Nehemia 3:15 - KITABU KITAKATIFU

¹⁵ Shalumu muyaayi wa Kolihoze, mwamihi wa Mizipa yumbaka vuhia Kirivwa chi Kidaho. Yaanyinya inzira yikirivwa, naviika virivwa mu vogono vwavio, kandi naviika mu miruguyu kandi vivohero vwukuhanira kirivwa. Ha Lidavalia lia Shela yumbaka lidigi liakagatana nimilimi gwu vwami, kuli kuduuka ku vika viemilango kusulunguta kutura mu Lidaala linene lia Daudi.

Nehemia 3:15 Iomraidhean Croise

2 Samweli 5:9

Inyima wukugumira nukuguuta imbinga zana yeyo, Daudi yamenya muyo kandi yagigulika, “Lidaala linene lia Daudi.” Yumbaka lidaala linene ku likumbiriza kutangira havundu hu mulimi gwaali ni gwizulizwa mu amavona ku lovega lwa Ivugwi wi kiguru.

2 Avami 25:4

Madigi gi lidaala linene gafudulwa umuluhu kali niiva avandu va Babiloni vaali ni vakumberizi lidaala linene, avasikari vosi viruka ing'inga ya vudiku kuvitira kunzira yu mmulimi gwu vwami, ni vavitira mu kirivwa chahambanyia madiji, ni vazia ha livona lio mugera gwa Jorodani.

2 Kyetsinyinga 32:30

Yaali mwami Hezekia wingalira aha mazi gi kidaho cha Gihoni gavitiraa nigazia ichova, nagagirung'anyia gavitiri mu logova kuduuka havundu musi mwa madigi ga Jerusalemi. Hezekia yagasizwa mu vindu viosi via yakola.

Nehemia 12:37

Ha kirivwa chi kisinukiru, vanina ku vika ni vazia mu lidaala linene lia Daudi, ni vazia kuvita ku inyumba yu vwami vwa Daudi, kandi nivilana ha lidigi, Kirivwa cha Mazi ku lovega lwi lidaala linene lie Ivugwi.

Nehemia 2:14

Maku kolovega lwi Ivugwi lwi lidaala linene ndazia Ivaale kuduuka ku kirivwa chi kidaho kandi ku Lidavalia liu mwami. Ibunda ya ndaali niniini ku, siyaali inyala konyoora uvwiyangu vwu kuvitira mu mba.

Nehemia 2:17

Navuzwa kalunu ndavavolera, “Muloraa ikivi cha koveeye mu, kigira Jerusalemi liveeye mang'anye, na ivirivwa vialio viamala kusambwa mumuliru. Gendi kwumbake vuhia madigi gi lidaala linene na koherizi zisoni zietu.”

Nehemia 3:12

Shalumu muyaayi wa Haloheshi, mwamihi wo lovega lulala lwa Jerusalemi yumbaka kedonye chalonda ku. Avakaana veve vamukoonya kuyinzira.

Nehemia 3:14

Malikija muyaayi wa Rekabu, mwamihi wa Bezi-Hakeremu yumbaka vushia Kirivwa cha Mandu. Yavika virivwa mu vogono vwavio kandi naviika mu miruguyu ni vivohero vwukuhanira kirivwa.

Nehemia 3:19

Ezeri muyaayi wa Jeshua, mwamihi wa Mizipa yumbaka kedonye chalonda ku ichaali imbiri wi inyumba yukuviika mu iviugi; kuduuka havundu hi lidigi liavodong'anila.

Nehemia 3:7

Melatia kutura Gibeoni, Jadoni kutura Meronozi, na vasaza va Gibeoni na Mizipa vumbaka kedonye chalonda ku, kuduuka ku zinyumba ziu mwamihi wi kivala keveeye Imadioli wu Mugera gwa Efurate yamenya.

Nehemia 3:9

Refaya muyaayi wa Huri, mwamihi wa Inusu yi kivala yumbaka vuhia kedonye chalonda ku.

Kohelethu 2:6

Ndalomba madavalia ga mazi gu kusama militu ji misaala midoto.

Isaya 8:6

“Kigira avandu yava vamali kusura amazi kutura mu kisunikiru cha Shiloa, agitulukaa galaha, mioyo jiavo jakuza imbiri wu mwami Rezini nu mwami Peka,

Jeremia 40:6

Ndaazia komenya na Gedalia mu Mizipa harara na avandu vaatigara mukivala.

Luka 13:4

Anoho avandu vaali likomi na munane avu munara gwagwira mu Siloamu nivakuza; muganaganaa vaali avoni kuvita avandi vosi avamenyaa mu Jerusalemi?

Yohana 9:7

na muvooleraa, “Zia wisaave mu lidavalia lia Siloamu.” Kivuni chi lieta yili keveeye “Kutuma.” Kunangwa, mboku oyo yazia niyisaava, ma niyirana nalora.

Vakalagi 20:1

Avandu vosi va Isiraeli kutura Dani kolovega lwi ivaale kuduuka Beerisheba kolovega lwi savaalu, kandi kutura mu kivala cha Gileadi kolovega lwi vugwi vahulira umulango. Viivungikizana harara ha Mizipa.

Vakalagi 20:3

Ing'inga yene yeyo, avandu va Benjamini vahulira ndi vandu va Isiraeli vandi vamali kwivungikiza ha Mizipa. Avandu va Isiraeli vateva kovooleri kuli makuva yaga gekoleka.