havundu hi lidaala linene ahalangwa Ofeli. Yavika kandi munene wi liihi mu vuli lidaala linene liumbakirwa zimbinga lie Ivuyuda kuliliinda.

Nehemia 10:28

Kunyi, avandu va Isiraeli vosi, avasaalisi, avandu va Levi, valindi vi virivwa, Aviimbi vumulitembeli, avayinziri vu mu Litembeli, kandi avandi vosi aviiyahula aveene kutura ku avageni vamenya mu kivala chietu mu lihulira Lilaga lia Nyasaye, kunyi, harara na vakali viitu, na avana viitu avaaveeye novogeri kumanyiriza,

Nehemia 11:21

Avasaza avayinziri vi Litembeli vamenya ku lovega lundi lwa Jerusalemi lwalangwa Ofeli. Vaakora miyinzi hasi hu vunyali vwa ziha na Gishipa.

Nehemia 12:37

Ha kirivwa chi kisinukiru, vanina ku vika ni vazia mu lidaala linene lia Daudi, ni vazia kuvita ku inyumba yu vwami vwa Daudi, kandi nivilana ha lidigi, Kirivwa cha Mazi ku lovega lwi lidaala linene lie Ivugwi.

Nehemia 3:27

Avasaza kutura Tekoa, vumbaka vuhia kidieli chalonda ku, kutura munara munene ugwayeka ichova kuduuka ku lidigi lia Ofeli.

Nehemia 8:1

Ku lidiku liukutanga liu mweli gwa saba yigwo avandu vosi vavugana harara mu Jerusalemi, mu mugizi munene imbiri wi Kirivwa cha Mazi. Vateva Ezira, musaalisi kandi mung'odi wi Lilaga lia Yahova yaali yahaana ku Isiraeli kuvitira mu Musa, aleete kitabu chi Lilaga.

Nehemia 8:16

Kunangwa avandu vaatura kuzia koleta zisia zia matu kandi nivumbaka madiri kwigulu kugalamu kwi zinyumba ziavo, mu migizi, ji Litembeli kandi mu mugizi gwa avandu vosi ahimbi ni Kirivwa cha Mazi kandi Kirivwa cha Efuraimu.

Nehemia 8:3

Yavasoomera Lilaga ha, mugizi munene ugwali imbiri wi kirivwa cha Mazi, kutura mu mavwevwe kuduuka mbasu hagati. Na avandu vosi vahuliriza vulahi ligali.

Isaya 32:14

Kali inyumba yu vwami ilakalekwe, kandi lidaala liveeye linene ligali lilakang'anywi. Hango ho vomenyo kandi, minaara jaavakinga vilava amang'anye mihiga ni mihiga. Zibunda ziu mumulitu zilagendagenda mu, kandi amagondi galakanyole yo uvwayiru.